تفاصيل زيارتى لاول مدون يسجن فى العالم

المكان : سجن برج العرب بالاسكندريه

الزمان : 4 اكتوبر 2009

مده عملية اختراق اسوار الغباء : 6 ساعات

اليوم 4 اكتوبر 2009 ذهبت لزباره كريم عامر بسجن برج العرب شديد الحراسه بالاسكندريه وطبعا كنت مطلع تصريح نيابه بالزياره استعدادا لأى محاوله غبيه برفض زيارتى له

ذهبت الى بوابة السجن 9 صباحا وقدمت تصريح الزياره وكارنيه المحاماه الخاص بى وبدأ الغباء اول ماشوفوا إسم كريم عامر

امين الشرطه : انت حصلت على إذن وتأشيره وزير الداخليه على تصريحك ده

انا : إيــــــــــــــــــه

أمين الشرطه : أقصد حصلت على تأشيره رئيس مصلحه السجون على تصريحك ده

انا : ولا وزير داخليتك ولا رئيس مصلحتك له انه يوافق على إذن نيابه لأن فى فصل بين السلطات وما على وزير الداخليه اللى هو بيمثل السلطه التنفيذيه ينفذ اوامر المحامى العام اللى بيمثل السلطه القضائيه وليس من حقه يوافق او لا يوافق

امين الشرطه : هااااا

ملحوظه : طبعا طور الله فى برسيمه ولا فهم حاجه

انا : انا حاصل على إذن نيابه يا ريت تنفذه وبلاش اسئله كتيره

امين الشرطه : إذن النيابه بتاعك ده مايساويش ربع جنيه مخروم

انا : انت قليل الادب وانا حاقدم فيك شكوى لقيامك بسب جهه قضائيه

امين شرطه اخر : هو مايقصدش والله هات بس إذن النيابه ده هو المسجون اسمه عبد الكريم سليمان عامر مااشى انا حاسجلك اسمه بنفسى بس هات خمسه جنيه دمغه

هى طبعا مش بخمسه جنيه بس ماشى عطيته واستنيت الى الساعه 11 وبدأو ينادوا على اسماء المساجين علشان اهليهم يدخلوا يزوروهم

ونادوا على المجموعه الاولى وانا قاعدوالمجموعه التانيه وانا برضه قاعد والتالته والرابعه فقمت بئه حاقعد استنى ايه تانى الساعه بقت 12 ونص

سالت على التصريح بتاعى طبعا امين الشرطه اللى روحت سالته فرح اوى انى بساله علشان محامى واجابته ليا حاتكون بفلوس طبعا

قالى ثوانى اشوفهولك وساب الناس او باع الناس وراح يشوفلى تصريحى

رجع فسالته فين التصريح قالى ماعرفش ماليش دعوه اناقلتله يعنى ايه مالكش دعوه هات تصريحى قالى اسال على بوابة الزياره

روحت على بوابة الزياره سالت قالولى باسم مين قلتلهم عبد الكريم نبيل سليمان عامر

قالولى استنى طيب نستأذنلك هات بطاقتك .... قلتله تستأذن مين تانى ده تصريح نيابه مش محتاج استإذان

قالى طيب هات البطاقه علشان تدخل فعطتهاله

شويه ونادوا على المجموعه الخامسه وعلى المعتقلين السياسيين والجنائيين فرحت سالتهم الساعه بقت واحده ونص

انا : فين تصريحى وامتى الزياره

امين الشرطه : اصل مشكلتك مع امن الدوله مش معانا ..

. انا : وهو انتم مين !!؟

امين الشرطه : احنا مصلحة السجون وهما امن دوله

انا : وهما فين اللى مشكلتى معاهم خليهم يطلعوا اكلمهم وبعدين لما الموضوع بإيديهم من الاول ليه انتم بتاخدوا منى التصريح والكارنيه وبعدين البطاقه وكمان اخدوا منى خمسه جنيه هو انتم شغالين خدامين عندهم

امين الشرطه : اه استريحت بئه

انا : لا ماستريحتش لانى عارف الاجابه من الاول .. انا دلوقتى عايز ادخل طلعلى حد من امن الدوله

امين الشرطه : طيب استنى

فضلت مستنى للساعه 2 ومفيش فايده وانا مش ببطل اسئله وداخل طالع عليهم لحد مانادوا على اخر ناس واقفين ودخلوهم يزوروا وماتبقاش غيرى انا وحوالى 8 كانوا زياده عن العدد المسموح بيه من كل اسره والعجيب انهم بدل مايسيبوهعم يمشوا اخدوا منهم بطايقهم فلا دخلوهم يزوروا ولا سابوهم يمشوا يروحوا والناس عايزه تروح فسخنتهم وقلتلهم خبطوا على الباب واطلبوا مقابلة رئيس مباحث السجن يجبلكم بطايقكم والا مش حاتخدوها النهارده فالناس خبطت وزعقت وطلبوا بطايقهم فجالى الظباط وامناء الشرطه رغم انى مش انا اللى بطلب بطاقتى وقالى حاضر حانجبهالك علشان تمشى

قلتله لا انا حازور كريم عامر مش ماشى هما اللى عايزين يمشوا

قالى الساعه بقت 2 ونص خلاص مفيش زياره

قلتله ولايهمك وقلعت الجاكت بتاع بدلتى وفرشته على الارض جمب باب الزياره جوه السجن وقلتله التصريح لمده اسبوع وبكره اخر يوم فى الاسبوع فبدل ما ارجع بيتنا واكسل اجى بكره والتصريح ينتهى انا حاقعد هنا لبكره مش حاتحرك من مكانى فقفلوا الباب واكيد راحوا يسألوا اسيادهم نعمل ايه ؟

بعد خمس دقايق طلعلى واحد وقالى اتفضل علشان خلاص الزياره ميعادها انتهى

فطلبت منه يجيب زمايله ويطلعونى بره باب السجن بالقوه وساعتها حاطلع على مكتب المحامى العام اعتصم هناك

فقالى روح اعتصم وانا مالى

اناقلتله ماشى انا حاعتصم عنده واساله ليه بيدينى تصريح زياره طالما التصريح ده مالوش اى قيمه عند مصلحة السجون , وبدل هو اللى طلع التصريح ده يتصرف وحارفع قضيه عليه اطالبه بالتعويض

رجع الراجل وقفل الباب بعد خمس دقايق تانى فتح الباب وطلع منه اذكى مخبر امن دوله شفته فى حياتى ونادى بصوت عالى اوى الاستاذ احمد عراقى نصار فأنا بصتله وبقوم من على الارض فنادى تانى بصوت اعلى من المره الاولى احمد عراقى نصارفقلتله انت بتنادى على مين هو فى اى حد غيرى موجود قالى وانت ليه مش بترد عليا قلتله علشان انت عارفنى ومفيش غيرى فليه بتعلى صوتك

قالى طيب يالا بئه اتفضل الزياره دخلت من الباب واتقفل فقالى معاك تليفون قلتله لا سايبه بره علشان عارف الحجج بتاعتكم دى

جه الصول اللى على البوابه للتفتيش فقاله مخبر امن الدوله لا انا اللى حافتشه وفعلا فتشنى هو وقالى تعالى يالا

دحلنا عنبر الزياره وكان عنبر زيارة المحكوم عليهم بالإعدام !!؟

المخبر وقف فجأه المخبر : استنى التفتيش

انا : تفتيش ايه تانى انت مش لسه مفتشنى بنفسك بره

المخبر : لا بره كان تفتيش البوابه هنا تفتيش العنبر

انا : مانت اللى فتشتنى بره برضه مش حد غيرك يبقى حاتفتش ايه تانى

المخبر : هى دى الاوامر العنبر لازم فيه تفتيش

انا : يا عم مانت اللى فتشتنى بره لو كان الصول كان ماشى بس ده انت اللى فتشت

جالى امين شرطه عارفنى من ايام ماكنت معتقل بسجن برج العرب وسلم عليا وقالى معلش سيبه علشان تدخل تزور براحتك

فقلتله فتش يا عم وخلصنى

طبعا رجع فتش تانى ومالقاش حاجه زى اول مره فقالى بكل ذكاء ممعاكش حاجه ممنوعه !!

قلتله وانت كنت لاقيت بره حاجه ممنوعه قالى لا بس التفتيش هنا اختصاصى انا اما بره فاختصاص الصول بس هما قالولى فتشه انت مش الصول

دخلت العنبر ولاقيت كريم واقف مستنى ومفيش مكان نقعد فيه زياره للواقفين فقط والعنبر فاضى مفيهوش غير واحد محكوم عليه بالاعدام اهله بيزوروه من ورا السلك والمخبر وامين الشرطه واقفين جمبنا كتفهم بكتفنا

فقلتلهم ماتتفضلوا معانا هو انا جاى ازوركم انتم ولا ازوره فبصولوا بكل رخامه وماتحركوش من مكانهم قعدت مع كريم عامر قصدى وقفت معاه ربع ساعه وأكد لى انه خلص ملفه استعدادا للخروج يوم 6 نوفمبر وان ادارة السجن خلاص خلصت الملف وسالنى ايه انطباع الناس بره عنه ولسه فى اراء سلبيه ضده قلتله مش كتير زى الاول بس فى عضوه على الفيس بوك لاقيتها بتطالب فى تعليقها بالحصول على حق الله منك

قالى والاربع سنين اللى اتسجنتهم دول ماكفوهاش لسه ؟

وننتظر خروج كريم عامر يوم 6 نوفمبر 2009 ونطالب وزارة الداخليه بعدم التعسف معه فى اتخاذ اجراءات الافراج احمد نصار سجن برج العرب شديد الحراسهالاسكندريه

اليونسكو ليست معركة المصريين ولم تهزمنا اسرائيل

اولا لم تكن معركة الامين العام لليونسكو معركه بين مصر والعالم لكنها كانت معركه بين فاروق حسنى ونظام مبارك وبين النظم الديمقراطيه بالعالم يحاول نظام مبارك ان يصورها على انها معركه وطنيه مثل حرب اكتوبر يجب على الشعب ان يلتف حول القياده من اجل النصر ولكنهم فشلوا فى اقناع الشعب بذلكاولا لكره الشعب لنظام مبارك بالكامل ومن ابرز المكروهين فاروق حسنى الذى هاجم الحجاب الذى يعتبره اغلبية المصريين الزى الشرعى للمرأهكما هاجم فاروق حسنى الكتب اليهوديه وهدد بحرقها اذا رآها وكأنه لم يرى من قبل او يدل كلامه على انه لم ينزل الى الشارع من قبل ليتجول بين المكتبات وهو وزير الثقافه منذ 24 عاما وانه لا يعرف شيء عن الثقافه بمصرثم بعد انا هدد بحرقها عاد ليعتذر لإسرائيل عن هرتلته عن حرق الكتب ولكنه لم يكتفى بالإعتذار وانما وصل لدرجه الذل والاستعطاف لكى يسامحه الاسرائليون الذين خدعوه فى النهايهبعد كل هذا يأتى نظام مبارك ويصرح أن سبب هزيمة فاروق حسنى المؤامره الاسرائليه ضده وضد مصر وهم يقولون ذلك ليس لفضح اسرائيل امام العالم ولكن لفضح خيبتهم ولكى يعلنوا عن المكانه المرموقه التى اصبحت لدوله اسرائيل بين دول العالم وعن الدور المصرى المتواضع الذى اصبحت عليه مصر فى عهد حسنى مبارككلام النظام المصرى بأن اسرائيل هى السبب وهى التى تآمرت عليهم يوضح حجم الصداقه التى كانت بين النظام المصرى واسرائيللانه لولا هذه الصداقه لتوقع النظام المصرى الخيانه والمؤامره قبل ان تتم والخيانه لا تأتى الا من صديق او قريب لذلك سميت خيانه فخان الاسرائليون النظام المصرى فى معركة اليونسكو ولكنهم لم يخونوا المصريين الذين من البدايه يرفضون ترشيح فاروق حسنى ليمثل المصريين كما انهم يرفضون صداقه اسرائيل فكيف يتوقع النظام المصرى ان اسرائيل ستقدم له المساعده فى معركة اليونسكو ليقول بعد ذلك ان اسرائيل تآمرت عليهوكيف وصلت اسرائيل لهذه المكانه بين دول العالم وكيف ضعف حجم مصر حتى عندما تريد ترشيح احد مواطنيها لمنصب عالمى تذهب اولا لاسرائيل كما تفعل حاليا عند تصدير الملابس والمنسوجات للولايات المتحده الامريكيه بسبب اتفاقية الكويزسبب فشل فاروق حسنى اولا بسبب شخصية فاروق حسنى نفسها وهى الشخصيه الضعيفه المتردده غير الثابته على رأى كما فعل وعبر عن رايه عن الحجاب ثم اعتذر ثم هاجم الكتب اليهوديه وهدد بحرقها من اجل كسب ود المصريين الذين لم يسعوا لحرق مثل هذه الكتب وايضا تراجع واعتذر عندما هاجمه العالم واسرائيل وعندما ضغطت عليه اسرائيل اكثر تذلل لها اكثر لماذا لم يتم ترشيح شخصيه اخرى غير هذا الوزير الضعيف الذى يرفضه المصريين قبل العالملماذا حكم مبارك على وزارة الثقافه بالمؤبد فوضع عليها فاروق حسنى سجانا لمده 24 عام وباقى له عام فهل يتم الافراج عن وزارة الثقافه بعد هذا العام ام يصدر لها عفو رئاسى قبل ذلك

انا متضامن مع الشعب الفلسطينى لست متضامن مع حماس

ليه حماس من البدايه ضربت صواريخ على اسرائيل ؟

وماذا فعلت الصواريخ ؟

وهل لم تكن حماس تعلم برد الفعل الاسرائيلى ؟

وماذا يمكن ان يقال عليهم ان كانوا لا يعلمون ؟

هل هؤلاء يستطيعون ان يحكموا بلدا؟اين حماس الان واسرائيل تهاجم غزه؟

لماذا لا يقاومون هل تتخلى حماس عن خيار المقاومه وقت الحرب والجد ووقت التهدئه تضرب وتجرى زى العيال ؟

انت واحد اعزل معاك مراتك وعيالك وماشى بالشارع قابلت مجموعه من البلطجيه معاهم اسلحه سيوف ومطاوى مثلا المفروض تعمل ايه فى الوقت ده

تاخد طوبه من الارض وترميهم بيها ولا تمشى وتروح مراتك واطفالك وبعد كده لو عايز تنزل تتعارك معاهم انزل

لو اول ماشوفتهم رمتهم بطوبه حاييجوا عليك ويضربوك انت ومراتك وعيالك اللى مالهمش ذنب ويمكن انت كمان صحتك مسعداك تجرى فتسيب اللى انت مسئول عن حمايتهم وتهرب

طالما ماتقدرش تتصرف بعقلك وماعندكش عقل يبقى ابعد عن السلطه وسيب المسئوليه لاهلها

حماس تعرف جيدا ماذا يمكن ان يكون رد فعل اسرائيل ومع ذلك ضربت صواريخ ليس لها قيمه بتهور وغباء وحماقه والمتضرر هو الشعب الفلسطينى

اين حماس الان ؟ اين يختبئون ؟

انا متضامن مع الشعب الفلسطينى لست متضامن مع حماس

اعتزلت السياسه ولم اعتزل الحياه

انضممت الى فرق المعتزله

قررت الاعتزال ولكنى لم اجد الملعب الذى العب فيه اخر مباره

فقررت ان اعتزل فى هدوء

ولكن البعض لم يرد لى ذلك وظلوا يتحدثون ويزايدونفقررت ان اكتب مالا يرغبون

=====================

بعد تفكير قررت اعتزال السياسه و كنت اخصص ساعتين يوميا لمده اسبوع لهذا الغرض لم اكن افكر فى هذا الموضوع قبل الساعتين ولا اكثر من ساعتين وعند انتهاء الساعتين كنت انسى تماما اننى افكر فى الاعتزال وكنت اتعامل مع الحياه بشكل طبيعى حتى لا اتأثر باى تفكير اخر

قررت الاعتزال ليس لاننى شعرت بالضعف وليس لاننى فقدت الثقه فى ان الظلم سيأتى يوم وينتهى وان الاستبداد والقهر الى زوال مهما طالت الايام

ولكن قررت الاعتزال لفقدى الثقه فى المعارضه وكنت فى السابق فاقد الثقه فى القيادات ولكن اليوم فقدت الثقه فى المعارضه بأجمعها قيادات وشباب

فالجيل السابق جيل يفتقر للرغبه فى التغيير جيل يعشق الكلام الكثير جيل لا يكل ولا يمل من الحديث عن انجازات عبقريه هى فى الحقيقه وكسات شخصيه

ننادى كثيرا بسقوط مبارك ونملأ الدنيا صراخا بيسقط يسقط حسنى مبارك

لكن لم يحدث ان هتفنا اوكتبنا او تمنينا ان يصعد يصعد عتريس بك وذلك لعده اسباب اهمها

1 – انه فى الاصل لا يوجد عتريس بك فكل قيادات المعارضه تخشى ان تضع نفسها فى مواجهه مباشره مع النظام الكل يخشى ان يطرح نفسه كبديل للنظام الكل يخشى من مصير ايمن نور

اذن لماذا ننادى بسقوط النظام ما الجدوى من ذلك ان لم يكن هناك بديل والبديل يخشى ان يقول انا اهو انفع اكون رئيس جمهوريه انفع اكون بدل حسنى مبارك

قلنا طيب معلش يمكن عندهم حق بدل ما تواجهوا النظام لوحدكم تعالوا اتجمعوا مع بعض وكونوا مؤسسه من قيادات المعارضه تكون بديله للنظام واعلنوا عن نفسكم وواجهوا النظام يد واحده فضلوا يتكلموا عن تكوين مؤسسه وبقالهم سنين مابنسمعش منهم غير كلام فى كلام ولا فى حاجه اتنفذت ولا حتى فى اجتماع معلن عنه , ماهو معلش الاجتماعات اللى فى السر مايعملهاش غير ناس بتخاف او مجموعه من الشباب لسه بيبدأوا المشوار لكن قيادات خايفين يتقبض عليهم امال قيادات ازاى وبعدين ما يتقبض عليكم كلكم وادخلوا السجن وخلوا العالم يتكلم عن الحريه والديمقراطيه اللى فى مصر لكن للاسف الكل خايف واخشى انه مايكنش بس خوف لكن يكون تمثيل لدور المعارضه واكتفت القيادات بهذا الدور الذى يعطيها قدر من الشهره لم تكن تحلم به لو كانت فى الجهه الاخرى اى فى جانب النظام , فالمعارضه لها بريق لامع ويسلط الضوء على كل شخص يقول كلمة ( لا )

2 – لم يحدث ان اتحدنا وراء قياده واحده من قيادات المعارضه منذ عام 2005 لاننا قبل اى شيء نفكر الى اى تيار ينتمى فإن كان معنا فنؤيده بكل قوه وندافع عنه كما ندافع عن انفسنا واكثر وان كان ينتمى لفكر مختلف فنفعل كل ما بوسعنا لمهاجمته والتحقير من شأنه اعتقد ان ماحدث عام 2005 وان الاغلبيه التفت حول ايمن نور لم يكن نتاج ارتفاع لوعى المعارضه المصريه من قياداتها الى شبابها ولكن فقط لكاريزمة ايمن نور ومقدرته فى التأثيروالدليل انه بعد سجن ايمن نور ومرور اكثر من ثلاث سنوات لم تظهر قياده واحده يلتف حولها الجميع بغض النظر عن ان كل القيادات اكتفت بدور المعارض الشيك الذى يظهر بالفضائيات ولم يسعى احدهم فى ان يكون بديلا للنظام

أما الجيل الحالى فضائع ويبحث عن التغيير وسط سراب كبير اجد افضل هؤلاء الشباب هم من ينتمون الى احزاب يمارسون من خلالها العمل السياسى واقصد بالاحزاب الاحزاب الحقيقيه وليست الديكور مثل حزب الغد والجبهه والكرامه والعمل والوسط وايضا المصرى الليبرالى اما باقى الاحزاب فمنها من بدأ كديكور ومنها من تحول لذلك

ولكن للأسف هؤلاء الشباب انشغلوا دون ذنب منهم فى الصراعات التى تتم داخل احزابهم فابتعدوا على غير رغبه منهم عن العمل السياسى وان كانوا مازالو يحاولون ولكن مثل ما يقال اليد لوحدها ماتصقفش

وأيضا هؤلاء الشباب لا يستطيعون التغيير فى ظل وجود قيادات تشغل المناصب التى تعطيها سلطة اتخاذ القرار وللأسف فى الغالب لا يكون القرار الا عباره عن تنديد وشجب وإدانه نفس العبارات التى نعاير بها من هم فى الحكم

اما الشباب الذى يدعى انه مستقل لا أنكر اننى فى البدايه كنت اعتقد ان الامل فى هؤلاء الشباب فلا يوجد قيادات تحجمهم ولا يوجد لديهم سقف للمعارضه يستطيعون ان يدوسوا الشارع كلما اراداو فى اى وقت , ولكن للاسف وجدت هؤلاء الشباب عاشق لنفسه اكثر من حبه لمصر , يستيمتون فى الدفاع عن انفسهم بكل السبل حتى لو كانت الإساءه للأخرين هى الحل , بعضهم يتخذ من السياسه هوايه لقضاء وقت الفراغ وهى هوايه لطيفه تجعل الضوء مسلط عليه باستمرار , للاسف بعض هؤلاء الشباب بدأ يردد بدون وعى العبارات الامنيه ويدافع عن هذه الافكار بإستماته غريبه رغم انهم هو اول من ينفذون ما يعارضونه ولكنهم لا يعلمون ذلك لانهم ببساطه يعتقدون انهم وطنيون وما سواهم قد يكونوا عملاء او على الاقل أقل منهم وطنيه

ارى اى مواطن مصرى يريد ان يوصف بقياده معارضه عليه ان يخجل من نفسه فما يحدث فى مصر الان ما كان يمكن ان يحدث لو وجدت فى مصر فعلا قيادات

لذلك قررت اعتزال السياسه وسوف اتجه لمجال اخر ليس ببعيد عن السياسه ولكننى ارى انه اكثر فائده فى هذه المرحله وهو حقوق الانسان فالسياسه اطالب فيها بتغيير النظام ولكن فى الوقت الحالى اطالب بالتغيير بإتجاه المجهول فلا يوجد من يقول انا بديلا

اما حقوق الانسان فاعتقد ان الاستفاده منها تكون استفاده مباشره , نعم تكون بصدد حالات فرديه ولكن هذا افضل ما يمكن فعله فى تلك المرحله

انتظر هجومكم جميعا بفارغ الصبر

نص الكلمه التى منعنى الامن المصرى من السفر بسببها

الجزء الهام من كلمتى بمؤتمر نيويورك والذى منعنى الامن المصرى من السفر بسببها
======================================

بداية اشكركم على دعوتكم لى للحضور وايضا اهنيء الشعب الامريكى بفوز المرشح الديمقراطى السيناتور اوباما برئاسة الولايات المتحده الامريكيه
وهذا يرجع الى الحريه والديمقراطيه التى تتمتعون بها فى بلادكم والتى للأسف لم نشعر بها فى بلادنا منذ 28 عاما , لقد جئت الى هنا ليس لأطلب من الولايات المتحده الامريكيه دعم حركات المعارضه المصريه ولكننى جئت لأطلب ان تكف الاداره الامريكيه عن دعم الانظمه المستبده بالعالم فرياح الحريه عندما تهب على دوله ما فهى تقوى كل الحركات الداعيه للتغيير فى الدول الاخرى , ما تفعله ادارة جورج بوش من مسرحيه هزليه حيث تقوم بالضغط على الحكومه المصريه تطالبها بتحقيق الديمقراطيه عندما تريد تحقيق اشياء معينه بالمنطقه كضرب العراق او حصار غزه مثلا وبالطبع الحكومه المصريه تغض البصر عما تفعله ادارة بوش بالمنطقه مقابل ان تغض ادارة بوش بصرها عن انتهاكات حقوق الانسان بمصر , بل على الاكثر من ذلك نجد ايضا ادارة بوش تدعم الاستبداد والدكتاتوريه بالعالم فنجد ان الاساور الحديديه التى تم تقييدنا بها فى احداث اضراب 6 ابريل مصنوعه بأمريكا وايضا عربات الترحيلات التى ترحلنا الى السجن امريكيه فقد تم سجننا باستخدام الموارد الامريكيه , ادارة بوش تطالب فى الظاهر بالديمقراطيه اما فى الباطن فهى تدعم الاستبداد سياسيا وماديا , فكل ما نطلبه إن كنتم لا تستطيعون دعم الديمقراطيه ان ترفعوا ايديكمم عنا ولا تدعموا النظام الحاكم فهو ليس بحاجه لقوه فوق قوته .

جئنا ايضا لنقول للعالم اجمع ان هناك بمصر حركه معارضه مدنيه بدأت تزداد قوتها منذ انتخابات الرئاسه وترشح الدكتور ايمن نور وحتى الدعوه لاضراب 6 ابريل والذى لم يشترك فيه الاخوان المسلمين ورغم ذلك كان حدثا قويا سوف يتحدث عنه التاريخ المصرى .
فما تدعيه الحكومه المصريه من انه لا بديل فى مصر عن النظام الحاكم إلا الأخوان المسلمين , هو خطاب توجهه الحكومه المصريه للخارج حتى يشعر بالذعر من ان يصل الى الحكم جماعات اسلاميه فيدعم الخارج نظام مبارك الاستبدادى , جئنا لنقول ان هناك تيار مدنى يجب النظر اليه كبديل سياسى قوى للنظام الحاكم , فتوقفوا عن دعم النظم المستبده فالاخوان المسلمين نعم اقوياء ولكننا ايضا لسنا ضعفاء .
نأمل كثيرا ان يتغير الوضع فى ظل ادارة الرئيس اوباما الذى يعد بدايه حقيقيه للتغيير فى الولايات المتحده وكلنا نعلم ان الشعب الامريكى شعب طيب لا يستحق ما تشعر به شعوب العالم اتجاهه بسبب ادارة جورج بوش السيئه

ما فات كان كلمه ضروريه لدينا

اما الان انتقل الى موضوع المؤتمر واتحدث عن تجربتنا فى التحضير وتنظيم اضراب 6 ابريل 2008

لماذ سلط علينا مبارك 28 عام ولا يزال

قبل قراءة الموضوع هو ليس موضوع دينى ولكن تاريخىصحيح به جزء كبير دينىبس علشان نجبلكم من كل النواحى سواء السياسيه أوالدينيهاننا لازم نتغير كل حاجه حوالينا بتقولنا نتغير السياسه بتقولنا لازم نتغيروالدين بيقولنا لازم نتغير وبلاش نناقض كلامناواحنا مافيش فايده

===============================

لماذا سلط علينا مبارك ثمان وعشرون عاما ولا يزال

يقول الفقهاء ان المعاصى هى سبب البلاء والعقاب الذى ينزل بالانسان وهى سبب ضياعه بالدنيا قبل الاخره فالمعصيه هى التى اخرجت سيدنا ادم من الجنه وهى التى اخرجت ابليس من ملكوت السماء وطرده ولعنه وهى التى اغرقت اهل الارض كلهم بالطوفان وما الذى سلط الريح على قوم عاد وما الذى ارسل على قوم سمود الصيحه حتى قطعت قلوبهم وما الذى رفع قريه اللوطيه حتى سمعت الملائكه نباح كلابهم ثم قلبها فجعل عاليها سافلها وما الذى ارسل على قوم شعيب سحاب العذاب فعندما اصبح فوقهم امطر عليهم نارا وما الذى اغرق فرعون وقومه فى البحر وما الذى ارسل لاهل مصر دكتاتور يحكمها 28 عاما انه عامل واحد لكل ذلك انها معاصى بنى ادم فالسبب واحد والعقاب مختلف فمن اثار المعاصى انها تحرم الانسان من العلم فالعلم نور والمعصيه تطفىء ذلك النور ونحن نرى ذلك من التخلف والفوضى التى انتشرت فى بلادنا والمعصيه تولد بعضها حتى يعز علينا مفارقتها وتصبح المعصيه عاده الا ترون اننا اليوم نعصى الله حتى اصبحنا لا نهتم بما اذا كنا نعصى الله ام لا والمعصيه سبب لهوان العبد على ربه وسقوطه من عينه فقال الحسن البصرى <هانوا عليه فعصوه ولو عزوا عليه لعصمهم > واذا هان العبد على الله لم يكرمه احد كيف يكرمنا الله ونحن نعصاه ومعصيه بنى ادم تؤثر فى الدواب فيقول عكرمه <دواب الارض وهوامها حتى الخنافس والعقارب يقولون منعنا القطر بذنوب بنى ادم > والمعصيه تورث الذل والعار لصاحبها ونحن العرب نرى ما نحن به هذه الايام والمعصيه تذهب العقل بل هى دليل على غياب العقل وهذا واضح لانه كيف يجرؤ انسان على معصيه الله عز وجل وهو سليم العقل والمعاصى تحدث فى الارض انواع من الفساد فى المياه والهواء والزروع والثمار والحيوانات < ظهر الفساد فى البر والبحر بما كسبت ايدى الناس ليذيقهم بعض الذى عملوا لعلهم يرجعون > سوره الروم الايه 41 ونحن نرى ما اصابنا جميعا من بلاء بدءا من تلف المزروعات وظهور الحمى القلاعيه بالحيوانات وتلوث الهواء والسحابه السوداء وانفلونزا الطيور ومن اثار المعاصى انها تطفىء فى القلب نار الغيره فلا يغار الرجل على اهله ولا يغار على وطنه ونحن نشاهد ذلك فى عصرنا هذا ومن اثار المعاصى ذهاب الحياء الذى هو حياة القلب واصل كل خير قال رسول الله صلى الله عليه وسلم < الحياء خير كله > فاين الحياء فى عصرنا هذا ومن اثار المعاصى نسيان الله للعبد وتركه وهذا نراه من الدعاء غير المستجاب على كل ظالم فكيف يستجيب لنا الله ونحن نعصاه والمعصيه تزيل النعم وتحل النقم وتقل البركه بين الناس فاين البركه فى اى شىء هذه الايام ومن اثار المعصيه ما يلقيه الله من خوف ورعب فى قلب العاصى فان العاصى ان اطاع الله لن يخشى احد وسيقول قولة حق ويقف امام كل فاسد ولكن الرعب ملأ قلوب الناس ومن اثار المعاصى انها مدد من الانسان يمد به عدوه فالله سبحانه وتعالى يبتلى الانسان العاصى بعدو لا يفارقه وكلنا نرى ماذا تفعل بنا امريكا الان فكل هذه عقوبات الدنيا لمن يعصى الله سبحانه وتعالى فهل ترون ان كل هذه العقوبات نحن من اصحابها هذه الايام الا ترون اننا جمعنا كل هذه العقوبات فما معنى ذلك بكل اسف معناه اننا فعلنا كل المعاصى الا ترون انه من الغريب ان نرتكب كل تلك المعاصى ثم نمد يدنا اللى الله سبحانه وتعالى ونطلب ان يصلح لنا احوالنا ويخلصنا ممن ظلمونا نعم الله سميع مجيب الدعاء ولكن الا يجب ان نقوم بحقوق الله حتى نستحق اجابة الدعاء هل يمكن ان نبتعد عن المعاصى حتى يحل الخير علينا وينقذنا الله ممن دمروا البلاد واشاعوا فيها الفساد لاكثر من ثمان وعشرون عاما

A 7 A

الواحد كل ما تمر عليه الايام يشوف كل حاجه حواليه متناقضه

كل حاجه مش حقيقيه وكأن كل الناس كدابه ومنافقه

اروح اصلى العشاء وصلاة التراويح فى مسج القائد ابراهيم بمحطة الرمل الاقى المسجد فيه حوالى 20 الف مصلى
عدد كبير جدا منهم اتوا

تصوير عمرو شريف

فقط لصلاة التراويح ولم يصلوا العشاء او غيرها من الصلاوات
وكأن صلاة التراويح دى فرض وباقى الصلاوات سنه او يمكن بدعه
على الرغم من ان صلاة القيام سنه غير مؤكده والصلاوات الخمس فرض وصلاة العشاء حايتحاسب على تركها اما القيام فلن يحاسب اذا تركها
الا ان الناس اصبحوا يهملون الفرض ويحرصون على السنن اللى على مزاجهم

==================

كنت فى المحكمه كالعاده بخلص شغلى
وكالعاده برضه بندى الموظف حاجه علشان يخلص الشغل بسرعه
اوراقى خلصت وطلعت العشرين جنيه وحطتها فى جيب الموظف المرتشى
بعد مانتهيت وبجمع اوراقى الموظف المرتشى ده لاقيته قمة التناقض
قعدت يتكلم عن الفساد فى الدوله والناس اللى بتظلم باقى الناس واللى بياخد حاجه مش من حقه واللى واللى
طيب مانت لسه واخد رشوه يا ابن ........... هى الناس مابقتش بتحس
كنت انا والمهندس فداء لسه بنتكلم فى الموضوع ده صحيت الصبح لاقيته بيتحقق ادامى

===========================

امريكا وحقوق الانسان .
كل يوم امريكا مصدعانا بدعهما للديمقراطيه وحقوق الانسان والحريات
وبعد كده افاجأ ان المعونه الامريكيه عباره عن سيارات للأمن المركز وكلابشات لليد وعصاه للكهربا
هو ده فعلا الدعم فعلا معونه ملعونه

==================

واحد دقنه اتنين متر وقاعد يتكلم عن الاسلام وتقوى الله

وبعد شويه اتعارك مع واحد

فضل يشتمه هوواهله واللى جاب اهله وماسابش حاجه الا لما قالها

متهيالى لما دقنه توصل 2 متر وربع حايبقى محترم

=====================

اتباع البابا يعلنوا تاييدهم للشيخ جمال مبارك وانهم حايأيدوه وريثا للولايه

واتباع شيخ الازهر يعلنوا تاييدهم لموحد القطرين جمال مبارك واهنم برضه حايأيدوه

لالالالالالالا طالما كده وان جمال حصل على موافقة المسلمين والمسيحيين وحايوحد البلد ومش حايكون فى فتنه طائفيه

يبقى خلاص انا كمان لازم اقول برضه يسقط يسقط جمال مبارك

====================

هشام طلعت مصطفى اتسجن

فى السجن الاكل بييجى من بره واللبس من بره وحتى الزيارات يوميه وفى غير المواعيد الرسميه

وقاعد لوحده فى حجرتين ومساعد وزير الداخليه كل يوم بروح يزوره بنفسه خايف لينتحر

كل ده لييييييه ..... علشان عين امه عايز حلاق يجيله من بره السجن وادارة السجن قالتله حلاق السجن افضل

امال لما كنا مسجونين كانوا بينيموا الناس 25 فى اوده نايمين فوق بعض وهو لواحده قاعد فى اودتين

الاكل فى التفتيش بيبهدلوه والعساكر بتهرسه بايديها وهو الاكل بيجيله من الفورسيزون

فعلا لازم نقول ...... a 7 a

============

التسامح فى الاسلام ...... الاسلام وخصومه

الاسلام دين التسامح ودين التعايش بين جميع البشر لا يجب تحويل الاسلام الى دين التعصب والتشدد لن اقول من قبل المتعصبين ولكن من قبل بعض المسلمين فالاسلام دين الوسطيهيقول الله عز وجل فى سورة المائده( ولا يجرمنكم شنان قوم على الا تعدلوا اعدلوا هو اقرب للتقوى ) الشنان هو العداوه والبغضاءاى ان الاسلام فقط لا يأمرنا ان نعدل فى حكمنا على الامور بغض النظر عن حالتنا الشخصيه وبغض النظر عما تحتويه انفسنا من مساوىء او من خيرولكن ايضا فى حالة وجود عداوه لا يجب لهذه العداوه ان تؤثر على حيادنا فى حكمنا على الاشياءوالقرأن فى وصفه للسابقين ورغم لهجة الغضب التى يتحدث بها عنهم الا ان القرأن الكريم لا يطمس اى ميزه لهم بل كان يذكرها فما كان لاى خصم للاسلام من صفه حسنه والا ذكرها القرأن , مثلا نذكر ملكة سبأ وقومها رغم ان القرأن اكد ضلالهم الدينى فى عبادتهم للشمس الا انه ابرز مزايه الملكه فى سياستها والتزامها بالشورى وايضا سداد رايها وحسن استنتاجها وكذلك حسن مواقف شعبها الذى استطاع التوفيق بين مصلحة الشعب والطاعه للملكه , وايضا عندما تحدث القرأن عن النصارى فقد ابرز القرأن مزايا عديده فى خلقهم لم يوصف بهم امه من قبل .حرية الراى اكد الاسلام على حرية الراى ونص عليها فى امثله كثيره بالقرأن الكريمليس فقط حرية الراى بل ايضا اعطت الخصوم الشعور ولو كانت منزلتهم صغيره الى انتهم مساوين فى المنزله لخصومهم مهما عظم شانهموانه يستطيع مزاوله كافة حقوق الخصم فى ابداء الراى والاعتراض وعرض الادله والخصومه اولا اما تكون خصومة راى او خصومه موقف وخصومة الراى تكون بين الاصدقاء فالاختلاف فى الراى لا يفسد ما بين الاصدقاء اما خصومة الموقف فتتعدى اختلاف الراى الى العلاقه بين الطرفين ويمكن ان تصل للعداوهواذا قرأنا الجزء الاول من القران فى اول ايام رمضان نجد مثال رائع لخصومة الراى بين الله سبحانه وتعالى وملائكته فعندما خلق الله ادم عليه السلام واراد الله ان يخلفه فى الارض فعرض الله الامر على الملائكه رغم ان الله سبحانه وتعالى ليس فى حاجه الى فعل ذلك واذا بالملائكه تعترض على ذلك بحجة الافساد فى الارض ( واذ قال ربك للملائكة انى جاعل فى الارض خليفه قالوا اتجعل فيها من يفسد فيها ويسفك الدماء ونحن نسبح بحمدك ونقدس لك قال انى اعلم مالا تعلمون ) ماذا فعل الله عند اعتراض الملائكه لم يغضب الله من رايهم المعارض له وهم الملائكه التى خلقت لعبادته فقط لا غير وانما سمح الله لهم بابداء رايهم المعارض له ورد عليهم عمليا بإجراء اختبار يؤكد به صدقه ( وهل الله بحاجه الى تاكيد صدقه ) ولكن احتراما للخصوم وعدم الاقلال منهم رغم انه الله سبحانه وتعالى عن كل شىء الا انه لم يهمل رايهم ولم يتعالى عليهم ولكنه اختبرهم عمليا وعندما فشلوا فى الاختبار ونجح ادم عليه السلام عرفت الملائكه الصواب وخروا لادم ساجدين .( وعلم ادم الاسماء كلها ثم عرضهم على الملائكه فقال انبئونى بأسماء هؤلاء ان كنتم صادقين * قالوا سبحانك لا علم لنا الا ما علمتنا انك انت العليم الحكيم * قال يا ادم انبئهم بأسمائهم فلما انبئهم بأسمائهم قال الم اقل لكم انى اعلم غيب السموات والارض واعلم ما تبدون وما كنتم تكتمون )سبحان الله فان كان الله سبحانه وتعالى يسمح بحرية الراى والاعتراض ويناقش صاحب الراى المخالف ناتى اليوم ويظهر بعض المسلمين باراء يقولون عنها انها لا تقبل النقاش . افتراض المساواه بين الله والالهه !!!!!!!!!بصراحه انا بكتب الموضوع واخشى من هجوم البعض لمجرد قرائتهم العنوان ولكن اتمنى تكملة الموضوع والتفكير فيه اولا فهو مجرد وجهة نظر اقتنعت بها بعدما قرأت بعض الكتب وقرأت ايات القرأن الكريم التى تنص على ذلك او تجعلنا نفترض ذلكفالقرأن الكريم يدعونا ان ننظر للمشركين على انهم اطراف فى خصومه معنا وما داموا اطراف بالخصومه اذن فلهم كل حقوق الخصم مثلهم مثلنا فتلك هى العداله فلهم الحق فى ابداء رايهم ووضع حججهم والاختلاف فى الراى معنا واثبات ان رايهم هو الحق فلهم كل مالنا من حقوق اثناء هذ الخصومه التى بيننا وبينهم وذلك حتى تنتهى الخصومه بظهور الحق لاحد الطرفين اما قبل ظهوره فالعداله تقتضى المساواه بين الطرفين فى حقوق الخصم .يترتب على ذلك اذا كان من حق المسلم ان يسب معبود المشرك ولو كان احد الاصنام فمن حق المشرك ان يسب معبود المسلم وهو الله عز وجل قد يغضب البعض من هذا الكلام ويقول كيف نترك مشركا يسب الله عز وجل وفى نفس الوقت يرى انه من حقه ان يسب هذا الصنم حيث ان المشركين على باطل وهو على حق ولكن سماحة الاسلام وعدله وانصافه تأتى هنا ايضا فيأمر القران المسلم بعدم سب معبود المشرك حتى لا يسب المشرك الله( ولا تسبوا الذين يدعون من دون الله فيسبوا الله عدوا بغير علم كذلك زينا لكل امة عملهم )والنبى عليه الصلاة والسلام كان يطبق هذا الانصاف ففى صلح الحديبيه عند كتابه صيغة الصلح بين املى النبى من يكتب الصلح ( هذا ما عاهد عليه محمد رسول الله سهيل بن عمرو ) فاعترض سهيل بن عمرو قائلا لو نعلم انك رسول الله ما حاربناك فكان اول من ايده النبى نفسه رغم اعتراض بعض المسلمينارى انه يترتب على هذاالانصاف بين الخصوم انه لا يجوز لاى انسان ان يجبر انسانا اخر على اعتناق فكرته او عقيدته فلا يجوز للمسلم ان يجبر المسيحى او اليهودى مثلا على اعتناق الاسلام حتى لو كان بامكانه فعل ذلك كما لا يجب ان يشعر بالغضب من اداء المسيحى او اليهودى لطقوس دينه فمن حقهم مزاولة دينهم كما يشاؤون طالما لم يتعرضوا بالايذاء لاى احد فلا يجوز ان يتعرض لهم احد بالايذاءالحب والكره والانصافللعاطفه تأثير قوى على الانسان وليس للانسان تاثير على العاطفه فالحب والكره لا يتحكم الانسان فيهما ولذلك لا يحاسب الله الانسان على العاطفه ذاتها ولكن يحاسبه على السلوك المترتب على هذه العاطفه , فالإنسان له ان يحب ويكره كما يشاء ولكن ليس له ألا يعدل فى حبه او كرهه , فلا يجب الا يدعوه الحب او البغض الى ظلم احد , اذا وصلت العاطفه الى درجه لا يستطيع الانسان التحكم فيها فإن الامر يكون قد خرج من يده ولا يحاسب على درجه من عدم العدل فى هذا الحب مثال لذلك العدل بين الزوجات فالرجل الذى يتزوج بأكثر من واحده امره الله بالعدل بين الزوجتان ورغم ذلك يقول الله عز وجل ( ولن تستطيعوا أن تعدلوا بين النساء ولو حرصتم فلا تميلوا كل الميل ) 129 سورة النساء ولكن ماهو العدل المقصود فى الايه والذى لن يستطيع الرجل ان يتمه , هو العدل فى الحب فالحب لا يتحكم فيه الانسان ولذلك لا يحاسب الانسان على تفاوت درجات الحب للغير , ولكن ما يحاسب عليه هو سلوكه اتجاه هذا الغير فلا يجب لهذا الحب او للبغض ان يؤثر على سلوك الانسان اتجاه الغير او طريقة المعامله فما فى قلب الانسان هو ملكه وحده اما الانصاف اتجاه الغير هو امر مطلوب يجب العدل فيه , وقد يكون ابراز محاسن الحبيب هو امر عادى وطبيعى ولكن الخصم والعدو قد يكون مكروها وهذا هو الطبيعى لكن لا يجب ان تصل درجة الكره الى ظلم هذا العدو وعدم انصافه وقليل من الناس هم من ينصفون ويستطيعون ابراز محاسن خصومهم وقد نصف القرأن الكريم خصوم الاسلام ومن خصوم الاسلام الذين نصفهم القرأن من خصوم القرأن الذين انصفهم الله فى القرأن الكريم رغم انهم كانوا من الد اعداء الله فى وقتهم .1- فرعون يوسف عليه السلاموهو الفرعون المعاصر لسيدنا يوسف عليه السلام اى ملك مصر فى هذا الوقت وكان ملك الدوله المصريه يسمى فرعون وهو يطلق على اى ملك يتولى حكم الدوله المصريه وليس اسما لملك معين كما كان يسمى اى ملك يتولى حكم الروم فى هذا الوقت بقيصر الروم وملك الفرس بكسرى .وكان فرعون سيدنا يوسف من اشد اعداء الله فى هذا الوقت فكان يمزج سلطته بالدين ليسيطر على الشعب ويجعله خاضعا له اولا لما له من سلطان باعتباره الحاكم وثانيا لخضوع الشعب للالهه بإعتبار ان الفرعون هو الاله او ابن الاله او هو منفذ اوامر الاله فى الارض .ورغم ذلك الا ان الله انصف فرعون فى القرأن بإبراز مميزاته ولم يقتصر فقط على ابراز مساوئه باعتباره عدوا للهفمن مميزات فرعون التى ابرزها القرأن 1- العدل 2- حسن اختيار معاونياولا العدلفعندما رأى الملك فى المنام سبع بقرات عجاف يأكلن سبع بقرات سمان وسبع سنبلات يلتففن حول سبع سنبلات خضر ليحطموهم وارسل الى الكهنه ليستشيرهم فى هذه الرؤيه فلم يستطيعوا فهمها الا انا صاحب يوسف فى السجن طلب عرض هذه الرؤيه عليه لعلمه انه قادر على تفسير الاحلام , فلما عرض الرؤيا عليه فسرها يوسف بأن البلاد سيكون بها خير كثير لمده سبع سنين ثم يليهم سبع سنوات تجف بها الارض والزرع والخير كله وان هذه السبع ستبتلع كل الخير الذى تم انتاجه فى السبع سنين الاولى التى تميزت بالخير , فلما علم الملك بهذا التفسير طلب ان يأتوه بيوسف من السجن ولكن يوسف رفض ان يخرج من السجن قبل ظهور برائته من التهم التى اتهمته النساء بها ( وقال الملك ائتونى به , فلما جاءه الرسول قال ارجع الى ربك فاسأله ما بال النسوه اللاتى قطعن ايديهن ان ربى بكيدهم عليم ) الايه 50 من سورة يوسف وهنا يظهر عدل فرعون وعدل جنود فرعون واحترامهم لحقوق الانسان فى هذا الزمن السحيق والذى يدل على ان المصريين كانوا يحرصون على حقوق الانسان ولم يعيشوا تحت نظام السخره كما يشاع .فلو امر اليوم رئيس البلاد من جنوده ان يحضروا اليه احد السجناء ورفض هذا السجين ماذا سيفعل الجنود بل لو طلب مأمور السجن احضار احد السجناء وليس رئيس البلاد هو الطالب ماذا سيفعل الجنود , اكيد سيهان هذا السجين وسيعذب اشد انواع العذاب وسيتم احضاره عنوه الى الرئيس , وماذا سيفعل الرئيس بالتاكيد عند معرفته انه رفض الحضور اليه سيعطى اوامره بتعذيبه وربما القضاء عليه , هذا هو حالنا فى عصر التكنولوجيا واحترام حقوق الانسان كما يشيعون .ولكن ماذا فعل فرعون وجنود امام رفض يوسف ذلك العبد السجين الذى لا كرامه له فهو مجرد عبد وفوق انه عبد فهو متهم ومرتكب جريمه ولا اصل ولا قرابه له بالبلاد ومع ذلك لم يفعل به جنود فرعون يوسف ما فعله جنود فرعون ايمن نور من تعذيب وبطش به ومحاولة قتله ولكنهم ذهبوا الى فرعون يوسف واخبروه بالرساله وهى طلب يوسف من الملك ان يعيد التحقيق مع النسوه اللاتى اتهموه , وهنا يأتى موقف الفرعون الذى لم يغضب من رفض يوسف للحضور امامه بل استجاب لمطلب يوسف باعاده التحقيق والمفاجأه الاكبر ان اعاده التحقيق سيكون مع امرأة العزيز وباقى النسوه المرافقات لها وبالتاكيد انهن من علية القوم , فما هذا العدل الذى يظهره هذا الفرعون المشرك بالله ! لا يغضب من رفض يوسف بل ايضا يأمر بإعاده التحقيق ويكون التحقيق مع نساء من علية القوم ويساوى بينهم وبين يوسف هذا العبد المذنب فى الخصومه , الا يتمنى المصريون اليوم ان يحكمهم حاكم مثل فرعون يوسف يعدل بين الناس ايا كانت مناصبهم على حاكم فقط يدعى انه مسلم وهو يبطش بكل معارضيه ويسجنهم ويعذبهم ويقتلهم , وهذه ليست دعوه لان يحكم مصر غير مسلم ولكنها دعوه لنعرف جميعا ان ديانة الحاكم ليس لها علاقه بالموضوع فما نريده حاكم عادل وحريص على مصلحة البلاد وليس مصلحته هو واسرته .استدعى فرعون يوسف النساء ووجه لهن اتهام صريح بانهن راودن يوسف عن نفسه رغم انهن لم يفعلا ذلك والذى فعلته فقط امرأة العزيز ,

( قال ما خطبكن اذ راودتن يوسف عن نفسه ) ولكنه وجه الاتهام اليهن لرؤيته اثار الجروح بايديهن فكان دليل اتهام لهن كان يمكن لفرعون يوسف ان لا يعيد التحقيق وكان يمكن له ان يجامل النساء وهن من علية القوم كما يحدث هذا كثيرا فى عصرنا هذا وكان يمكنه ان يخفى الحق بعد ان علمه ويعوض يوسف ببعض المال ولكنه لم يفعل ذلكوقد اعترفن ببرائه يوسف ( قالت امرأة العزيز الان حصحص الحق أنا راودته عن نفسه وانه لمن الصادقين ) الايه 51 من سورة يوسفوبعد اعترافهم ببرائة يوسف عليه السلام استمر عدل فرعون فالبدايه قال ائتونى به ( وقال الملك ائتونى به ) بعد ظهور برائته قال ( ائتونى به استخلصه لنفسى )اى يستعين به ففى البدايه فقط ارادته ليكافأه على تفسيره الحلم اما بعد ظهور برائته وعلم انه كان مظلوما كافئه وايضا جعله اقرب مساعديه ثم تستمر عدالة فرعون بعد ذلك وفى نفس الموقف فالبدايه كان يريد مكافاته على تفسير الحلم ثم بعد ظهور برائته جعله اقرب مساعديه ثم بعد ان كلمه وعرف حكمته جعله امينا وناصحا له يعرض عليه امور البلاد وخاصة الزراعه فيتحول العبد السجين من مجرد مسجون ذليل الى ناصح للملك وكان ناصحا امينا حافظ على البلاد وهذا كان عدل فرعون مع يوسف عليه السلام

وعود المعارضه المصريه .... فهل يفعلونها

فى مؤتمر حزب الغد بمناسبة ثلاث اعوام على انتخابات الرئاسه وعدم تنفيذ مبارك لوعوده الكاذبه

وعد كلا من الاستاذ عبد الحليم قنديل والاستاذ حمدين صباحى والاستاذ جورج اسحق والاستاذ ايهاب الخولى والاستاذ مجدى قرقر والاستاذ نادر الفرجانى والاستاذه كريمه الحفناوى وغيرهم فى كلماتهم التى القوها بمناسبة المؤتمر

وعدوا جميعا بتشكيل تحالف او ائتلاف او حكومه بديله للنظام المصرى

سيجتمعون لتشكيل ذلك التحالف للمطالبه برحيل هذا النظام وبتولى السلطه ووعدوا بتشكيل هذا التحالف قريبا جدا

ودعوا لتهيئه الشعب المصرى للعصيان المدنى والتغيير السلمى

والشعب المصرى ينتظر الاعلان عن هذا التحالف وانه بديل للنظام مطالبته نظام مبارك بالرحيل ولكن فى حالة عدم تشكيل هذا التحالف لاى سبب كان

ان كنا نقول اليوم ان ذنب المصريين معلقه فى رقبة مبارك

سنقول بعد ذلك ان ذنب المصريين معلقه فى رقبة مبارك والمعارضه المصريه

حب 2008 حب تيك اواى

كان يفكر تحتمس كثير فيما سيحدث غدا ... فهو يريد ان يرتبط بفتاه جميله عرفها عن طريق الصدفه عندما اتت الى بلدته ... جمالها لفت انتباه الجميع فوجها الطفولى البرىء يجعل كل من ينظر اليها يشعر بالسعاده والراحه وكأنه لا يريد من الدنيا شيء , كان تحتمس قد قرر انه سوف يصارحها غدا بحبه لها ورغبته فى الارتباط بها وجلس طول الليل يفكر كيف يبدأ معها الحديث ومن طول التفكير نام تحتمس وهو لم يحدد كيف تكون البدايه
استيقظ تحتمس صباحا ليذهب الى عمله وكل تفكيره ينحصر فى كيفية مفاتحتها فى موضوع الارتباط

تحتمس : اةةةةةةةةةةةةةةةةةةةة مش قادر اقوم طول الليل سهران وفى الاخر ماوصلتش لاى حاجه .... يا ريتنى كنت نمت بدرى
سامى : ايه يابنى بتكلم نفسك ماتوطى صوتك طيب عايزين ننام
تحتمس : يابختك نايم لحد الضهر مانت اجازه وبصوت خافت يا بختك كمان مش بتحب زيى .... يااااااه الساعه بقت 8 اتأخرت اوىىىىىىىىىىى يا دوب اغسل وشى علشان افوق شويه
سامى : يا سيدى قلتلك ماتتكلمش وطى ام صوتك ده مش عارف انام منك ماتغسل وشك ولا عنك ماغسلته انا مالى
تحتمس : خلاص اسكت مش حاتكلم تانى بس حاغسله .....
يا ترى لما سما تشوفنى النهارده حاتقول عليا ايه بشكلى ده انا محتاج انام على الاقل 4 ساعات كمان علشان افوق يييييييييييييييه المهم مش هى حاتقول عليا ايه اننا اللى حاقولها ايه
اوك متهيالى الموضوع حايكون سهل مش عارف انا ليه مصعبه اوى كده

انا اول ما اشوفها اسلم عليها واقولها .... انتى النهارده جميله اوى اكتر من اى يوم ... صح كده هى دى البدايه ... اكيد هى حاترد عليا وتقولى شكرا يا تحتمس او حتى تقول يرسى ماهى لازم تدلع شويه
يااااااااااااااااااااه اخيرا وصلت للبدايه طيب بعد ماتقولى ميرسى اقولها ايه تانى بس ... اه صح اقولها انا معجب بيكى
طيب افرض يا تحتمس ماقدرتش تقولها كده حاتعمل ايه ..... يعنىى ايه مش حاقدر مانا لازم اقول امال حافضل كده كل يوم مانمش واقعد افكر فى اللى حاقوله بكره

تششش تش تتشششششششششششششش
سامى : انت يابنى بتعمل ايه جوا كل ده بتغسل وشك الساعه بقت 9 اطللللللللع
تحتمس : يا نهار زى بعضه 9 ده انا اتاخرت اوىىىىىىىىىىىىىىىىىىىىىى حاضر حاضر طاااالع
اهوطلعت يا اخى ادخل
سامى : انت اتاخرت على شغلك
تحتمس : وانت مالك هو انت كمان حتحاسبنى كفايه الكلمتين اللى حاسمعهم فى الشغل
انا الحق البس هدومى وانزل اخد تاكسى بسرعه علشان ماسمعليش كلمتين

انا البس القميص الابيض ده علشان اليوم يبيض شويه وكمان حايخلى شكلى حلو اكيد سما بتحب اللون الابيض
لالالالالالالالالالالالالالالالالالالالالالالالالالالالالا
صحيح دى مش بتحب الابيض خالص انا فاكر مره انها كانت بتشترى علبة مناديل وطلبت من البياع اى لون غير الابيض
يبقى البس القميص الازرق على البنطلون الاسود ده ..... ولا بلاش الاسود مش ناقصه
الافضل البس البدله الكحلى دى صح كده هى البدله علشان ابقى شيك واول ما اكلمها توافق عالطول ......
سما حبيبتى جايلك والنهارده حايكون اسعد يوم فى حياتك لما تعرفى انى عايز ارتبط بييكى
سامى : انت لسه هنا الساعه بقت 9 ونص انت مش ناوى تروح شغلك
تحتمس : دلوقتى 9 ونص يا نهااااار لا طبعا رايح وسع وسع خلينى انزل

تحتمس : تاكسسسسى .... تاكس .... تاكسسسسسسسسسسسسسسسسسسسسسسسى
ياسطى انت مش واخد بالك ولا ايه انا بشاورلك تاكسسسسسسى ايوه ياسطى استنى استنننننى المعادى معاك
ايه يا عم حاركب وانت ماشى مش تقف
سائق التاكسى : يا عم اركب وخلصنى خلينا نطلع انت لسه حاتلك
تحتمس : ايه حاتلك دى انت مش شايف انا لابس ايه
سائق التاكسى : لابس ايه ياعنى بدله من اللى بتتباع على الارصفه تعرف تسكتتتتتتتت وماسمعش صوتك تانى فاهم ولا انزلك
تحتمس : فاهم فاهم خلاااص ...... اه لو ماكنتش متاخر كنت بهدلتك
سائق التاكسى : بتقول ايه
تحتمس : بقولك شكلك راجل طيب ومحترم باين على وشك والله ... اه والله حتى شوف الاحترام
سائق التاكسى : اه افتكرتك بتقول حاجه تانيه
تحتمس : لا ولا تانيه ولا تالته بقولك ايه يا سطى لو انا اتقدمت اخطب بنتك حاتوافق عليا صح
سائق التاكسى : بنت مين يا جدع انت .... انت حاتستعبط ولا ايه
تحتمس : لا والله مش بستعبط انا بتكلم جدا
سائق التاكسى : وانت تعرف بنتى منين يا جدع
تحتمس : ماعرفهاش ولا عمرى شفتها بس اكيد بنت اصول طالعه لابوها
سائق التاكسى : بصوت خافت الراجل ده يا اما مجنون يا اما بيفهم اوى مانا صحيح واضح عليا الاحترام امال ايه
بقولك ايه مش تعرفنى الاول على نفسك
تحتمس : انا تحتمس من الجيزه
سائق التاكسى : تحتمس مين يالا انت حاتستعبط تانى ناقص تقولى توت عنخ امون
تحتمس : لا انا اسمى كده تحتمس
سائق التاكسى : وبتشتغل ايه يا سى تحتمس
تحتمس : موظف فى شركة ملابس
سائق التاكسى : ومرتبك كام ان شاء الله
تحتمس : انا مرتبى 700 جنيه
سائق التاكسى : بسسسسسسسسس ده انت كده حاتكلفنى كتير
ماشى زى بعضه كل الشباب كده الايام دى
عندك شقه يا تحتمس
تحتمس : لا ماعنديش
سائق التاكسى : امال حاتتجوز فين
تحتمس : ممكن اتجوز فى شقه العيله مؤقتا لحد ما ربنا يفرجها
سائق التاكسى : كمان مرتبك 700 جنيه وشقه العيله وبدله من على الرصيف
تحتمس : ده مؤقتا
سائق التاكسى : بصوت خافت وبعدين بقى البت شكلها مابينلهاش جواز اوديه على البيت وخلاص واهو نجربه كام شهر فى الخطوبه نفع يكمل مانفعش خلاص
يالا نروح على شبر ونقعد فى البيت توكلت على الله
ماشى يا تحتمس يابنى انا موافق وان شاء الله ممكن اساعدك كمان مانت زى ابنى برضه
تحتمس : انا متشكر اوى ربنا يخليك
انت رايح فين كده احنا طريقنا المعادى
سائق التاكسى : رايح على بيتنا فى شبرا اهو تشوف فتحيه بنتى ونقعد نتفق على رواقه
تحتمس : واشوف فتحيه بنتك ليه
سائق التاكسى : انت مش قلت عايز تخطبها
تحتمس : اناااااااا ايه اليوم اللى باين من اوله ده
سائق التاكسى : ايييييييييييه مااااااااااااالك انت نااااوى ترجع فى كلامك ولا ايه ده نهارك باين عليه زى وشك تعالى هناااااااااااااا خددددد
تحتمس : استنى بس لا طبعا مش حارجع بس انا دلوقتى رايح الشغل اول ما ارجع اجيلك
سائق التاكسى : لا دلوقتى والشغل ماجتش من يوم كلمهم من عندى فى البيت وخده اجازه
تحتمس : بس كده ماينفعش انا لازم اروح الشغل
سائق التاكسى : بقلك اييييه قلتلك حانروح على البيت بلاش رغى كتير ماتوجعش دماغى والا والله اكسرلك دماغك النهارده
وبعدين اهى فرصه تشوفك بالبدله اللى انت لابسها دى صحيح تعبانه بس برضه بدله
اسكتتتتت ماسمعش صوتك تاااااااانى
تحتمس : بصوت خافت اعمل ايه دلوقتى وسما حبيبتى اللى مستنيانى علشان تكون اسعد انسانه فى العالم لما تعرف انى عايز اخطبها
خلاص انا اروح معاه واعمل نفسى اتفقت واقله عنوانى وتليفونى غلط وانزل ويبقى اليوم عدى وخلاص
تحتمس : خلاص يا عمى انا موافق اجى معاك النهارده واشوف فتحيه ربنا يوفق
سائق التاكسى : اهو كده ماكان من الاول لازم يعنى تخلينى اطول ايدى عليك
عموما ماتزعلش افتكرتك بتلعب بيا ... اصل انا اللى يلعب بيا اقطم رقبته . اقتله
تحتمس : ربنا يستررررررررررر
سائق التاكسى : اهو البيت انزل يالا ولا اقولك اوعى تنزل لما انزل انا الاول احسن تزوغ
تحتمس : حاضر
سائق التاكسى : يالا تعالى معايا البيت اهو
يا فتحييييييييه افتحى يا بت يا فتحيييييييييييييييييييييييه
فتحيه : ايوه ايوه انت ليه رجعت بدرى اوى كده
سائق التاكسى : ادخلى يابت البسى حاجه عدله جبتلك عريس
فتحيه : عريس هو فين ده
سائق التاكسى : اهو تعالى يا تحتمس ادخل
فتحيه : تحتمس هاهاهاهاها
تحتمس : ايوه ادخل فين ........ هى دى فتحيه
سائق التاكسى : اه ايه رايك بقى
تحتمس : بصوت خافت دى زى القمر هو انا حالاقى عروسه زى دى فين تانى وابوها موافق على كل حاجه انا ماضمنشسما توافق على ظروفى دى يالا مش حاضيع ده انا شكلى حاحبهااا اوىىىىىىىى
تحتمس : رايى هو انا ليا راى بعد رايك مواااااافق
سائق التاكسى : وانتى يا فتحيه ايه رايك
فتحيه : يابا انا لسه صغيره
سائق التاكسى : صغيره ايه بطلى الكلام ده يالا على البركه الخميس الجاى خطبتكم فين امك يا بت ...... زغرطى با ام فتحيه

شهدى عطيه

شهدى عطيه ...... كان زمان

ايام عبد الناصر ... صاحب تطوير معتقلات مصر

في 15/6/1960 كان الرئيس عبد الناصر يشهد مع الرئيس تيتو جلسة للبرلمان اليوغسلافي حين فوجئ بنواب البرلمان يوجهون إليه احتجاجات قائلين: كيف تتحدثون عن الاشتراكية وأنتم تقتلون الاشتراكيين في بلادكم؟ كان الموقف محرجا لعبد الناصر الذي رد قائلا: لم نقتل أحدًا ومن يخرج علي النظام نقدمه للقضاء العادل.. فقدم إليه النواب برقية عن مقتل واحد من أهم المناضلين الشيوعيين في ليمان أبي زعبل في 13/6/1960.كان القتيل هوشهدي عطية الشافعي.ولد شهدي عطية عام 1912 وانخرط في الحركة الطلابية الناشطة التي شكلت منطلقاً مهما للحركة الوطنية المصرية في ثلاثينيات القرن الماضي.. بعد عودته من جامعة إكسفورد انضم إلي تنظيم "إسكرا" الشيوعي وأصبح أحد مصريين اثنين وصلا إلي عضوية اللجنة المركزية وتولي مسئولية "دار الأبحاث العلمية" فاستطاع استقطاب أعداد كبيرة من شباب المثقفين للحركة الشيوعية وساهم في تأسيس اللجنة الوطنية للطلبة والعمال التي قادت مظاهرات فبراير 1946 ضد مفاوضات حكومة الأقلية مع الإنجليز. وبعد اندماج تنظيمه في الحركة المصرية للتحرر الديمقراطي (حدتو) تولي شهدي عطية رئاسة تحريرصحيفتها "الجماهير" وأصبح عضوًا باللجنة المركزية للتنظيم.. ثم اصطدم مع هنري كورييل وأعضاء التنظيم بسبب مقالاته التي دعا فيها لتشكيل حزب شيوعي مصري يمثل الطبقة العاملة. كان عطية من المؤيدين لثورة 1952 بل واعتبرها حركة تقدمية.. كانت آراؤه المتعاطفة مع النظام الناصري أثناء حرب العدوان الثلاثي سببا جعل جريدة المساء تنشر مقالاته، وعقب تأميم قناة السويس والأزمة السياسية التي نجمت عنها، كتب "تطور الحركة الوطنية المصرية 1882 ـ 1956" والذي يعتبر من أهم القراءات الوطنية الماركسية عن تاريخ مصر، وكان قد سبقه عام 1955 بكتابه "أمريكا والشرق الأوسط" الذي أيد فيه الضباط الأحرار بوصفهم معادين للإمبريالية، وصدر حكم بسجن شهدي 7 سنوات.. خرج بعدها ليصطدم بعبد الناصر فاعتقل مرة أخري في يناير 1959 مع الشيوعيين. لكنه ظل يدافع عن إنجازات عبد الناصر الداخلية ومواقفه الخارجية وسياسة عدم الانحياز بل وأكد ذلك في مارس 1960 أثناء محاكمته مصرحا أن " علي كل وطني مصري حقيقي ان يساند النظام الناصري ويؤيده ".في ليمان أبوزعبل أعطي الضابط عبد اللطيف رشدي أوامره بضرب شهدي حتي مات من التعذيب.. وصل الخبر عن طريق زوجته إلي أصدقائه داخل مصر وخارجها وكان عبد الناصر في زيارة ليوغسلافيا فطاردته برقيات الاحتجاج، وتعرض لانتقادات علنية من نواب البرلمان اليوغسلافي؛ مما دفعه لإرسال برقية عاجلة لوزير داخليته بوقف التعذيب وترحيل المعتقلين إلي مكان أكثر أمنا وإجراء تحقيق عاجل حول ما حدث.حاول عبد اللطيف رشدي التقرب من المعتقلين وتبرير سلوكه الإجرامي بهدف الإفلات من تحقيق النيابة التي طلبت رؤية الذين سمعوا الضابط وهو يعطي أوامره بالضرب، توقف التحقيق بعد ذلك.. لكن أحيل اللواء إسماعيل همت (أحد أهم المسئولين عن التعذيب في ذلك الوقت) للاستيداع وتم نقل مأمور الليمان حسن منير لمصلحة الحدود.تلك عدالة الحكومة.. أما عدالة السماء فأصابت كل من شارك في مقتل شهدي عطية.. فعبداللطيف رشدي مات مقتولا بعد نقله إلي الصعيد، أما الصول مطاوع الذي قام بالتعذيب فتوفي مشلولا وقتل ابن الشاويش عبد السلام الوحيد في حادث سيارة.. بينما نقل اللواء حسن المصيلحي، مدير مصلحة السجون، بعيدا عن المباحث العامة بعد ثورته علي قرار جمال عبد الناصر بإصدار عفو شامل عن جميع المعتقلين.. في عهد مبارك يتم ترقية الضباط حسب قدرتهم علي التعذيب!! شهدي عطية الذي ناضل حيا من أجل فكرة.. ناضل أيضا ميتا.. فبمقتله إنتهت مذبحة كان من المفترض أن تتم ضد الشيوعيين لولا أن وفاته جعلت عبد الناصر يأمر بوقف التعذيب في ليمان أبوزعبل.. بعد ذلك بسنوات خرجت مصر من معادلات السياسة مكتفية بدور الوسيط والمحلل السياسي.. بينما استمر التعذيب بمنهجية أكثر دقة تناسب عهداً لا يجد ما يفخر به سوي مجموعة من الكباري

منقوله ... نظرا لما يحدث الان للمصريين

زمان...كان هناك شاب .مجرد شاب...دفع حياته في زنزانة معتقل من شدة التعذيب..من أجل المبدأ والحرية ودفاعا عن الفقراء..
وبسبب موته توقف التعذيب_مؤقتا_ في المعتقلات.هذا هو "شهدي عطية" لا أحد يعرفه الآن...كنت اقلب في اوراقي "القديمة" فوجدت هذه الكلمات التي كتبتها تفاعلا مع ما قرأته وقتها
عن الوان التعذيب التي ذاقها...فاردت تسجيلها بمدونتي رغم اني كتبتها وقتما كنت مجرد فتى ...فرغم بساطة تعبيراتها لكنها ..
صادقة..وهذا يكفي فإلى كل "شهدي عطية" في كل مكان انشرها.
شهدي مات!تضطرب الجدران شهدي مات! والعار يحط على القضبان شهدي مات وكلاب التعذيب تصاب بغثيان شهدي الثورة ..اليافع ..مات؟ شهدي النور الدافق...مات؟ شهدي...ماعدتً أراهلم يُدرك حتى موته...غير الموت حين تلقاه لكن ..واأسفاه...شهدي مات
كنت تقول...والصمت يطول كنت الحل كنت البلسم كنت الأمل المجهول
الثورة يا شهدي ما ماتت ما كانت أن تحيا بحياتي أو بحياتك الثورة يا شهدي تبقى وبرغمك أو رغباتك في الثورة يا شهدي تكمن كل حياتي وحياتك مادام الثدي جفاف والظلم رياح طواف والقهر زعاف الثورة يا شهدي تبقى حتى يموت السياف
وتموت يا شهدي تحت الأرض مكفونا بجدار الزنزانة وزراعك ممدودٌ للأيام يقتطف قطوف العمر قبل أوانه
لا تهدأ يا شهدي ..لا تسكن الثورة فينا تبقي كإن حياتك يا شهدي نبض في قلب مريديك إن كنت بداية نحن نسير إن كنت نهاية يكفيك...

الصلاه خير من العمل الصلاة خير من العمل

الصلاه خير من العمل اكيد عن السلفيين هى كده مش مصدقين طيب شوفوا حصلى اليه

المكان ... مدينة الاسكندريه ... مديريه الامن ... الدور السادس ... الشئون القانونيه

الزمان ... العاشر من اغسطس لسنة الفين وثمانيه ميلاديه الساعه الواحده وخمس دقائق ظهرا

الحدث ... اذان الظهر يرفع الان ... اسمعه من جميع الاتجاهات من داخل وخارج مديرية الامن احاول ان اسرع الخطوات لكى اصل الى الغرفه التى يتواجد بها الموظفون لكى انهى عملى قبل ان يذهب احدهم للصلاه

وصلت الى غرفتى فوجدتها مليئه بالموظفات اللاتى اتين خصيصا الى هذه الغرفه ليؤدين صلاة الظهر جماعه وكان اغلبهن يرتدين النقاب فاعتقد اننا فى دولة ايران او ان مجموعه من السلفيين احتلوا مبنى مديرية امن الاسكندريه

بمجرد وصولى للغرفه اخرجت طلبى فقالت احداهن انتظر بعد الصلاه فسوف نصلى الان ورغم ان طلبى كان ينتهى فى 30 ثانيه على الاكثر الا ان حرية الاعتقاد وحرية ممارسة الشعائر الدينيه تلزمنى ان انتظر فمن حقهن خمس دقائق يصلين فيهم الظهر خصوصا ان بعضهن قد تسكن بعيدا عن مقر العمل وقد تصل بيتها بعد اذان العصر فلماذا نحرمها ان تؤدى صلاة الظهر فى موعدها خصوصا اذا كان باستطاعتنا الانتظار

خرجت وجلست على احد المقاعد منتظرا انتهائهم من الصلاه

الساعه الان الواحده وعشر دقائق ..... الان سيفتح باب الحجره وانظر اتجاه الباب فلا يفتح ..... نعمممممممم فبعد صلاة الظهر ركعتين صلاه السنه
ممكن يكونوا بيصلوها طيب ماشى زى بعضه ممكن استنى خمس دقايق كمان رغم انى اعتقد ان تادية العمل واجب وصلاة السنه قد تترك لبعد العمل

الحمد لله الساعه الان الواحده والربع الان سيخرجون لانتهى من عملى الان سيفتح باب الحجره الااااااااااان لماذا لم يفتح الباب

اتجهت نحوالحجره ولكن ماذا افعل هل افتح عليهن لا انا بجد زهقت انا حاكتب زى الناس

حاضر طيب ماشى اوك استنى تانى خمس دقايق
يا مسسسسسسسسسهل يااااااا رب

الساعه بقت واحده وعشرين دقيقه فات ربع ساعه بيصلوا ايه دول تانى ماكفايه صلاه وشوفى شغلكم بقى

رحت خبطت على الباب ماحدش بيفتح ولا بيرد هو فى ايه مش معقول لسه بيصلوا فجأه لاقيت اتنين موظفات جايين بيفتحوا الباب سالتهم هما لسه بيصلوا قالولى ايوه لسه استنى خمس دقايق

مانا بقالى ربع ساعه استنى ليه تانى وانا مالى بصلاتهم دى اكيد صلوا الظهر خلاص وانا استنيت يبقى صلاة السنه فى البيت بس برضه قلت ماشى استنى يمكن يخلصوا

الساعه بقت واحده ونص والخمس دقايق الجداد بقوا عشره هوفى ايه الناس دى بتعمل ايه جوا

فجأه حضر احد الموظفين وجلس جمبى وقالى
..... انت مستنى ايه
\\\ مستنى الشئون القانونيه
.... لسه بيصلوا
\\\ طيب امتى يخلصوا انا زهقت
.... استنى حاشفهملك

راح يشفهم ورجع
..... لسه بيصلوا يا بيه
\\\ ياعم انا مش بيه انا زهققققققققققققققققققققققققققت خلصونى
الساعه الان وصلت واحده واربعين دقيقه مش معقول كده ماعنهم ماصلوا انا عايز امشى موضوعى لا يستغرق نصف دقيقه
..... حاضر ثوانى
\\\ مافيش ثوانى ابعد عنى

بدات التخبيط على الباب بقوه فخرجت واحده منقبه ايوه فى ايه قثلتلها انا عايز اسال على الطلب ده
هى ماحنا بنصلى لسه ادخلك ازاى واحنا بنصلى
سالتها وهما بيصلوا انتى بقى بتعملى ايه مانتى بتكلمينى اهومش بتصلى
ثانيا انا مالى بصلاتهم انا وصلت هنا فى وقت العمل الرسمى
كمان انتم بتصلوا ايه كل ده الساعه واحده وخمس واربعين دقيقه وانا هنا من واحده وخمسه
هى طيب استنى الاخوات يخلصوا صلاه اصبر شويه
انا شويه اد ايه يعنى
هى عشر دقايق ممكن
انا طبعا اتخنقت 10 دقايق ايه تانى امال كانوا بيعملوا ايه كل ده يا استاذه طلعيلى اى واحده تبصلى على الطلب ده وخلصى انا زهقت منكم
كلكم كده ومش عارفين ان الدين نص على العمل ولم يقتصر الدين على الصلاه فقط
خلصيلى شغلىيا ست انتى بقالك لحد دلوقتى 45 دقيقه بتصلوا الظهر هوفى اييييييييييييييييه
هى طيب هات وحاشفهولك بس استنى بره
راحت شافته ورجعتلى الساعه 2
انا كان كل همى اعرف هما خلصوا صلاه ولا لسه ماكنش الطلب مهم خلاص ماهى حاجه تنسى الواحد العالم كله
رجعت كلمتنى عنطلبى وانا كان كل همى اسالها خلصتوا صلاه
هى لا لسه الناس بتصلى
انا هما بيصلوا ايه كده بقالهم ساعه انتم بتعملوا ايه
هى اصل فى ناس بتصلى براحتها بيحبوا يطولوا

انا مايطولوا فى بيتهم وانا مالى ولا عنهمما صلوا اصلا انتم واللى زيكم حاتخلونا نطالب بمنع الصلاه نهائيا اثناء العمل انتم ناس كسلانين اكيد وبتلجأوا للهروب من الشغل بحجة الصلاه

شباب 6 ابريل وانتصار 23 يوليو

كانت البدايه دعوة عامه لشباب 6 ابريل للحضور بحزب الغد بالاسكندريه لتنظيم لقاء ودى بينهم وبين شباب الحزب وحركة تضامن بالاسكندريه , حضر اللقاء ما يزيد عن 60 شابا من محافظات مختلفه , إتفق شباب 6 ابريل ان يتم تنظيم يوم على شاطىء الاسكندريه بعد انتهاء لقاء حزب الغد ويتضمن هذا اليوم فقرات غنائيه ومسرح شارع , كان شاطىء سيدى بشر ينتظرنا جميعا ليستمع الى اغانينا الوطنيه التى حرم منها منذ اكثر من 27 عاما , بمجرد ان بدأ بعض الشباب عمل طياره ورقيه مرسوما عليها علم مصر حتى ظهر احد ظباط امن الدوله يحاول تكسير الطياره فقط لان علم مصر مرسوما عليها , إعتقدت وقتها ان لديه عمى الوان ويعتقد ان العلم المرسوم يحمل الوان الازرق والابيض وبالمنتصف نجمه فاعتقد انه علم اسرائيل فاشتعلت الوطنيه برأسه فحاول تكسير الطائره وتقطيع العلم ولكننا اوضحنا له انه علم مصر التى تأويه هو ورفاقه من ظباط امن الدوله والذى يجب ان يكون دورهم هوحماية الامن وحمايه الدوله وبالتالى الحرص على ان يكون علم مصر مرفوعا دائما ولا سيما ان يرفع لعنان السماء مرسوما على طائره ورقيه , ولكن قام هذا الضابط بتمزيق علم مصر وتكسير الطائره الورقيه التى تهدد امن واستقرار البلاد وقام بالبصق على العلم بطريقه مهينه يهتز لها وجدان كل مصرى فهل يهتز لها وجدان رئيس الجمهوريه ؟ هل يطلب التحقيق مع هذا الظابط الذى بصق عل علمنا خصوصا ان هذا الامر تكرر مره اخرى بعد نصف ساعه تقريبا من النقيب عبد العزيز وهو ايضا احد ظباط امن الدوله بالاسكندريه الذى قام بالقبض علينا بطريقه بشعه ونحن على رصيف بحر سيدى بشر نغنى اغانى وطنيه يحتفل بعضنا بذكرى 23 يوليو , حيث هجم هو ومخبرينه علينا وهددونا بالامواس واعتدوا علينا وامرونا ان ننام على وجوهنا على رصيف البحر وكنا ننام فوق بعضنا البعض فتذكرنا جميعا ما حدث للاخوه العراقيين من تعذيب على ايدى قوات الاحتلال الامريكى بسجن ابو غريب بالعراق , ثم امر هذا الضابط السادى مخبرينه ان يضعوا ارجلهم على رقابنا واجسادنا وقام بتمزيق علم مصر والبصق عليه قائلا طظ فى مصر , ثم وجدته يسال احمد عراقى فييييييييييييييين مش عارف مين ابن الناس الطيبه اللى قاله اهو فهجم عليا وضربنى بجزمته فى وجهى ضربه قويه ولكنى لم اهتز , ثم اخذ يضرب اخر ويقول له عاملى بطل يا احمد يا ماهر والغلبان اللى بيضرب يقوله مش انا احمد ماهر والله ما انا, ثم تم اقتيادنا جميعا الى قسم الرمل اول حيث تم الاعتداء علينا بالضرب والسب من قبل النقيب عبد العزيز الذى جعلنا نقف اكثر من 7 ساعات وجوهنا للحائط رافضين اعطائنا الماء لكى نشرب وفى بداية الساعه الثامنه وافق هذا الظباط على احضار زجاجة ماء لنا نحن الثلاثة عشر شابا وذلك بعد ان اخذ يتحدث معى بعض الوقت ويقول لى انت زى اخويا وانا بحترمك جدا بس برضه انت حاتشيل القضيه كلها , وسالنى انت اكلت قلتله مش مهم الاكل المهم نشرب كلنا , وبعد ان انتهى ضباط امن الدوله من تلفيق القضايا لنا تم اقتيادنا الى نيابة الرمل اول وكما قال لى احد المخبرين انت ومصطفى ماهر حاتدخلو عند مدير النيابه يعنى درجه اولى عندما دخلت قال لى انا اسف على اللى حصلك منهم لله ضباط امن الدوله ماعندهمش قلب ولا ضمير واجلسنى واحضر لى الماء وبدأ يسال ويقول لى تهم تافهه جدا مش ممكن تحصل , وسالنى هل كانت هذه المنشورات بحوذتك فانكرت فلم يكن معى اى اوراق فأخذ يقرا الاوراق ويقول والله اللى كتب الكلام ده عنده حق البلد فعلا مليانه فساد , فسالته يعنى حاتخرجنا كلنا , كان رده اطمن كلكم حاتخرجوا بكره الصبح حاستدعى ضابط امن الدوله واستجوبه وحاطلعكم كلكم , عدنا لقسم الرمل اول وكانت ليله شديده القسوه علينا جميعا حيث كان الحجز ضيق جدا لا يتسع لنا فنام بعضنا جالسا والاخرين فوق بعضهم على بلاط الحجز الاسود من الظلم والقهر الذى يتعرض له المصررين فى وطنهم وكأننا مجموعه من الدجاج بل لو كنا دجاجا لاهتم بنا صاحب المزرعه خوفا على حياتنا ولكن قال لنا ضابط القسم دى تعليمات امن الدوله وكانت الارضيه مليئه بالماء الذى تم سكبه قبل دخولنا الحجز ولكن بالرغم من كل هذا نمنا من شده التعب والارهاق , فى الصباح تم اقتيادنا مره اخرى للنيابه ودخلت ايضا للدرجه الاولى اى مدير النيابه والذى رايته انسانا اخر بعد ان استجوابه لضابط امن الدوله فكان الخوف يملأ وجهه وايضا رايته محرجا يسالنى ولا يريد ان ينظر لى فاستشعرت ان ضغوطا كبيره وقعت عليه فأردت ان ارفع الحرج عنه وقلت له اعلم ان القرار اصبح خارج عنك واعلم ان القرار سيكون خمسة عشر يوما لنا جميعا فقال لى انا اسف القرار مش بايدى , واخذ يوجه لى سيل من الاتهامات بداية بتاسيس تنظيم محظور يسمى تنظيم شباب 6 ابريل واننى قمت بتجنيد بعض الشباب وتوزيع الادوار عليهم وقمت بطباعة التشيرتات مكتوبا عليها شباب 6 ابريل وكتبت وطبعت المنشورات واشتركت مع احمد ماهر فى تاسيس جروب على الفيس بوك لتنظيم الشباب من خلاله واننى احضرت اعلام مصر وكأن حيازة اعلام مصر اصبحت تهمه وقال لى ان ضابط امن الدوله يقولك انك المؤسس وسبق ان قبض عليك يوم 6 ابريل وعليك قضيه قلب نظام الحكم لسه ماتحكمش فيها , بصراحه من غيظى قلتله لا ماتمسكتش ومفيش عليا قضايا والضابط ده كداب رغم انى عارف انه مقدم صوره من القضيه القديمه بس قلت اعمل زيهم واكدب ولومره , فما هذا الذل الذى نتعرض له جميعا حتى النيابه العامه التى يجب ان تكون خصما شريفا لا تملك القرار , فهل اصبح جهاز امن الدوله هو الاقوى فى مصر فهم من يحكمون ويصدرون القرارات وعلى الجميع ان يتبع تعليماتهم والا ذهب وراء الشمس حتى ولوكان مديرا للنيابه , بالفعل صدر القرار بحبسنا خمسة عشر يوما على ذمة التحقيق وعدنا الى قسم الرمل لنحجز فى غرفه اكثر ضيقا تمتلىء ارضيتها بالماء ثم بعد بضع ساعات تم نقلنا الى قسم الترحيلات لنقضى يوما ونصف مغلق علينا باب الزنزانه 24 ساعه ننام ايضا على ارضيه شديده السواد وسط مجموعات كبيره من الحشرات الزاحفه التى يأسنا من قتلها فتركناها تلهو وتلعب فوق اجسادنا وعندما طلبنا تنظيف الزنزانه او فتح الباب ولو قليلا ايضا كان الرد دى تعليمات ضباط امن الدوله , كنا قبل ان نترك قسم الرمل اول لنذهب الى الترحيلات وجدنا احمد ماهر مقبوض عليه ويجلس داخل القفص الحديدى بالقسم لم نستطع ان نتحدث معه كثيرا ولكنه لحق بنا فى نفس اليوم فى الترحيلات , إنتقلنا يوم السبت الى سجن برج العرب فندخله محبوسين على ذمة تحقيق سياسى فكان يجب ان نعامل معامله السياسيين ولكن ايضا قال لنا امن السجن امن الدوله موصى بعزلكم عن باقى المساجين السياسيين ويتم غلق باب ربع العنبر عليكم لا تخرجوا منه كباقى السجناء , كل هذه الايام تمر ولم يحضروا لنا اى طعام وكأن قرار الحبس الاحتياطى صدر مزيلا بمنعهم من الطعام , كانت لى ذكريات واصدقاء بسجن برج العرب فقد امضيت شهرا به محبوسا احتياطيا ثم معتقلا عندما قبض عليا فى اضراب 6 ابريل , منهم كريم عامر ومسعد ابو فجر ويحيى واخرين بمجرد ان شاهدونا احضروا لنا بعض البطاطين والطعام واناروا لنا الزنزانه وكان استقبالهم لن رائعا اضاع مشقه الثلاث ايام السابقه , وثانى يوم كان المحامون قد استأنفوا قرار الحبس الاحتياطى فنزلنا جلسه الاستئناف وكنا صممنا ان نملأ الاسكندريه بهتافتنا من داخل عربة الترحيلات فاخذنا نهتف بكل ما اوتينا من قوه مطالبين بحرية مصر وحرية اولاها وكان المشهد رائعا عندما دخلت العربه المنشيه ووجدنا المئات فى انتظارانا وظلو يهتفوا معنا عمر السجن ماغير فكره وعمر القهر ما أخر بكره , وصدر قرار القاضى رائعا بإخلاء سبيلنا جميعا رافضا كل الضغوط التى حدثت من قوات امن الدوله , وللاسف كانت الضغوط تؤتى ثمارها مع النيابه العامه فاستأنفت النيابه قرار المحكمه وعلمنا انه سيتم عرضنا على محكمة الجنايات لنظر استئناف النيابه العامه لقرار اخلاءالسبيل اليوم التالى , عدنا الى السجن ومنعنا حرس المحكمه من الحصول على الطعام والشراب الذى احضره لنا اهلنا وحزب الغد وشباب 6 ابريل لنعود نجد ان ادارة السجن لم تصرف التعيين المقرر لنا من الطعام مثل باقى المساجين فنعود لنتسول الطعام من المعتقلين السياسيين واصدقائنا بالسجن , وندخل الى الزنزانه لننام من الارهاق واستعدادا لليوم التالى وعرضنا على الجنايات والتى ذهبنا اليها صباح الاثنين وطلب القاضى واحدا منا يمثلنا امامه فرشحنى زملائى لذلك وما ان تواجدت امامه حتى اصدر قرار برفض الاستئناف واخلاء سبيلنا جميعا قائلا إن هؤلاءالشباب لا يمكن ان يحاكموا بتهمة الوطنيه وحب مصر , عدنا مره اخرى الى السجن ونحن نهتف داخل عربة الترحيلات وهتفت معنا القوه المرافقه لنا , وقد استطعنا هذه المره الحصول على متعلقاتنا واخيرا بعد خمس ايام نستبدل ملابسنا التى اصبحت شديده السواد والتى اصابتنا بامراض جلديه مختلفه بملابس اخرى نظيفه ونستعد مره اخرى للافراج عنا فنعود للترحيلات فى اليوم التالى ونقضى يوم الثلاثاء لنتفرق يوم الاربعاء ويتم ترحيل 11 شابا الى محافظاتهم ليتبقى انا واحمد عبد الوهاب ويوسف شعبان ننتظر بضع ساعات حتى تم ترحيلنا الى قسم الرمل ليتم اخلاء سبيلنا بعد رحله اسبوع مليىء بالقسوه والعذاب والظلم . كل الشكر لاحمد ماهر ومصطفى ماهر وباسم فتحى ومدحت شاكر وخالد ونور وعمرو وطارق ومعتصم ومحمد محمود وعفيفى ويوسف شعبان واحمد عبد الوهاب فرغم قسوة هذا الاسبوع الا اننى استمديت قوتى وصبرى من روحهم القويه فلم اجد بينهم خائفا او يائسا اومحبطا ولكنى وجدتهم صامدين كلما يمر يوما يزدادون قوه اتلو عليكم هذه الايه الكريمه حتى لا ننسى اتحادنا فقد كنا جسدا واحدا ضد القهر والظلم بسم الله الرحمن الرحيم ( يا أيها الذين امنوا اصبروا وصابروا ورابطوا واتقوا الله لعلكم تفلحون ) صدق الله العظيم اخيرا اقول لكم يا زملائى كلما ازدادت قسوتهم معنا كلما ازددنا قوه فلا يرهبكم طغيانهم فنحن معا اقوى بإذن الله هلا بك

خطة عمل للمرحله القادمه .. مؤسسه مدنيه تتولى الحكم فترة ما بعد مبارك

هذه المرحله يجب ان يتحرك الجميع لمصلحة مصر وليس فقط شباب 6 ابريليجب ان نعلم من معنا ومن ضدنا من يوافقنا الراى ومن يظهر كمعارض وهو مع النظاماقترح ان تكون خططنا فى المرحله القادمه

1- تكوين مؤسسه قادره على حكم البلاد بعد حكم مبارك وتكون قادره على طرح نفسها كبديل مدنى قوى للنظام بدلا من البديل الوحيد الحالى وهو الاخوان المسلمينان تلتزم تلك المؤسسه بأن تحكم البلاد لمده سنتان فقط تلتزم خلالهما بإعداد دستور جديد للبلاد وتعديل الكثير من القوانين المقيده للحريات وايضا الفصل التام بين السلطات وخاصة التنفيذيه والقضائيه ان يتم خلال السنتان عقد انتخابات نزيهه لمجلسى الشعب والشورى وايضا المجالس المحليه ومجالس النقابات ان يتم خلال السنتان تعميق قيم المواطنه داخل المجتمع وايضا واجبات اخرى يتم طرحها

2 - ان نكون نحن الشباب واعضاء حركة 6 ابريل خلال قيام المؤسسه التى تم اختيارها لتتولى حكم مصر فى فترة ما بعد حكم مبارك بالتحضير لواجباتها المنتظره منها ان نكون نحن اعضاء الحركه بالتعاون مع الحركات الاخرى والاحزاب ان امكن ان نتواجد بين الشعب باستمرار ويكون هدفنا تنويرى بأن نعمل على تثقيف الشعب وتعريفه بحقوقه التى يجب ان تكون الحد الادنى لكى يصبح مواطنا ذا كرامه داخل بلده وايضا حقه فى مستوى معيشه معتدل يستطيع ان يلبى احتياجاته واحتياجات اسرته وانا وسائل الرفاهيه تعتبر من احتياجات الانسان الاساسيه فى الدول المتحضره وايضا تعريف المواطنين بواجابتهم اتجاه وطنهم بدءا من المشاركه فى العمليه الانتخابيه بايجابيه كامله والمطالبه بالحقوق باستمرار حتى لا تكون اضاعة الحقوق هى الاصل بعد ذلك لدى الاجيال القادمهيكون ذلك من خلال اعداد ندوات وايضا النزول للشارع للتحدث مع المواطنين فرادى وجماعات اعلم ان هذه الخطه قد تؤخذ بضع سنين لتنفيذها ولكن يجب ان نبدأ فى يوم من الايام فأتمنى ان تكون البدايه بأيديناانتظر اقتراحاتكم وموافقتكم حتى نبدأ التنفيذ وفى حالة الموافقه سوف يتم طرح اسماء المرشحون للانضمام للموسسه المقترحه والتى سيتم عرض الامر عليهم للقبول او الرفض وسنعلم وقتها من هم القيادات الحقيقيون لهذا الوطن ومن القادر على طرح نفسه كبديل حقيقى للنظام ومن يخشى السجن الذى تعرض له اخر كما ان عملنا بالشارع سيكون امن تماما فلن نلجأ الى مظاهرات ولا وقفات ولكن فقط مناقشات وجلسات تثقيفيه للمواطنين لا اعتقد ان هناك وسائل سلميه اكثر من ذلك

من ذلك انتظر اقتراحاتكم

حكايتى مع 6 ابريل الجزء الرابع

انتهى الاجتماع وبدأ اعضاء الفيس بوك بالاتصال فأعلنتهم بما تم الاتفاق عليه وطلبت منهم الاعلان عن ميعاد المظاهرتان المنشيه ومحطة مصر فى المواعيد المتفق عليها وابلغتهم ان حركة كفايه ستعلن بالمثل عن مظاهرة المنشيه , للأسف بدأنا نحن ندعوا للمظاهرتان ولكن حركة كفايه لم تعلن ولم تشير نهائيا لمظاهرة المنشيه , على كل حال لم نكن فى حاجه الى اعلانهم فمصر كلها كانت تعلم المكان والميعاد , ولكن كنت اتمنى ان يلتزموا بالاتفاق خصوصا اننا التزمنا بمجرد ان انتهى الاجتماع رغم اننا علمنا انه لا احد يعلم بميعاد محطة مصر الا بعد ان تم الاعلان عنها من جانبنا , قال لى احد الصحفيين بالمصرى اليوم عندما رأى ان حركة كفايه لم تلتزم بالاتفاق بيننا حتى ان لم تنشر الميعاد على موقعها إستمر يا احمد انت والشباب فى الدعوه لمظاهرة محطة مصر والمنشيه معا ولا تتركوهم فالنجاح فى النهايه سينسب للمصريين .
اتصل بى معد برنامج على الهوا الذى يقدمه المذيع جمال عنايت على قناة الصفوه لكى يستضيفنى انا واحد الزميلات لكى نتحدث عن الاضراب وطلب منى ان ارشح احدهن فطبعا رشحت اسراء عبد الفتاح ولكن للاسف اتصلت بها كثيرا وكان التليفون مغلقا فرشحت له احمد ماهر وبالفعل ذهبنا للبرنامج الذى استضاف الاستاذ عمر هريدى عضو مجلس الشعب عن الحزب الوطنى وامين سر لجنه غمزة عين احمد عز .... اقصد اللجنه التشريعيه اللى بتشرع القوانين بناء على نظرات وغمزات احمد عز , والحمد لله فقد استطعنا ان ندعوا للاضراب بل والتظاهر وخرج ممثل الحزب الوطنى عصبيا ثائرا بعد انتهاء البرنامج بالرغم من ظهوره على الشاشه فى منتهى الهدوء .
مع اقتراب 6 ابريل كان يزداد قلقى خوفا على الشباب الذى سيتواجد هذا اليوم , خوفا ان يستغل الامن وجودهم فيبدأ فى اعمال العنف لكى ينسبها إليهم , إلا اننى لم اشعر بالخوف على نفسى بالرغم من كل التحذيرات التى كانت تصلنى من اعضاء بحزب الغد وخصوصا رئيس الحزب بالاسكندريه الذى طلب منى ان اترك منزلى حتى 6 ابريل لانه يشعر من اتصالات امن الدوله به انه سيتم اعتقالى , تناسيت تماما هذه التحذيرات وبدأت اتنفس من جديد نسيم نجاح 6 ابريل , وكنت اصر ان اذهب الى المنزل فلماذا اتركه فأنا مازلت مقتنعا اننى لم اخرق القانون ومن حقى ان ادعوا للاضر اب والتظاهر السلمى فلو تم القبض عليا سيكون الخطأ بالتأكيد من جانب الأمن فلماذا اذن اهرب , اعلم انه تفكير مثالى ولكنى كنت واثق من الشباب ومن النجاح الذى ينتظرنا جميعا فلم اكن فى حاجه للهرب فنحن الاقوى .
بدأت وزارة الداخليه تبث تحذيراتها للمواطنين من التظاهر يوم 6 ابريل وايضا تم تحذير الموظفين من الغياب فى هذا اليوم وازدادت التحذيرات وكأن البلاد مقدمه على حرب شوارع , كانت سعادتى تزداد كلما اسمع تحذيراتهم لشعورى بالنجاح قبل ان يأتى اليوم نفسه كما كنت ايضا ازداد قلقا على مصير زملائى على الفيس بوك وعلى مصير كل من سيتواجد بالشارع من الشعب المصرى .
5 ابريل كتبنا اللافتات التى سيتم رفعها باسم شباب الفيس بوك فى مقر حزب الغد بالاسكندريه وما ان انتهينا ذهبنا جميعا الى بيوتنا لكى نستريح قليلا قبل يومنا المنتظر , كنت قد اخفيت عن اعضاء الحزب اننى سوف انام بمنزلى حتى يتركونى فكانوا جميعا يريدوننى ان اترك المنزل , لا انكر اننى فى هذه الليله شعرت بالقلق من ان يلقى القبض عليا فلم اكن اخشى الاعتقال ولكنى كنت مشتاق ان ارى مصر يوم 6 ابريل , توكلت على الله وذهبت لأنام وسط اتصالات لم تنقطع من اعضاء الحزب وايضا وسط قلق من ان يقتحم الامن المنزل فى اى وقت .
استيقظت الساعه السابعه صباحا على اتصالات اعضاء الحزب ايضا , أنطلقت مسرعا الى جهازى لافتح الفيس بوك واتحدث مع بعض الزملاء واسالهم عن اخبار الحركه بمناطقهم , كلهم اكدو لى انه لا حركه على الاطلاق حتى الان لم يروا تلاميذ المدارس بالشوارع كالعاده فى مثل هذا الوقت , انتظرت حتى الساعه الثامنه والنصف وكل واحد من مكانه يكتب اخبار الحركه بالشارع الذى يتواجد به , والجميع يؤكد ان الشوارع خاليه تماما من الماره , كانت اخر رسائلى على الموقع تحيا مصر يا شباب فلنبدأ نحن بإحياء الشوارع والنزول الان وأغلقت الجهاز وذهبت لأخرج من المنزل وقبل ان اخرج قررت ان اعود لانظر من النافذه اولا فوجدت احدى عربات الامن تقف امام المنزل بحوالى 50 متر واسفل منزلى يوجد رجلان أى انسان ينظر اليهما سيؤكد انهما مخبران , كنت اروى ما اراه لزملائى بحزب الغد الذين لم تنقطع اتصالاتهم بى وطلبوا منى جميعا عدم النزول من المنزل وان ابقى على جهازى احمس الناس واشجعهم وان اكتب ما يحدث بالاسكندريه من خلال ابلاغهم لى بما يجرى اولا بأول , من كثرة الحاحهم لى بعدم النزول وافقتهم ان ابقى سجينا بمنزلى وقد كنت متجها وقتها الى باب الشقه لكى اخرج واشعر بحريتى مع احرار مصر , فكيف ابقى بالمنزل وقد شاركت فى الدعوه للتظاهر لابد ان اكون فى المقدمه , بمجرد ان فتحت باب الشقه جاءنى شعور مفاجيء وغريب اننى لن اعود مره اخرى , فقررت ان ادخل لاودع امى ولكننى وجدتها تصلى فخرجت مسرعا , امام باب المنزل وجدت المخبران يتحدثان سويا وظهرهما لى , خرجت واتجهت الى الشوارع الجانبيه لاحتمى بها ولم اجد اى وسيلة مواصلات لكى اصل الى المنشيه حتى التاكسى لم اشاهده هذا اليوم , فالدعوه للاضراب كانت قويه واستجاب الناس لها , قررت ان اذهب سيرا على الاقدام وكانت اول عقبه واجهتنى بشارع النبى دانيال حيث تم القبض عليا من قبل بعض المخبرين رغم انهم لا يعرفوننى واتجهوا بى الى احد الظباط الذى تصادف انه يعرفنى حيث تعاملت معه اكثر من مره بصفتى محامى فما ان رآنى فأمرهم بتركى وقال لى الشنطه دى فيها ايه , كنت احمل بداخل الشنطه البيان الذى سيتم توزيعه على الصحفيين فى هذا اليوم باسم شباب 6 ابريل , فكان ردى عليه ... فيها اوراقى , قالى اوراق المحكمه فلم ارد عليه حتى لا اكذب , فقال طيب يالا اتفضل علشان تلحق جلستك , ذهبت لاكملى طريقى الى ميدان المنشيه ومحكمة الحقانيه التى رايتها محاصره تماما من قوات الامن المركزى الذين تواجدوا بالالاف وايضا ظباط امن الدوله الذين يعرفوننى جيدا , اتجهت الى محكمة الجنايات على البحر وتجمع معى بعض الشباب ووصل عددنا حوالى 20 تقريبا وكان بعضهم ابلغنى انه تم القبض عليه من قبل امن الدوله وسالوه هل يعلم مكانى ثم تركوه بعد ذلك لكى يعود الى بيته ولكنه لم يترك الميدان ويهرب ولكن تمسك بحقه فى التظاهر من اجل حريته وكرامته , اتصلت بالمهندس السيد بسيونى رئيس حزب الغد بالاسكندريه ابلغه ان المظاهره امام الحقانيه مستحيله فالامن يحاصرها تماما فطلب منى ان اسرع بالهرب من محكمة الجنايات لانه علم ان امن الدوله علمت بمكانى ومتجهين للقبض عليا , كان كل همى هو إتمام ما اتفقنا عليه وتنفيذ المظاهره فقط فطلبت منه ان يجد لنا حلا سريعا لبدء المظاهره ولا يهتم بى , وفى هذا الوقت سمعت هتافات بالخارج امام مجمع المحاكم فخرجت لكى ارى ما يحدث فوجدت احدى الفتيات تهتف ومن ورائها بعض الناس حيث انه تم القبض على بعض زملائها ويتم ايداعهم بحجز المحكمه وهى تهتف من اجلهم وازدادت المظاهره ولا اعرف من اين يأتى الناس فكأن الناس جميعا منتظرين ان يبدأ اى حدث لكى يخرجوا يعلنوا غضبهم وبدأ الناس تانى مسرعه وفى لحظات تجمع ما لا يقل عن الفين مواطن او يزيد فى اقل من خمس دقائق ولو كانت استمرت ما كانت انتهت بسهوله فالشعب ظمآن ووجد طريق المياه لكى يرتوى ويؤمن مستقبل ابنائه , كانت الساعه الحاديه عشر والناس يتظاهرون وفجأه ظهرت قوات الامن والمخبرين بأعداد كبيره , فى البدايه طلبوا من الناس ان تترك المكان ولكن الناس أبت ان تتحرك فطلب احد اللواءات ان يتجمع الناس على الرصيف ويتظاهروا كما يريدون ولكنى اعتقد ان هذا القرار قد جاء بمبادره فرديه منه فما لبث ان صعد الجميع على الرصيف الا وبدأ الامن يقتحم المظاهره محاولا القبض على قياداتها فاستطاع المتظاهرين ان يحموا بعضهم ويدفعوا قوات الامن بعيدا عنهم ولكن تم القبض على اخرين منهم قطب حسانين والفتاه التى بدأت الهتافات واحد زملائى بالحزب والذى استطاع العاملون بمكتب بريد المنشيه ان يخلصوه من ايديهم , ذهبت لكى الحق بمن تم القبض عليه فالتف حولى مجموعه من الناس واعضاء بالغد يمنعوننى من التقدم وفى هذه الاثناء حضر احد ظباط المباحث اعتقد ان رتبته عقيد قبل راسى لكى اذهب واترك المكان واكد لى انه لم يتم القبض عليهم وسوف يتركونهم , فذهبت لاتصل بقطب حسانين فوجدت تليفونه مغلق وزميلى الاخر لم يرد على اتصالى به فتأكدت انه تم القبض عليهم , فعدت مره اخرى متجها نحو قسم المنشيه فما ان رأنى مأمور القسم حتى اخذ يستدعى المخبرين ويطلب منهم القبض عليا , فالتف حولى مجموعه من مخبريه ولكنهم لم يلمسونى بعد , فاخذ ينهرهم اقبضوا عليه ولكنى كنت اقف وهم حولى لا اعرف لماذا لم يقبضوا عليا , فنادى عليا المأمور ( تعالى هنا عندى ) بالطبع رفضت وطلبت منه انه يتقدم نحوى وسوف انتظره ولن اهرب رغم انه كان لدى فرصه كبيره لاهرب من المكان فتقدم نحوى وبالمصادفه حضر احد امناء الشرطه والذى حدثت بينى وبينه مشكله فى وقت سابق فوجد مأمور القسم يطلب من مخبريه القبض عليا فتطوع هو لذلك , وما ان وضع يده على كتفى حتى وجدت كل المخبرين يريدون القبض عليا , رغم اننى كنت اقف امامهم اكثر من خمس دقائق فلماذا لم يفعلوا من قبل , والذى زاد من اندهاشى اننى وانا بطريقى الى قسم المنشيه والمخبرين حولى ومأمور القسم ورائى اتى ملازم اول ليحاول ان يخلصنى من ايديهم وفعلا ابعدنى عن المخبرين وهو يطلب ويلح على المأمور ان يتركنى , ولكن كان مستحيلا ان يتركنى المامور خاصة بعدما احرجته امام المخبرين والمنتظاهرين , ومسكنى هذه المره بنفسه , ولكن هذا الظابط لم ييأس واخذ يخلصنى من بين ايديهم ودفعنى وقال لى اجرى ادخل المحكمه فما كان من مامور القسم ان دفعه فى صدره وهدد بالقبض عليه ان لم يتركنى , فطلبت من هذا الظابط الشريف ان يتركنى ويذهب , وحتى الان لا اعرف من هو كما اننى ملامحه اختفت من ذاكرتى , وما ان دخلت قسم المنشيه وصعدت بالدور الاول وجدت ظباط امن الدوله متواجدين وما ان رآنى احدهم اتجه نحوى مسرعا وقال لى احنا حذرناك كتير المره دى حاتاخد جزائك , كانت البدايه مبشره جدا فكلامه هذا يدل ان الحدث كبير وفوق طاقتهم ولذلك اطمأنيت انه لن يحدث لنا جميعا اى مكروه , وفعلا كنا نتعامل باحترام شديد لدرجة اننى اثناء خروجى من المعتقل كان السؤال الاساسى لدى ظباط امن الدوله انت لما تطلع حاتقول ايه علينا ؟ عاملناك كويس ولا وحش ؟ اديك شوفت بنفسك المعامله محترمه ولا ضرب ولا شتيمه ولا اى حاجه زى مابيتقال ؟
لكن صحيح بالنسبه لنا ماكنش فى ضرب ولا شتائم ولكن بالنسبه لغيرنا من المعتقلين خاصة اعضاء الجماعات الاسلاميه اعتقد انهم وجدوا اكثر من الضرب والشتائم فما سمعناه من روايات عما حدث لهم يشيب له الوجدان .
اعتقد ان الوقت الذى مر بالمعتقل كانت مثل اى وقت مر عليا بالخارج , فمازلت اتحدث فى السياسه كما كنت بالخارج بل اكثر فالمحيطين بى جميعهم سياسيين , فكان الوقت يمر سريعا خاصة اننى لا البث ان انهى حديثى مع شخص ما حتى اجد غيره ونبدأ من جديد حديث اخر اكثر متعه من سابقه , وفى الايام التى كنت افضل ان اجلس وحيدا فيها لاعيد ترتيب افكارى حول العمل بالمرحله القادمه ايضا كانت تمر سريعا جدا , لا انكر اننى كنت استمتع بالسجن رغم ان البعض سيعتبرنى مريضا نفسيا الا ان هذه هى الحقيقه , نعم كنت اشتاق للحريه مثلى مثل الجميع ولكنى لم اشعر يوما بالملل داخل السجن .
لا اجد ما هو هام لاذكره اثناء فترة اعتقالى الا موقفان أثرا بى
الموقف الاول : فى اول يوم تم القبض علينا وتم ترحيلنا واحتجازنا بمعسكر الامن المركزى كنا حوالى 11 فردا حوالى الساعه الواحده ظهرا وكلما يمر الوقت بدأ العدد يتزايد الى ان وصلنا فى الساعه الخامسه الى 85 فردا وكل من ياتى يحكى لنا كيف تم القبض عليه وجدت ان كلا منهم قبض عليه بمفرده اثناء اشتراكه بمظاهره غير التى كان يتظاهر بها الاخرين ومعنى انه يتم القبض على 85 ان هناك بالخارج مالا يقل عن 50 الف وفقا للاعداد التى كانوا يتحدثون عنها , وقتها شعرنا جميعا بالنجاح واننا حركنا الشارع ولم يضيع مجهودنا هباء , ومن شده الحماس وقف ابو عبدالله وهو احد اعضاء الغد السابقين يقول ( يا جماعه احنا نجحنا والله نجحنا اوعوا تيأسوا ) فوقفت بجانبه وقلت ( يا رجاله صقفه كبيره لنفسنا ) مازلت اتذكر عندما سمعوا صوت التصفيق ففتح احدهم الباب ليسألنا فى ايه ؟ ايه اللى بيحصل عندكم ؟ فرد عليه احد الشباب بطريقه ساخره .... ماتشغلوش بالكم انتم ده موضوع خاص بينا فضحكنا جميعا , مازلت اتذكر هذا الموقف ففرحت النجاح انستنا اننا ما نحن فيه .
ايضا اتذكر فى نفس اليوم دخل احد ظباط امن الدوله علينا الحجز وكنت وقتها اصلى صلاة المغرب فانتظرنى حتى انتهيت وطلب من الجميع الوقوف والرجوع للوراء قليلا ورغم انه يعرفنى ويرانى الا انه سأل فين احمد عراقى ... فقال احد الزملاء احمد موجود ... فطلبنى الى جواره فذهبت اليه فقال لى شايف كام واحد مقبوض عليهم ذنب الناس دى كلها فى رقبتك يا احمد وتركنا وخرج , توقعت ان يبدأ من هم معى فى توجيه الاتهامات لى ولكننى فوجئت بهم جميعا يلتفون حولى ويشكروننى وكانت افضل كلمه سمعتها هذا اليوم من شاب عمره 16 عام قالى ولا يهمك منهم كلنا معاك ولو طلعونا النهارده حانتظاهر تانى ونرجعلك .

الموقف الثانى كان اخر ايامى بالمعتقل عندما اجتمع بنا احد ظباط امن الدوله انا وست من المعتقلين وقال لنا احد الاشخاص المحترمين !!! يسعى جاهدا لدى وزير الداخليه للافراج عنكم وصمت لكى نسأل من هو فلم يسأله احد فاضطر لتكملة حديثه انه المهندس موسى مصطفى موسى ؟ ونظر لى مبتسما كنت مصدوما وقتها ألهذه الدرجه وصل التدخل الامنى فى حياتنا وحريتنا , هل اصبحنا لعبه فى يد الحكام يتم القبض علينا بدون ذنب ارتكبناه الا اننا اردنا ان نعيش فى احرار فى بلد سجين وايضا عندما يقرروا الافراج عنا يجعلوننا لعبه فى ايدى العملاء ويسيئون الينا جميعا .
كنت انظر الى هذا الظابط ولا اسمع ماذا يقول فقط كنت اريد ان ارى وجهه وهو يتحدث مبتسما مسرورا بالدور الذى يلعبه .
فجأ بدأت حاسة السمع تعود لى مره اخرى فسالته ليه موسى مصطفى موسى حايتدخل علشانى انا ويطلب الافراج عنى فقال لى لانه رئيس حزب الغد مش انت احمد عراقى عضو الغد قلتله ايوه انا عضو بالغد لكن هو مش رئيس الغد وانا مش معترف بيه , قالى اللى بينكم مشاكل بسيطه لما تطلع اقعد معاه وحلوا مشاكلم , فطلبت منه ابلاغه اننى ارفض تدخله من اجلى ولا اريد ان اخرج بواسطه منه , فقال لنا انتم حاتخرجوا فى اقرب مما تتصوروا فتاكدت ان خروجنا سيكون غدا , وفى هذا اليوم اتى لى بعض المساجين الجنائيين يحدثوننى انهم سمعوا انه يتم الان انهاء اجراءات الافراج عنى , اخذ جميع ظباط السجن فى استدعائى قبل ان اخرج ويحدثوننى ان الفضائيات تنتظرنى بالخارج ومعهم موسى مصطفى موسى فأبلغتهم رفضى التصوير معه , اعتقد انهم ابلغوا ظابط امن الدوله المسئول عن السجن فاستدعانى قبل الخروج بنصف ساعه وجلس معى واخذ يحدثنى عن الحلال والحرام وايه اللى يصح وايه اللى مايصحش وفى النهايه حدثنى ان موسى ينتظرنى بالخارج ليصطحبنى معه فأعدت عليه كلامى مره اخرى بأننى ارفض تدخله ولا اعترف به رئيسا لحزب الغد وسيظل ايمن نور هو زعيم الحزب , فابتسم وقال لى انا مش حافرض عليك كلام تقوله امام الاعلام قول كل اللى انت عايزه بس اطلع الاول بره باب السجن وبعدين الراجل جالك لحد عندك يستقبلك فكان ردى عليه انى اشكر كل انسان حضر يستقبلنى امام باب السجن بغض النظر عن اى نزاعات بيننا ولكنى لن اشكر احد بصفته الحزبيه سوى اعضاء حزب الغد الشرعى زعيمه ايمن نور ورئيسه ايهاب الخولى .

مذكرات 6 ابريل الجزء الثالث

مذكرات 6 ابريل الجزء الثالث

عقب سماعى بما اعلنت عنه حركة كفايه اتصلت على الفور بمنسق عام حركة كفايه بالاسكندريه وكان ذلك يوم السبت 29 مارس لأستفسر منه عن سبب تحديد مكان وميعاد اخر للتظاهر فرد عليا احنا حددنا الميعاد ولو عايزين تشتركوا معانا تعالوا ( كان وقتها يعتقد ان حركة كفايه لها من القوه التى تجعل القرار بأيديهم هم , لم يكن يثق بأن الشعب يستطيع ان يتحرك بمفرده وانه يجب ان يكون هناك قياده يتبعها او لم يكن على درايه بما يجرى من حوله ولم يكن متوقع نجاح او قوة الدعوه لاضراب 6 ابريل ) رديت عليه بأننا شغالين فى الدعوه منذ اسبوع وتم توزيع الدعوات بالشارع وان الناس هى التى توزع ولا اعرفهم بل هناك ملصقات شاهدتها تدعوا للاضراب والتظاهر بالمنشيه ولا اعرف من صممها ومن لصقها , كان رده لما نتقابل يوم الاربعاء نتكلم فى الموضوع ده طبعا يقصد الاربعاء 2 ابريل اى قبل 6 ابريل باربع ايام رفضت وقلتله لازم نتقابل قبل كده قالى لا يوم الاربعاء كويس وقفلنا على كده , طبعا من السبت الى الاربعاء كانت مصر كلها بتتكلم عن اضراب 6 ابريل وعن التحضير للنزول للشارع والتظاهر ضد الفقر والفساد بل ومن اجل تغيير النظام احيانا , كان تليفونى لا يكف عن الاتصالات التى استقبلها من اعضاء على الفيس بوك لا اعرفهم جميعهم يؤكدون على ميعاد التظاهر وانهم سيأتون ومعهم العشرات من زملائهم سواء بالجامعه او العمل الى ميدان المنشيه منذ الصباح , ادخل اى محل اجدهم يتحدثون عن اضراب 6 ابريل والتظاهر بالمنشيه , ذهبت لاشترى ورق لنكتب عليه لافتات من اجل ان نرفعها يوم 6 ابريل ونحن واقفون على سلم الحقانيه بمجرد ان عرف صاحب المحل الغرض من الشراء خصم نصف الثمن وحدثتنى سيده مسنه كانت بجوارى انها ستخرج هى واولادها الثلاثه للتظاهر بالمنشيه وايضا زملاء ابنائها , بعد شراء مستلزمات اللافتات ذهبت اخر اليوم لاشترى سندوتش فول من محطة الرمل وانا اقف بالمطعم سال رجل البائع انتم اجازه يوم 6 ابريل , توقعت ان البائع سيقول له لا خاصة ان المطعم كبير ومشهور ولكن قال له حتى لو مش اجازه مش حانيجى انا حاروح المنشيه فرد زميله الحمد لله انى باخد اجازتى يوم الاحد يعنى كده كده رايح كانت بعض الطالبات الجامعيات تقف بأول المطعم امام الكاشير سالهم البائع طبعا بيعاكسهم انتم حاتروحوا الكليه اليوم ده قالولوا لا مش رايحين حانشارك فى مظاهرة المنشيه فسالتهم مش معقول كلكم حاتيجوا تشاركوا فى المظاهره ده احنا كده حانبقى ألاف ردت عليا بنت قالتلى لا واختى وزمايلها بالثانوى كمان قرروا انهم مش حايروحوا المدرسه وحاييجوا المظاهره .
خرجت من المطعم وانا لا اعرف ماذا افعل او ماذا سنفعل يوم 6 ابريل ماذا لو رايت 20 او 30 الف بميدان المنشيه ؟ ما هى مطالبنا بالتحديد ؟ تخفيض الاسعار ...... طيب لو الحكومه لم تستجيب لنا ماذا سنفعل ؟ هل نستمر بالاعتصام بميدان المنشيه وفى هذه الحاله لابد ان العدد سيتزايد وايضا لابد ان الامن سيتدخل لفض الاعتصام بالقوه وماذا لو نجحنا والعدد تزايد ؟ وماذا لو تدخل الامن كيف سنواجهه ؟ هل ستكون هناك مذبحه ؟ وهل من سيحضرون للتظاهر يعلمون انهم مقدمون على عمل كبير يمكن ان يغير مصر بأكملها ؟
ولكن السؤال الاهم الذى اخذ يراودنى ماذا لو نجحنا واسقطنا النظام فنحن لا يوجد لدينا البديل , البديل الوحيد للحزب الوطنى هم الاخوان المسلمين فهم الجماعه الوحيده المنظمه بمصر ولديهم القدره ان يستغلوا الفرصه ليستولوا على الحكم .
فهل نحن نعمل من اجل الاخوان المسلمين ام من اجل حقوقنا المشروعه , لم اشعر بالضعف الا فى هذا الوقت رغم انه كان المفروض ان اشعر بالقوه وقد استطعت ان احشد انا وزملائى الالاف بل قد يكونوا الملايين ولكن وجدتنى احشدهم لمصلحة جماعه الاخوان المسلمين وليس مصلحة مصر , اسرعت الى الانترنت وبدأت اكتب ارفض اشتراك الاخوان المسلمين فى الاضراب وأننا لن نرفع اى شعار حزبى ولن نسمح لاى اخوانى ان يرفع شعارات الاخوان , واعتقدت ان هذا هو الحل بالنسبه لمشكلة الاخوان المسلمين ولكن ما هو الحل بالنسبه لباقى المشاكل السابقه ماذا سنفعل ؟

جاء يوم الاربعاء واجتمعت مع منسق عام حركة كفايه وايضا سكرتير حزب الغد بالاسكندريه ووكيله ورئيس حزب الجبهه بالاسكندريه وبعض اعضاء حركة كفايه والاشتراكيون الثورييون , لم يأتى منسق حركة كفايه للتفاوض من اجل توحيد زمان ومكان التظاهر ولكنه اتى لفرض رأيه كان يتحدث عن مكان التظاهر بمحطه مصر وكأننا اتفقنا على الغاء المنشيه وعندما اعترضت قال لى انا قلتلك لما كلمتنى تعالوا انتم اعضاء الفيس بوك واشتركوا معانا طبعا كان ردى احنا كنا دعينا الناس للمنشيه وكل اسكندريه عارفه ان مكان التظاهر بالمنشيه وايضا انا عرضت على اعضاء الفيس بوك اننا ننقلها لمحطة مصر علشان ماخدش القرار لوحدى فرفضوا جميعا فكان رده مايرفضوا احنا ناس مسيسين الناس لازم تمشى ورانا مش احنا اللى نمشى وراهم رديت وقلت بس افرض الناس عايزه كده يبقى راى الناس لازم يمشى كان رده يتحرق الناس احنا اللى بنقرر مش هما , شعرت وقتها ان المعارضه مثلها مثل الوطنى لافرق بينهم , لماذا اعمل مع هؤلاء , يحاول بعضهم استغلال الناس لمصلحته الشخصيه والظهور امام الفضائيات ليتحدث بإسمهم وان تنشر صوره بالجرائد ( يتحرق الناس ) طيب بدل يتحرق الناس ايه اللى يخليك تنزل تتظاهر علشانهم ماتخليك فى شغلك ( بمناسبة موضوع الشغل وانا اتحدث مع منسق حركة كفايه عن ميعاد التظاهر قال لى الساعه 11 بدرى جدا احنا عندنا شغل نخليها الساعه 2 رديت عليه ازاى 2 وشغل ايه 6 ابريل فى اضراب كان رده ماهو يا احمد مش كل مصر حاتضرب عن العمل لسه بدرى على الكلام ده نخلص شغلنا وبعدين نروح المظاهره ) ازاى تكون انت اللى داعى للاضراب عن العمل وتروح انت شغلك لو مش كل مصر مش حاتضرب عن العمل اليوم ده لازم انت تضرب عن العمل ده انت اللى دعيت او كما تدعى ,انك انت اللى دعيت , حاولت ان اقنعهم يشاركوا بالمنشيه ويتركوا فكرة محطة مصر خاصة ان المكان غير مناسب تمام فعند سنترال محطه مصر وهو المكان الذى اختاروه يوجد اكبر اسواق الخضار بالاسكندريه ويوجد بائعين وازدحام شديد من النساء كما ان هذه المنطقه يتوافر بها عدد كبير من البلطجيه فالبتأكيد سيكون هناك احداث شغب .. ولكن لا حياه لمن تنادى صمموا على مظاهرة المحطه ولكنهم قرروا ان من يستطيع سيشارك بالمنشيه , قبل ان اخرج من الاجتماع اعلن حزب الغد انه سيشارك بجميع اعضائه بمظاهرة المنشيه وان رئيس الحزب بالاسكندريه سيكون ممثلا للغد فى مظاهرة محطة مصر , فقد كان الغد رايه متوازن كثيرا ويسعى لانجاح الحدثين وبعد ذلك ظهرت بعض الليونه فى الحديث فاتفقنا انه سيكون منسق عام حركة كفايه ورئيس حزب الجبهه بالاسكندريه سيتولوا التنسيق والتحدث مع الامن هذا اليوم

حكايتى مع 6 ابريل الجزء الثانى

حكايتى مع 6 ابريل الجزء الثانى

وسط انضمام كثير من المصريين للمجموعه بدأنا الدعوه للإضراب عن العمل , ولاقت الدعوه قبولا كبيرا من الاعضاء وبدأ الاعضاء الدعوه للاضراب وعمل دعايه كبيره لليوم المنتظر يوم 6 ابريل على كل جروبات الفيس بوك وعلى مواقع النت عامة , لدرجة اننى كنت اشاهد الدعوه للااضراب عند دخولى اى موقع او قرائتى اى تعليق على اى مقال كان لابد ان يكون احد الاشخاص كتب الدعوه للإضراب فى تعليقه , بدأت اشعر بنجاح 6 ابريل قبلها بعشرة ايام , لأول مره اشاهد المصريين متحمسين لفكره بهذه الدرجه , كنت اسمع ان ايام عبد الناصر كان المصريون يتحدون أحيانا لتحقيق هدف وطنى كبناء السد العالى وايضا ايام السادات كان الجميع يسعى للحرب لاعادة سيناء التى احتلتها اسرائيل , اما فى عهد مبارك فلم يتحدوا ابدا كان يسعى دائما الى تفريقهم بشتى السبل , إما بث روح الفتنه الطائفيه , إثارة قضايا المرأه وحدها أو الترويج لقضيه رياضيه تافهه ينشغل بها الشعب , او العمل على التفريق بين القوى الوطنيه بين احزاب المعارضه والحركات احيانا وبين الاحزاب وبعضها , دائما كان همه التفرقهع بين المصريين عاملا بمبدأ فرق تسود , لأول مره منذ بداية عهده والذى لا نعرف متى ينتهى يتجمع المصريين من اجل تحقيق هدف معين وليس كأى هدف ولكنه هدف سياسى هدف من اجل تحقيق مصلحه وطنيه هدف قومى بدأ بالدعوى لتخفيض الاسعار ولكن سرعان ما شعر المصريين بقوتهم عند اتحادهم فبدأت الدعوه لتحرير مصر من نظام مبارك بأكمله بدأ المصريون يسعون للتغيير فى 6 ابريل , بعد 3 أيام من انشاء الجروب وعند شعورى بحماس جميع اعضاءه بدأت أتسائل هل سيستجيب النظام المصرى لمطالبنا إذا اضربنا عن العمل وجلسنا ببيوتنا , بالطبع لا , نعم لو نجح الاضراب ولم يذهب احد الى عمله ستكون بداية اتحاد المصريين ضد الفساد وستكون مؤشر لعمل قادم أقوى ولكن نحن نريد ان نحصل على مكاسب اكثر , قررت ان اجرى استطلاع راى بين اعضاء الجروب عن قدرتهم على المشاركه فى مظاهره بالاسكندريه وكانت المفاجأه الاولى عدد اعضاء الجروب من الاسكندريه والثانيه عدد الموافقون على التظاهر فى هذا اليوم بدأت اشعر بالنجاح وكنت وقتها مازلت مقتنعا ان للحركات السياسيه تاثير بالغ على الشعب المصرى فقررت ان ابدأ الدعوه لمظاهرة المنشيه على منتدى حركة كفايه , ولكننى فوجئت بهجوم اعضاء كفايه ورفضهم للتظاهر وادعائهم اننى افشل الاضراب بحجة ان الاضراب معناه الجلوس بالبيت ولكننى مازلت مقتنعا ان الجلوس بالبيت لن يفيد فقد يعتبره النظام يوم اجازه وحاينتهى لازم يكون فى مشاركه اكثر ايجابيه , عدت الى جروب 6 ابريل بالفيس بوك رايت ان عدد الموافقون على المشاركه بالمظاهره يتزايد ويؤكد الاعضاء انهم سيتواجدون بالمنشيه منذ الصباح , عاد لى التفائل مره اخرى وطبعت الدعوه للتظاهر وقررت ان اذهب لاقدمها لحزب الغد وانا بالطريق دخلت احد المحلات لتصوير الدعوه حتى اذا خرجت من الغد اذهب الى الوفد والتجمع والجبهه ادعوهم , عند التصوير قرأ صاحب المحل الوربقه بصوت مسموع فى حضور بعض الشباب اتوا لتصوير بعض المذكرات الدراسيه , سالنى احدهم هو بجد يوم 6 ابريل فى اضراب جاوبته ايوه ومش بس اضراب فى مظاهره كمان ادام الحقانيه , حاتيجوا تحضروها ؟ كان الرد قوى من جانبهم , ايوه طبعاااااا احنا خلاص زهقنا من اللى بيحصل فى البلد دى ولازم نغيرها طلبوا منى احدى الدعوات بعد حوالى دقيقه وانا اخرج من المحل رايتهم يعودون ويطلبون تصويرها 3000 نسخه فاندهشت من رغبتهم هذه وسالتهم لماذا ؟ اجابوا حتى نوزعها انت مش كاتب بنهاية الورقه خليك ايجابى وصورها خمس ورقات ووزعهم احنا حانكون اكثر ايجابيه وحانصورها 3000 ورقه ولما نخلصهم حانخلى صحابنا يصوروها ويوزعوها , عرضت عليهم انهم بلاش يوزعوا بالشارع ويوزعوا على الشقق السكنيه افضل من اجل امنهم وحتى لا يتعرضوا لمضايقات امنيه , خرجت من المحل وانا اسال نفسى هل مازلت مصرا على الذهاب لحزب الغد ام اعود لهؤلاء الشباب لاعمل معهم ونكون خلية عمل نشطه تستطيع التحرك بالشارع بحريه وبعيدا عن الاختراقات الامنيه للاحزاب , فقررت ان اذهب للغد فهو ايضا به الكثير من الشباب المؤمن بالتغيير واكثر تنظيما , دخلت وعرضت الامر على بعض القيادات للأسف لم اجد استجابه من جانبهم فالبعض هز راسه بالموافقه والاخرين قالوا طيب حانبقى نقعد ونتكلم , وقتها قلت يا ريتنى رجعت للشباب ولم اذهب بعد ذلك لاى حزب , وعدت لاصدقائى على الفيس بوك ادعوا للمظاهره الساعه العاشره صباحا وبعد يومان اجتمعت بسكرتير عام حزب الغد وعرضت عليه الموضوع مره اخرى فطلب منى ان نؤجل المظاهره للساعه الواحده ظهرا وان الحزب سيشارك عرضت الامر على اعضاء الفيس بوك رفضوا وطلبوا ان نبدأ المظاهره العاشره فلماذا نتتظر للساعه الواحده رجعت مره اخرى الى سكرتير عام حزب الغد فطلب ان نؤجل الميعاد الى الحاديه عشر , عدت الى الفيس بوك وكتبت الميعاد الجديد للتظاهر الحاديه عشر صباح 6 ابريل بميدان المنشيه بالاسكندريه , اليوم التالى اعلن بعض اعضاء الجروب من القاهره تنظيم مظاهره بميدان التحرير الساعه الحاديه عشر صباح 6 ابريل واصبح هذا الميعاد هو ميعاد رسمى لبدأ الحركه الشعبيه , سرعان ما بدأ اعضاء المحافظات الاخرى الاعلان عن اماكن التجمع بمحافظاتهم من اجل التظاهر وكانت اكثر المدن نشاطا للدعوه المنصوره والمحله ودمنهور وكفر الشيخ , شعرت ان الدعوه مازالت لم تكتمل فنريد ان نخرج للشارع ندعوا من لا يستطيع الوصول للانترنت وتذكرت مجموعه الشباب الذين قابلتهم فبدأت ادعوا الشباب على الفيس بوك لطباعة الدعوه وتوزيعها بالشارع حتى يعرف كل مصرى إننا بنغير مصر فيشارك معنا , ايضا كان احمد ماهر نشيطا بالقاهره ويحمس الشباب من اجل الاسراع فى العمل فقد اقترب يوم 6 ابريل وجميعنا كنا ننتظر واعتقد ان فكرة توزيع الاوراق على الشقق السكنيه كانت جيده حيث تبعد من يقوم بالتوزيع عن قبضه الامن .

اثناء عملنا على الفيس بوك والانترنت وإنتشار الدعوات بالشارع كانت الصدمه الكبرى وهى قيام حركة كفايه بالدعوه للتظاهر يوم 6 ابريل الساعه الثانيه بعد الظهر اى بعد الميعاد الذى حددناه بثلاث ساعات

وكانت المفاجأه بالنسبه لى انا شخصيا انهم سبق واتهموننى بمحاوله افشال الاضراب ثم انهم دعوا لميعاد اخر ومكان اخر للتظاهر فالاسكندريه كنا ندعوا لميدان المنشيه والقاهره ميدان التحرير فوجدناهم يدعون بالاسكندريه لميدان محطة مصر والقاهره سلم نقابة الصحفيين , فلماذا تفعل ذلك حركة كفايه خاصه بعد انتشار دعوتنا بالتظاهر فى المنشيه وميدان التحرير والنجاح الكبيرالمتوقع لها ,

حكايتى مع 6 ابريل الجزء الأول

اهلا بدأت معرفتى بإضراب 6 ابريل عن طريق الانترنت حيث وصلتنى رساله من محمود الششتاوى عضو حزب العمل على الياهو , فى البدايه سخرت من الدعوه فهل يعقل ان يضرب المصريون فعلا عن العمل , ثم وجدت على موقع الفيس بوك الزميله اسراء عبد الفتاح وهى عضوه بحزب الغد تنشأ مجموعه تسمى يوم 6ابريل اضراب عام بمصر , لا أنكر اننى قررت الانضمام للمجموعه ليس من اجل الاضراب ولكن من اجل المساهمه فى إنجاح مجموعه انشأتها احدى زميلاتى بالحزب لكى تعبر عن تضامنها مع دعوه عمال غزل المحله فى الاضراب عن العمل فى هذا اليوم إذا لم تلبى ادارة الشركه مطالبهم , بدأت اشارك وطالبت بعض اصدقائى بإرسال دعوه لإصدقائهم للإنضمام للمجموعه ولا أعرف لماذا فعلت ذلك حتى الان , فنعم اسراء زميله لى بالحزب ويكفى لكى اتضامن معها ان انضم لمجموعه انشأتها ولكن ان اطالب زملائى ايضا بالانضمام بل ودعوه اصدقائهم واكرر مطالبتى لهم بحماس فهذا هو الامر الغريب بالنسبه لى , يبدوا أن عقلى الباطن كان يسعى الى الاضراب بكل ما أوتى من قوه , بالمساء بعد حوالى 8 ساعات عدت لموقعى المفضل الفيس بوك فاندهشت جدا من عدد الاعضاء الذين انضموا للمجموعه وخاصة انها مجموعه سياسيه فوصل العدد الى 900 عضو ومازال يتزايد !!! بالتأكيد لست انا السبب او زملائى الذين دعوا اصدقائهم , بالتأكيد هناك العشرات فعلوا مثل ما فعلت ودعوا اصدقائهم للإنضمام وطالبوهم بدعوه اصدقائهم هم ايضا, فهل هناك شيء خفى يدفعنا لهذا , مازلت اتذكر اندهاش احمد ماهر بعد ان شاهد الجروب بعد مرور 3 ايام من انشاءه فقد وصل عدد الاعضاء الى 12 ألف عضو , وايضا مازلت مندهشا الى الان لماذا يسارع اعضاء الفيس بوك للإنضمام لجروب سياسى فلم يحدث هذا من قبل , فتجولت بين باقى المجموعات السياسيه لأرى عدد اعضائها هل ارتفع ؟ هل حدثت صحوه سياسيه لدى المصريين فجأه ؟ فوجدتها كما هى بنفس عدد اعضائها , فلماذا اذن هذه المجموعه بالتحديد , وجدت أن هذه المجموعه تطلب من المصريين فعل شيء معين مجموعه لديها هدف وهو الاضراب اما باقى المجموعات كل ما تقوم به هو العويل والشجب والتنديد بمساوىء النظام .كانت اسراء تدعوا الى نوع اخر من الاضراب وهو الاضراب عن البيع والشراء لانها كانت تعتقد ان الاضراب عن العمل صعب ان يتم فى مصر وكانت فكره عبقريه أعتقد أنها شجعت الكثير للإنضمام للمجموعه وسهلا بك

اصابة ايمن نور بالتسمم

اصابة ايمن نور بالتسمم

اصيب يوم الاثنين الماضى الدكتور ايمن نور زعيم حزب الغد بحالة تسمم شديد داخل سجنه وانتشر التسمم بأنحاء متفرقه من جسده وارتفعت درجه حرارته بصوره كبيره وصلت ل 40 درجه مئويه , وحتى الان ترفض ادارة السجن انتقاله للمستشفى للعلاج مما يعرض حياته لخطر بالغ خاصة انه مصاب بمرض السكر و إرتفاع فى ضغط الدم .

فى الذكرى الثالثه للتحرش الجنسى بالصحفيات الامن يستخدم فتاتان كدروع بشريه

اليوم الاثنين 26/5 ذهبت الى المنشيه كمعظم ايامى لانهاء عملى باحدى المحاكم طبعا عملى كمحامى وكاى محامى لا نستخدم القانون ولا علاقه لنا به عندما انهيت عملى وذهبت لاشارك فى وقفه احتجاجيه دعا اليها حزب الغد والاشتراكيين الثوريين من اجل الافراج عن عمال المحله المعتقلين ببرج العرب تذكرت الصحفيات وما حدث معهم من تحرش جنسى بواسطة الامن على سلم نقابتهم

فى الذكرى الثالثه للتحرش الجنسى بالصحفيات على سلم نقابة الصحفيين بالقاهره , الامن بالاسكندريه يخطف فتاتان من على سلم محكمة الحقانيه بالاسكندريه ويساوم علي خروجهما مقابل الغاء الوقفه الاحتجاجيه وكانت الفتاتان احدهما تعمل محاميه تحاولان دخول المحكمه فقام الامن بامساكهماوالقبض عليهما ولى ذراعهما واقتيادهما الى قسم شرطه المنشيه وبدأ يساوم على خروجهما مقابل الغاء الوقفه الاحتجاجيه السلميه على سلم المحكمههكذا يتعامل الامن المصرى فى عهد مبارك مع المرأه فلنعود للعصر الجاهلى ولنرى ماذا كان يفعل كفار قريش ابو جهل وغيره من اعداء الاسلام ازاء المرأه التى اسلمتسنجد ان كفار قريش الذين تم ذكرهم فى القرأن الكريم ووعدوا بجهم والعذاب الاليم سنجدهم اشد حياء واكثر كرما وارفع اخلاقا من امن حسنى مبارك الذى استعمل التحرش الجنسى ضد النساء كوسيله لاجهاض التظاهرات وبدأ يستخدم المرأه كدروع بشريه يساوم عليها فماذا ننتظر بعد هذا ؟

محكمة القضاء الادارى بالاسكندريه تقرر وقف تنفيذ قرار الازاله الصادر بصدد ازاله مساكن طوسون بابى قير بالاسكندريه

انـفـرااااد

محكمة القضاء الادارى بالاسكندريه تقرر وقف تنفيذ قرار الازاله الصادر بصدد ازاله مساكن طوسون بابى قير بالاسكندريه

قررت محكمة القضاء الادارى بالاسكندريه وقف تنفيذ قرار الازاله الصادر لازاله مساكن طوسون بمنطقة ابى قير , وقد صدر الحكم اليوم 24/5 فى ظل حصار امنى لمقر المحكمه إثر تجمع 300 مواطن من اهالى طوسون امام محكمة القضاء الادارى بالازاريطه بالاسكندريه وقد تعالت الهتافات والزغاريط من الاهالى عقب سماع الحكم الذى صدر لوقف هدم مساكنهم رغم انه قد سبق وهدمت المحافظه الكثير من المنازل وطردت اهلها ليفترشوا الطرقات والارصفه الا انهم وبالرغم من ذلك اعلنوا سعادتهم بالحكم وانهم سيعيدوا بناء منازلهم ورفع دعاوى تعويض ضد المحافظه

ولكن هل بعد صدورحكم المحكمه بوقف تنفيذ قرار الازاله هل ستلتزم الحكومه بهذا الحكم ام ستستمر فى هدم منازل الاهالى وطردهم من مساكنهم بدلا من توفير وضع معيشى جيد وفقا لبرنامج رئيس الجمهوريه الذى اعلن عنه قبل انتخابات الرئاسه وعند اعلان فوزه بالانتخابات لم ينفذ ايا من وعوده بل اطلق حكومته على الشعب المصرى لتجريده من كل حقوقه

موسى مصطفى موسى يتحدى الملل

موسى مصطفى موسى يتحدى الملل

كتب عنه خالد صلاح يهوذا الغد وقال عنه المستشار مرسى الشيخ الذى فصل معه من حزب الغد ثم عاد نادما على ما فعله بالدكتور ايمن نور ان موسى مصطفى موسى خدعه واستغل مكانته كمستشار لمحاربة ايمن نور
وقال عنه اعضاء حزب الغد انه الرجل الذى تم فصله من حزب الغد بعد محاولته لاحداث انشقاق بالحزب وافشال مساعى الحزب فى احداث تغغيير على المستوى الفكرى لدى الشعب المصرى .
وقال عنه البعض الاخر انه الرجل الذى يستخدمه رجب حميده كواجهه له امام الاعلام .
ويقول عنه المواطن المصرى البسيط مش هو ده الراجل اللى مع الامن والحكومه ودخل ايمن نور السجن وبيحاول ياخد حزب الغد .
كل هذا يقال عنه ورغم ذلك مازال موسى مصطفى موسى يحاول ان يظهر نفسه انه الرجل الشيك المحب للاخرين المتسامح الرئيس الشرعى لحزب الغد , ورغم كل محاولاته الفاشله سابقا يفشل مجددا فى ان يظهر امام الشعب انه الرجل الصالح الذى تدخل لانقاذ مجموعه من الشباب ارتبط الشارع المصرى بهم لفتره وهم معتقلى 6 ابريل او شباب الفيس بوك , حاول موسى ان يحصل على تعاطف الشعب من خلال محاولته ان يظهر انه هو الذى تدخل لاخراج هؤلاء الشباب ولكن ظل الفشل يلاحقه فاعضاء حزب الغد الذين خرجوا من المعتقل اثبتوا ان موسى مصطفى موسى ليس له اى علاقه بمسألة الافراج عنهم , اذكر عندما جلس معى احد ضباط امن الدوله وقال لى ان موسى تدخل لدى وزير الداخليه للافراج عنك فما كان منى الا ان رفضت تدخله هذا وطلبت من هذا الضابط ان يبلغه اننى ارفضه وان ايمن نور هو زعيم حزب الغد , مازلت اتذكر حضوره يوم خروجنا من المعتقل مصطحبا الكاميرات لكى يظهر معنا ( او كما قال عمرو اديب يظهر على حسابكم )امام الاعلام على انه البطل المغوار الذى افرج عنا ولكننا اعضاء الغد رفضنا ان نظهر معه فكيف نظهر مع من يحاول ان يغتال حزبنا , اتذكر موسى وهو يستغل ان لديه جريده يطلق عليها الغد ويدعى انها صادره عن حزب الغد فى نشر اكاذيب وردت على لسانى وهى اننى اعتذرت له عن كل حرف ورد على لسانى ببرنامج القاهره اليوم وهو البرنامج الذى استنكرت فيه ما فعله موسى امام سجن برج العرب من محاوله استغلالنا لكى يظهر على حسابنا امام الاعلام , استغل جريدته ليقول اننى اعتذرت له وهذا لم يحدث ابدا ولن يحدث فلماذا اذن ينشر موسى هذا الكلام البعيد عن الحقيقه الاجابه ببساطه لانه استسهل كل شي بعد محاولاته الاستيلاء على حزب الغد يحاول الان الاستيلاء على افكار اعضاء الحزب . مازال يحاول ويحاول ليذكرنى بإعلانات قناة ميلودى تتحدى الملل والتى هى اكثر شيء يؤدى الى الملل مازال يحاول ويفشل ويحاول ويفشل وسيظل يفشل مادمنا نقف امام محاولاته .
اخيرا رساله الى موسى مصطفى موسى : انتهى الدرس يا ......... موسى

عند الاخوان الاخ بيتجوز الاخت

عند الاخوان المسلمين الاخ بيتجوز الاخت
بمعتقل برج العرب سمعت اذان العصر فذهبت للصلاه بالمسجد الذى يقيمه الاخوان المسلمين حرصا منى على صلاة الجماعه . بعد الصلاه بدأ احد الاخوان يتحدث عن الزواج وكيفية اختيار الزوج والزوجه واثناء حديثه ضرب لنا مثال بفتاه ...... اسف بأخت كما يقولون وقال ان هذه الاخت تقدم لخطبتها الكثير وكانت ترفضهم جميعا وعندما سألها اهلها لماذا ترفضين قالت لهم لانى اريد ان اتزوج اخ ..... طبعا لم استطيع ان امنع نفسى من الضحك اخت عايزه تتجوز اخ وسالت من بجوارى ساخرا انتم فى عقيده الاخوان المسلمين الاخت ممكن تتجوز الاخ فحاول ان يشرح لى المعنى المراد من الاخت والاخ فقلت له اعرف ولكن لماذا رايتكم جميعا تهللون عندما سمعتم انها ترفض الجميع لانها تريد اخا فهل انتم شعب الله المختار ونحن شعب الله المحتار على راى عم جلال . حاول هذا الاخ ان يوضح لى انهم لا يقصدون هذا ولكن لم يفلح فكان المعنى من كلامهم مفهوم ولا يقبل التأويل .
الاخ يتجوز الاخت لانهم يعتقدون انهم افضل من باقى المصريين
فهل يتحول الاخوان المسلمين الى انهم شعب الله المختار?
وما هى الحالات التى تقبل فيها الاخت ان تتزوج بغير اخ؟

شاركونا 6 ابريل امام محكمه الحقانيه بالمنشيه

شاركونا 6 ابريل امام محكمه الحقانيه بالمنشيه

إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل . شاركنا فى الميادين العامة ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم

عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان

مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب

6أبريـــــــــــل.. اضراب عام في مصر سلمي أبعت رسايل لخمسة من أصحابك ولو كل واحد بعت لخمسة في ظرف يومين البلد كلهاحتعرف بالموبايل بالأرضي بالأيميل ابعت حتي رسايل عالشات في قنوات التليفزيون أنسخوا رسالتنا وأبعتوها تعليق على كل المقالات ألي بتقروها

بيكوا وبينا البلد دي حتتغير ان شاءالله

معادنا 6 ابريل امام محكمه الحقانيه بالمنشيه للتظاهر ضد الغلاء

اتهمونى بالتشهير بوزير الداخليه ومدير امن الدوله

الاحد 16/3 روحت المنشيه كنت داخل لنقيب المحاميين علشان اقدم ورقى الخاص بالقيد بدرجة الاستئناف دفعت الرسوم ورايح اسلم الورق لاقيت مين واقف ادام النقيب لو تفتكروا اسمه الشيخ رزق اللى كنت بترافع عنه وامن الدوله قبضت عليه وضربوه لما طلبت تنفيذ حكمه الخاص ضد وزير الداخليه ومدير امن الدوله باسكندريه بتعويضه بمبلغ 50 الف جنيه عن الفتره اللى قضاها بالمعتقل , انا زى ماسبق وقلت لما الداخليه رفضت تنفذ الحكم انا ماسكتش زى الباقيين اللى ليهم احكام ضد الداخليه ومش عايزين ينفذوها لا قلت حارفع جنحه مباشره على وزير الداخليه ومدير امن الدوله لاقيت وزير الداخليه عنده حصانه لانه عضو مجلس شورى فقدمت طلب لرفع الحصانه عن وزير الداخليه علشان ارفع عليه جنحه مباشره لعدم تنفيذ حكم قضائى , طبعا هما طلبوا من موكلى انه يلغى التوكيل وهو لغاه فى يوم 10/3 وانا ماكنتش موجود وماعرفش غير يوم 16 انه لغاه لما شفته بالنقابه , بس برضه الغاء التوكيل صحيح حايعملى مشاكل وانا بسعى لتنفيذ الحكم لكن انا اعرف اشتغل برضه من غير توكيل , امن الدوله لاقونى مستمر فى تنفيذ الحكم رغم الغاء التوكيل وومفيش حاجه تضرنى جابوا الراجل وضغطوا عليه علشان ياخد الصيغه التنفيذيه منى علشان مايكنش معايا احكام اطالب بتنفيذها , وطلبوا منه يقدم ضدى شكوى فى نقابه المحاميين والغريب التهمه اللى وجهها المحامى اللى راح النقابه مع الشيخ رزق هى التشهير بوزير الداخليه ومدير امن الدوله باسكندريه , المحامى ده شكله منتمى للجماعات الاسلاميه مربى دقنه بس زى ماقالى الشيخ رزق هو مايعرفهوش هما امن الدوله قالوله روح مع المحامى ده واعمل اللى حايقلك عليه , انا سمعت التهمه كنت حاموت من الضحك انا اللى حاشهر بوزير الداخليه ومين اللى بيتهمنى الراجل اللى انا اتبهدلت فى دفاعى عنه واللى واخد حكم ضد الداخليه علشان عذبوه لمده 9 سنوات بالمعتقل ولما اخد الحكم ضربوه علشان ماينفذش الحكم , الراجل تحول بقدرة قادر الى مدافع عن وزير الداخليه وامن الدوله اللى ذاق الويل على ايديهم , وكمان المحامى اللى مربيلى دقنه بيدافع عن امن الدوله بحرقه وكل شويه يردد شهرت بوزير الداخليه وامن الدوله اقله شهرت بيهم فى ايه هو انا قلت حاجه ماحصلتش مش هما فعلا يا سيدى رافضين ينفذوا الحكم يقولى طيب بس تشهر بيهم , فضل يردد الجمله دى لحد مادوشنا بيها , طبعا نقيب المحاميين قالى جبله الصيغه التنفيذه اديهاله وهو اتعابك حايديهالك بعد تنفيذ الحكم , وبصراحه حقه يستلم الصيغه التنفيذيه وفقا لقانون المحاماه لان مفيش عقد بينى وبينه وانما عقد شفوى , وانا عموما قررت اسلمه الصيغه التنفيذيه رغم انى عارف انه حايسلمها لامن الدوله ولو اخدوها منه مش حايشوفها تانى , بس اعمل ايه الراجل غلبان ومش حمل بهدله فى امن الدوله زيى , انا لو عليا يحبسونى 20 سنه ويعذبونى ويموتونى بس اخد حقى ومش حاتنازل عنه لكن الراجل ذنبه ايه , امن الدوله انتهكوا كل حقوق المواطنين .

لك الله يا شعب مصر

يوم الانتخابات والفوز فى ظل خيانة احزاب المعارضه

الانتخابات دى بقى حكايه تانيه خالص احنا كنا 12 حزب شاركوا بمنتدى شباب الاحزاب الدكتوره نورهان اول يوم اقترحت عمل انتخابات محاكاه لانتخابات المحليات اترشح ليها 16 من الاحزاب المشاركه وكان فى اكتر من مرشح من نفس الحزب اليوم التالت وهو يوم الانتخابات بعد عمل التحالفات بين احزاب المعارضه اتفقنا ان احزاب المعارضه تنزل بمرشح واحد بس لعمل تكافؤ بين المعارضه والوطنى اللى كان مشترك فى المنتدى ب 14 عضو وكان فى 4 مرشحين لاحزاب المعارضه نازلين من التجمع وخليفه من الشباب واحمد من الشعب وانا من الغد بعد ما اتفقت انا وجهاد انه يتنازلى وهو مش بس اتنازل لا كمان عملى دعايه جامده وهو ده كان المطلوب سواء انا اتنازلتله او هو اتنازلى كنا لازم حانكون فريق عمل واحد , لحد اليوم الاخير كان احمد من حزب الشعب موافق انه يتنازل بس كان متردد المهم انه اعلن تنازله لينا واتبقى خليفه وانا وبنت من التجمع رفضت تتنازل رغم ان امكانيتها قليله جدا وكان حاضر من التجمع 4 اعضاء 3 من القاهره وواحد من اسكندريه واعلن انه حايبطل صوته والتلاته التانيين صوتهم خلاص معروف لصاحبتهم من نفس الحزب , كده مافضلش غيرى انا وخليفه من الشباب بالنسبه للشغل اللى الغد عمله كنا احنا الغد ضامنين عدد اصوات اكتر من اللى مع خليفه وكنا كمان عاملين دعايه وشغل اكتر ده غير مشاركتنا فى الندوات ودفاعنا عن احزاب المعارضه وعن الشباب والهجوم القوى والمرتب على الفساد , وكمان عضوين من الوطنى مش حاقول اسمهم كلمونى وقالولى انهم حايدونى صوتهم انا بصراحه طبعا ماصدقتش وقلت دول بيخدعونى , زمايلنا فى الحزب الناصرى اكدولى انهم عطونى صوتهم ومش بس عطونى صوتهم كمان كانوا بيعملولى دعايه عند احزاب المعارضه , وكانوا مضايقين جدا من زمايلهم بالوطنى لانهم اليوم الاول نزلوا 6 وصلت الاوامر لاربعه ينسحبوا وده زى مابقول امر وعافيه , وحتى بعد انسحابهم قرروا انهم حايدوا صوتهم لمصطفى وبس وسالى حاتنزل تمويه وتانى يوم غيروا رايهم وحايدوا صوتهم لسالى ورغم كده بيضحكوا على مصطفى وبيقلوله صوتهم معاه , لكن هو اختارنى انا لانه زى ماقالى الغد عنده مبادىء واعضاءه عندهم جرأه عمره ماشافها قبل كده والمنظمين للدوره اختارونى انا وجهاد وطبعا محمود من افضل الناس بالدوره دى وان من غيرنا كانت حاتكون دوره ممله وكلها كلام مكرر
المهم بدأ التصويت كان رئيس اللجنه المشرفه هيثم من الغد وبنت تانيه من الوطنى كانت مساعده ليه وماكنش ليهم حق التصويت .
بدأ التصويت وكان بالنداء على الاسماء وكنا بنتوجه للصندوق للتصويت وبنمضى فى كشف لمنع تكرار التصويت , المهم التصويت انتهى وبدأنا الفرز , وبدأ الفرز هيثم سحب اول ورقه ونادى على الاسم اللى تم اختياره من بين المرشحين , وكان اول اسم سالى والتانى كمان سالى وتالت ورقه احمد واستمر الفرز وتقدمت سالى حتى الان بخمس اصوات لصوت واحد ليا ثم اقتربت منها وابحت هى 7 اصوات وانا 6 ثم فجأه بدأت سالى تتفوق الى ان وصلت 16 صوت وانا 8 اصوات ومصطفى 5 وهاله من التجمع 3 اصوات وفى صوتين باطلين طبعا خلاص النتيجه كانت شبه محسومه فوز سالى رشدى , طبعا كلنا اتصدمنا من النتيجه لحد دلوقتى معنى كده ان الحزب الوطنى لحد دلوقتى حصل على 21 صوت وعدد اعضاء الحزب الوطنى بس 14 منهم واحده فى اللجنه المشرفه واتنين عطوا الغد يعنى 11 وطنى العشره الزياده دول منين ازاى عضو بحزب معارض يدى صوته للوطنى وهو عمال يقول ان سبب مشاكل مصر هما الحزب الوطنى , انا بصيت على هانى من الناصرى هههههههههه حسيت انه بجد حايتجنن ومش مصدق اللى بيحصل وجهاد لاقيته بيبص ومش عارف يعمل ايه فى النتيجه الزفت دى وتامر كمان مستغرب جدا ومنيره قاعده جمبى بتقول لسه الاصوات يا رب وحسن من الاتحادى الديمقراطى واقف مش مصدق ان احزاب المعارضه خانوا بعض والمصيبه اللى خان مش القيادات دول الشباب اللى طول الندوه بيقول الوطنى يساوى الفساد وفى النهايه عطوا صوتهم للفساد وسميه ورحاب من الخضر قاعدين مش عارفين يقولوا ايه , هيثم مد ايده ومسك ورقه تانيه وانا خلاص بقول حاينادى سالى رشدى ولكنه خيب ظنى واخيرا قال احمد العراقى ثم احمد العراقى واللى بعديها سالى قلت رجعنا تانى لنفس النغمه بس كان هيثم اسرع من تفكيرى ونادى احمد العراقى ثم احمد ثم احمد ثم ورقه باطله ثم احمد واحمد واللى بعديها برضه احمد بصراحه الامل رجعلنا كلنا من تانى وبدأنا نفوق مره كمان والورقه اللى بعديها باطله برضه ومد هيثم ايده ونادى احمد العراقى كده بقينا 17 سالى وانا كمان 17 اخيرا اتعادلنا فى عدد الاصوات فاضل صوتين وبس انا بصراحه برضه ماكنتش واثق انى حانجح بعد ماحسيت بالخيانه هيثم مسك الورقه وقال احمد العراقى كده اتقدمت كمان مش بس اتعادلت الوقت ده حسيت ان الورقه الاخيره لصالحى وقمت وقفت وفعلا نادى هيثم احمد العراقى وكل الناس قاموا مش مصدقين بعد ماكنا فقدنا الامل كسبنا وطبعا الكل وقف وهلل واظهر السعاده سواء اللى عطونا صوتهم وطبعا ده حقهم او اللى خانونا وعطوا الوطنى لانهم مش عايزين يظهروا انهم خانوا .
بصراحه على اد ما فرحت اننا كسبنا الحزب الوطنى على اد ما اتصدمت من خيانه احزاب المعارضه لبعضها واحده من حزب الشعب سلمت عليا وهى فرحانه اوى وقالتلى انا والله عطيتك صوتى لانك الافضل وبت على زمايلها من حزب الشعب وكأنها بتعاتبهم انهم عطوا الوطنى , انا طبعا شكرتها وقلتلها مش مهم انهم عطوا صوتهم لحد تانى المهم انك تفهميهم بعد كده ان ده غلط , انا كان نفسى زى ماقلت لاستاذ حسن اننا بعد مانكتسح الانتخابات ده لو كانت احزاب المعارضه توحدت اننا احنا الشباب حانكتب طلب موحود حايتقدم لكل رؤساء احزاب المعارضه المصريه نطالبهم بالاتحاد والعمل سويا لكن للاسف ده ماحصلش من الشباب وباعونا للوطنى .

اخيرا احب اشكر الدكتوره نورهان اللى قررت عمل انتخابات بالمنتدى .

كمان لازم اشكر الاستاذه عزه اللى طول الدوره مهتمه بينا كاننا اولادها و اكتر .

وطبعا اشكر ايهاب (هانى ) وابراهيم من الناصرى وحسن ومنيره من الاتحادى الديمقراطى وسميه ورحاب من الخضر ووعمر عادل من العمل وجهاد وتامر وولاء وصاحبة ولاء وعمرو حسين من الغد واتنين من الوطنى مش حاول اسمهم وكمان اشكر الناس المحترمين اللى كانوا صرحاء جدا وقالوا مش حايدونا اصواتهم وهم محمود رزق من التجمع وابطل صوته والتلاته التانيين من التجمع وكمان اشكر اعضاء الحزب الوطنى ولكنى لا اشكر الاحزاب التى خانتنا فاعضاء الحزب الوطنى اشرف منهم

سيب مكانك بدل مش قادر تحل مشاكل الشباب وانا بطلب انى اكون رئيس المركز القومى للشباب

النهارده اليوم التالت من الدوره كالعاده صحيت ودخلت استحميت رغم انى عارف انى مش حاعرف افضى البانيو بس ماليش دعوه ليه مش رابطين السداده بسلسله طلعت حضرت شنطتى لاننا كنا مسافرين بعد انتهاء المحاضرات , ونزلنا فطرنا كالعاده وركبنا اتوبيسنا وروحنا والنهارده كان يوم مختلف عن باقى الايام لانه يوم الانتخابات اول محاضره بدأت وكان فيها السفير ولاء مش فاكر بقيت الاسم وهومساعد وزير الخارجيه لشئون حقوق الانسان , كلمنا عن حقوق الانسان بالخارج كلام نظرى كده ومكرر دايما بنسمعه بس طبعا انا ماسكتش قلت طالما بيتكلم عن حموم الانسان يبقى لازم برضه نشوف حموم الانسان بمصر فسالته عن الاتفاقيات الدوليه لحموم الانسان اللى مصر وقعت عليها كأتفاقيات حقوق الطفل واللاجئين ومناهضه العنصريه ومناهضه الاتجار فى البشر ووغيرهم وان مصر لم تنفذ ايا من هذه الاتفاقيات وطبعا قلت امثله بس ماشاء الله دبلوماسى فعلا ردوده رغم انى ماقتنعتش بيها الا انه اجبرنى على احترامه لذكاءه وسرعه بديهته وطريقة تبريره لكل تجاوز تم
ولكنه اغفل سؤالى كيف يتم محاسبة مصر على هذه التجاوزات ؟
ثم كانت المحاضره الثانيه للدكتور محمد صفى الدين خربوش رئيس المجلس القومى للشباب المحاضره دى كانت مهزللللللللللللللللله
لو فاكرين كلامى عن محاضرة كمال الفيومى عميد الكليه السابق فى اليوم التانى من الدوره لما اتزنق فضل يقولنا انا ماليش دعوه قلولهم هما على قيادات الوطنى انا بقى بالصلاة على النبى ماصدقت جالنا احد قيادات الوطنى وكمان مسئول عن الشباب , الراجل فضل يتكلم ويتكلم ويتكلم عن الشباب وممارسه حقوقهم ومشاركتهم وعن الانتخابات والعدل والعداله والديمقراطيه بصراحه ماكنتش عارف هو بيتكلم عن ايه بالظبط عننا احنا ولا الشباب اللى فى انجلترا وفرنسا كان بيتكلم وكأننا احنا الشباب المقصرين ونستاهل ضرب الجزمه .
اتكلمت واحده من الوطنى سالت سؤال تافه جدا ازاى الشباب يعرفوا يفكروا بصوره جيده هههههههههههه انا كنت بغلى بصراحه من الراجل ده لانه مش بس وطنى وبيقول كلام مش بيحصل لا لانه كمان مسئول طلبت الكلمه واتكلمت وفتحت فى الكلام طبعا وقلت ابدأ بكلامه هو اللى قاله ( لا نظام ديمقراطى بدون مشاركه , سياده راى الاغلبيه واحترام راى الاقليه , كل من بلغ 18 عام يقيد فى الجداول الانتخابييه ) قلتله ان كلامه كله نظرى وبعيد عن الواقع تماما ومش حانصدقه وايه فايده ان المواطن المصرى اللى بيبلغ 18 عام بيقيد فى الجداول الانتخابيه فى نفس الوقت اللى بيتمنع انه يروح يدلى بصوته ويقابله بالاف من عساكر الامن المركزى امام اللجان وانت بتتهمنا اننا مش بنرشح نفسنا احنا عارفين ندلى بصوتنا لما نقدم طلب ترشيح وتطبيقا لكلامك مصر مافيهاش مشاركه يبقى مافيهاش نظام ديمقراطى احنا فى نظام دكتاتورى مستبد وطبعا حبيت اختم كلمتى بأكتر حاجه تنرفزه وهى سن الشباب قلتله سن الشباب من 18 الى 35 عام وحضرتك قلتلنا فى محاضرتك اهل مكه ادرى بشعابها يبقى الشباب هما ادرى بمشاكلهم حضرتك ماشاء الله اكبر من كده بكتير يبقى سيب مكانك للشباب هو الكرسى مش حكر عليك انا بطالب انى اقعد مكانك لانى اولى منك انت ماعملتش اى حاجه للشباب لكن انا اعرف مشاكلهم واعرف ازاى احلها الراجل اتجنن وقال لو فلت تكلمنى بالطريقه دى انا حانسحب من المحاضره قلتله ليه علشان عايز اكون رئيس المركز القومى للشباب قالى لا مش كده بس مش حاقبل منك نصايح ههههههههههههههههههههههههههههههه انا مش عارف نصايح ايه وبعدين هو فى حد يقول مش حاقبل منك نصايح المهم سكتت , الراجل بعد كده بيقلى مش كل واحد يعارض زبس قولى ايه الحل , كل واحد يقعد على المنصه يقلنا ماتتكلموش وقلولنا ايه الحل , طيب بدل انتم يا بهوات مش عارفين الحل ماتسيبوها ماسكين ليه فى الكرسى بايديكم وسنانكم , والمصيبه انى لما اقلهم طيب حاقلكم الحل لبعض القضايا يتكلموا ويرفضوا يسمعوا , كأنهم خايفين يظهر اى حل ادامهم لاى حاجه عايزين البلد تفضل زى ماهى متاخره على ايديهم .
الناس المسئولين عن الدوره نادونى وطلعتلهم قالولى مالك زعلان ليه قلتلهم مش زعلان انا بتكلم بحريه ماحدش يقدر يكممنى قالتلى الدكتوره نورهان انت قلتله ايه قلتله زعلان اوى علشان قلتله سيب الكرسى بتاعك وانا حاقعد مكانك احل مشاكل الشباب قالتلى يا نهااااااار المهم طلبت منى اسيبه يكمل وماتكلمش واليوم يعدى وخلاص قلتلها حاضر انا عموما اتكلمت وانتهينا .
بعد كده جه معاد الانتخابات واللى حصل فى الانتخابات والمهزله التدوينه الجايه تقروها انتظرووووووووووووونا

اليوم التانى من منتدى شباب الاحزاب

اليوم التانى من الدوره انا صحيت الساعه 6 الصبح وماعرفتش ارجع انام تانى لاقيت محمود رزق رجع و نايم انا ماكنتش عارف اعمل حاجه فلت قاعد لحد الساعه 7 ونص قلت اروح استحمى علشان افوق شويه لاقيت جهاد طلعلنا هو قعد يحى محمود وانا دخلت استحمى وطبعا غنينا الميه تروى العطشان وتطفى نار الجربان االمشكله انى بعد ما استحميت حاول اشيل السداده اللى فى البانيو مش بتتشال كانت ساقطه لتحت وبقيت مش عارف اعمل ايه البانيو مليان ميه ومش اى ميه ده انا مستحمى فيها انا زهقت من كتر المحاولات وماعرفتش افضى البانيو فلبست هدومى وطلعت وخلاص بقى , لما طلعت قلتلهم دخل جهاد حاول يفضيه ويشيل السداده بمفتاح برضه ماعرفش فسبناه كده قلنا لما يطلعوا ينضفوا حايفضوه هما , نزلنا بعد كده نفطر وكان بوفيه اوبن واحنا بنفطر لاقينا مجموعه من الممثلين منهم هيثم مش فاكر باقى اسمه هو ممثل شاب كانوا نازلين فى نفس الفندق , وهو داخل سلم علينا بس احنا استعبطنا وماردناش السلام لحد دلوقتى مش عارف ليه يمكن لانه فاكر نفسه مشهور بقى والمفرو نجرى عليه او حقد عليه مش عارف بصراحه , بعد الفطار طلعنا الاتوبيس وروحنا على الدوره بكلية الاقتصاد المحاضره الاولى للدكتوره ايناس ابو يوسف عن مهارات الدعايه الانتخابيه بصراحه انا اتخنقت منها لانها بتتكلم كلام بعيد عن الواقع وبتتكلم عن شغل الشارع وازاى ننزل للناس طبعا ده فى ظل حكم الحزب الوطنى وامن الدوله مش بيحصل
بعدها كان فى استراحة الشاى اللى مافيهاش شاى بره قطعة كرواسون اللى طعمها حلو اوى والعصير , والمحاضره التانيه كانت بعنوان تجربتى الانتخابيه جابولنا فيها واحده وكيلة المجلس المحلى لاسوان طبعا حزب وطنى وواحده تانيه عضو مجلس محلى باسكندريه بتقول انها كانت اصغر عضو مجلس محلى سنه 1980 كان عمرها 30 سنه ولحد دلوقتى متبته فى الكرسى اللى اخدته سنه 80 وبرضه حزب وطنى طبعا وكان بيدير الحوار دكتور اسمه كمال المنوفى العميد السابق للكليه
بصراحه كلامهم استفذنى جداااااااااااااااااااا حاجه بجد مش معقوله منتهى النفاق والكدب فضلت قاعد مستحمل مستحمل مستحمللللللللللللل بس لامتى كلامهم ول لدرجه انهم يتهمونا اننا مش عايزين نشارك فى الحياه السياسيه وطبعا كل واحده منهم وهو الدكتور ده بيتكلموا عن تقصير الاحزاب السياسيه وعن تقصير الشباب واننا مش بنروح نقدم فى الانتخابات ونترشح ومش بنروح نصوت طبعا انا وجهاد ومحمود من التجمع ظبطناهم وطلعنا فيهم وقلنالهم انتم بتتكلموا عن مسرحيه والكلام ده مش حقيقى الحزب الوطنى بيستعمل الامن وبيمنعنا من المشاركه بنضرب وبنعتقل وطلعنا كل قرفنا فيهم الدكتور كمال المنوفى بدأ يرجع فى كلامه ويلنا انا بعترف فى تجاوزات ولما بدأت اوجهله الاتهامات قالى انا ماليش دعوه انا صحيح عضو بالوطنى بس ماليش دعوه قلهم هما هما مين يقصد قيادات الحزب كل مانكلم حد فى الوطنى يقول ماليش دعوه والتجازات موجوده بس انا ماليش دعوه ويرجع يدافع بقوه عن الحزب الوطنى كأن الحزب حاجه والتجاوزات اللى بيعملها الحزب حاجه تانيه خالص
خلصت المحاضره بعد ما الناس اتبهدلت مننا بصراحه ماعتقدش انهم ممكن يشاركوا مره تانيه فى حاجه زى كده
الساعه 3 بدأ الغدا وكان زى اليوم اللى قبله برضه بس بدل الكباب والكته كان نص فرخه قلنا يالا زى بعضه ناكلها وخلاص قال يعنى الفراخ مرميه فى كل حته واحنا مش عايزين
المحاضره التالته فى اليوم ده كانت للاستاذ اشرف الدعدع رئيس مؤسسه الانتماء الوطنى لحقوق الانسان وكانت عن التشبيك مع منظمات المجتمع المدنى براحه اشرف الدعدع نسانا القرف اللى شوفناه فى المحاضره اللى قبليه رغم انه لم يوجه اى انتقادات لاى حزب الا انه امتعنا وافادنا بالحديث عن منظمات المجتمع المدنى ككل وعن كيفية حل الخلافات وتاثير الخلافات على الاحزاب وتاثير اختلاف الافكار على الاحزاب بجد استفدنا كتير منه ويا ريت نقدر نطبق اللى قاله ونحل خلافاتنا
بعد المحاضره نزلنا الاتوبيس وصلنا للفندق طلعنا غيرنا هدومنا وكان هانى من الحزب الناصرى عازمنا على مسرحيه فى مسرح الدوله لفرقه من اسكندريه مش فاكر اسم المسرحيه بالظبط روحنا كلنا الا جهاد من الغد وابراهيم من الناصرى ورحاب من الخضر فضلوا يناموا ومحمود من التجمع راح يقابل اصحابه , علشان نروح المسرح العايم دوخنا السبع دوخات اتقسمنا مجموعتين الاولى كان احمد وخليفه من حزب الشباب وعمرو حسين من الغد بس مش بيقعد معانا بالفندق وتامر من الغد
المجموعه التانيه كانت بتضم بصوا مين بقى استاذ حسن ومنيره من الاتحادى الديمقراطى وهانى من الناصرى وعادل من الشباب وسميه من الخضر وهبه من الدستورى برضه مش بتقعد معانا بالفندق وانا كام واحد احنا بقى 7 ركبنا كلنا تاكسى واحد ومش احنا اللى طلبنا السواق هو اللى قالنا نركب كلنا ركب استاذ حسن وعادل ادام ومنيره وسميه وهبه على رجل منيره وقعد هانى وانا جمبهم وقفلنا الباب
فضل السواق يلف بينا وماكنش عارف المكان بس كانت فسحه جميله بالتاكسى واحنا قاعدين كاننا فى علبة سردين بعد نص ساعه وصلنا المسرح العايم رغم ان المشوار كله مايخدش 10 دقايق بس كنا تايهين وسالنا كتير على مكانه واحنا فى السكه اتصل بينا خليفه وبيقلنا على مكان المسرح بعد ماكنا سالنا وعرفنا مكانه بشارع البحر الاعظم , احنا وصلنا وبندور عليهم مش لاقيينهم بعد كده عرفنا انهم لسه تايهيين ومش عارفين يوصلوا وعاملين مفتحين علينا وبيقلولنا المكان , اتفرجنا على المسرحيه وكانت سياسيه كوميديه ساخره يعنى بتناسبنا كلنا او المفروض كلنا باعتبارنا احزاب معارضه طالع عينا . اثناء المسرحيه كانت حاتحصل مشكله كبيره بين استاذ حسن وهبه خليفه طلب سيجاره منه وقعدوا يهزروا مع بعض وبعدين استاذ حسن طلع السيجاره يديها لخليفه اللى قاعد فى الاخر جمب هبه فهبه مدت ايديها اخدتها توصلها فقطعتها ورمتها بالارض وداست عليها طبعا حسن اتجنن ازا ى تعمل كده فقالها انا ممكن امسكك دلوقتى ارميكى فى الارض وادوس عليكى بالجزمه انتى مش محترمه ولولا انى كنت قاعد بين هبه وحسن كان فعلا ضربها بس الحمد لله قدرت اهديه .
طلعنا اخدنا تاكسى بس عددنا كان اقل لان فى ناس كتير مشيت من المسرح راحوا لاصحابهم روحنا الفندق الساعه 10 لحقنا العشا لما رجعت قالولى جهاد لسه نايم طلعت احيه ومع انه واد رخم اوى شتمنى وفضل يزعق وانا بحيه بس ماشى انا عارف ان الواحد لما مش بيشبع نوم وحد يحيه بتنرفز جدا المهم نزلنا واتعشينا وجهاد وتامر طلعوا يناموا وانا طلعت بعد ساعه والباقيين راحوا يسهروا على القهوه
حكايه طويله ورخمه اوىىىىىىىىىىىىىىىىى يا ساتر على رخامتى هو انا لازم اقول كل حاجه كده بالتفصيل

حكايتى مع منتدى شباب الاحزاب واليوم الااول

يوم 10/مارس اتصل بيا المهندس السيد بسيونى رئيس حزب الغد باسكندريه بلغنى ان فى دوره لشباب الاحزاب بالقاهره وعطانى رقم تليفون المنظم مالحقتش اقفل التليفون اتصل بيا المنظم يبلغنى بالدوره وطلب حضورى نفس اليوم وحايحجزلى فى الفندق فطلبت منه انى احضر تانى يوم الصبح على معاد الدوره اللى مدتها 3 ايام والحمد لله ان ال 3 ايام دول ماكنش عندى شغل وصحيت الساعه 5 الفجر وكنت محضر شنطتى وطلعت على القاهره .
الساعه 9 ونص بالظبط وصلت كلية الاقتصاد والعلوم السياسيه بجامعة القاهره مكان انعقاد الدوره قابلتنى استاذه عزه المسئوله عن الدوره وسجلت اسمى واستاذه عزه دى تتحب من اول تعامل معاها طيبه جدا جدا جدا وكانت مهتمه بينا اوى بفطارنا وغدانا وعشانا واقامتنا وراحتنا ماكنتتش بتسيبنا ابدا
ضمت الدوره 12 حزب الغد والناصرى والاتحادى الديمقراطى والخضر والعمل والتجمع والوطنى والاشتراكى المصرى الشعب والشباب والدستورى والوفد
وبدأت الدوره الساعه 10 وكانت للدكتوره منى البرادعى عميد كلية الاقتصاد والعلوم السياسيه والاستاذه ميرفت قاسم مدير البرامج بمؤسسه فريدرش ايبرت وافتتاح الدوره
الساعه 10 ونص دخل علينا واحد زى العسل اسمه الدكتور صالح عبد الرحمن وعطانا محاضره عن النظام المحلى المصرى بين المركزيه واللامركزيه وكانت محاضره جميله جداااا مش بس علشان الموضوع لأ المحاضر كمان اكتر من ممتاذ وعنده قبول غير عادى , فى سؤال ساله لينا ممكن انتم تعرفوا تجاوبوا عليه ( لو معايا طياره او قطار او عربيه او عجله وانا عايز اديلك هديه تحب تاخد ايه منهم ؟ )
بعديه كانت استراحة الشاى هى ماكنش فيها شاى ولا حاجه كان بيتوزع فيها قطعه كيك بس جميله اوىىىىىىى بصراحه ومع الكيك علبة عصير ده بيكون الساعه 12 او 12 ونص .
المحاضره التانيه كانت للدكتوره نورهان الشيخ وكانت عن مهارات ادارة الحملات الانتخابيه اتكلمت معانا ببساطه شديده بجد كأنها واحده مننا مش دكتوره فى كليه , وفى محاضرتها طلبت مننا عمل انتخابات محاكاه لإنتخابات المحليات اترشح 16 واحد وكان سيتم انتخاب واحد فقط انا ماكنتش حارشح نفسى بصراحه لكن لقتها فرصه اخوض فيها انتخابات نزيهه فرفعت ايدى واترشحت وبدأنا نطبق طرق الدعايه الانتخابيه اللى قالت عليها الدكتوره نورهان الشيخ .
الساعه 2 كان معاد الغدا كانت وجبات جاهزه من محل مش فاكر اسمه بس بصراحه كانت ممتاذه اول يوم انا فاكر اكلنا ارز وبطاطس وطحينه ومخلل طبعا حاتقولو ده برضه غدا ماتقلقوش وكباب وكفته كمان .
المحاضره التالته كانت للدكتور السيد عبد المطلب غانم او الدكتور ابو عصام عن المجالس الشعبيه المحليه فى ظل قانون الحكم المحلى
الدكتور ده جامد اوى اوى اوىىى كمان هو شكله طالع عينه هاجم الحزب الوطنى وحكومه الحزب الوطنى ورئيس الحزب الوطنى او الحزن الوطنى زى مابيقول هاجم بشراسه وكان عنده حق فحكومه الوطنى افسدت الحياه بمصر بس من ناحيه تانيه شرح نظام الحكم المحلى بطريقه ساخره وممتعه جدا وكان بيطبق النظام ده على بيته هو ابو عصام ومراته ام عصام واولاده التلاته على اد ما ضحكنا طول المحاضره على اد ما استفادنا منه جدا جدا جدا.
انتهى اليوم الاول ونزلنا ركبنا الاتوبيس ورحنا على الفندق بالعجوزه سكنت مع محمود من التجمع اللى برضه وصل من اسكندريه فى نفس اليوم الحجره 707 وكانت جميله فيها تلفزيون وتكييف ودفايه وتلاجه مع اننا ماعملناش بيهم اى حاجه بس برضه الاحساس ان عندك الحاجه حتى لو مستخدمتهاش بيفرق كتير .
الساعه 6 ونص طلع جهاد وطلب ننزل نتمشى انا كنت عايز بس مش قادر ومحمود كمان فضل ينام
نزل جهاد وانا قعدت احضر للدعايه الانتخابيه بتاعت الغد كان معايا نشره صادره عن جمعبه كانت عن البرلمان كان فيه كاريكتير عن دور النائب والحملات الانتخابيه طبعا كاريكتير بيسخر من افعال الحزب الوطنى كان رسم الكاريكتير ده احد اعضاء الجمعيه انا صورت الكاريكتير ده وكبرته وكتبت عليه شعارات زى ( سنمارس دورنا الرقابى . لا للبلطجه . لا للفساد ) وكمان عملت برنامج انتخابى وكتبته فى سيبر جمب الفندق وماكتبتش اسمى لانى كنت اترشحت انا وجهاد وكنا لسه ماستقريناش مين اللى حايكمل فينا
الساعه 9 ونص رجع جهاد ونزلنا نتعشى فى مطعم الفندق كان العشا ارز وخضار ونص فرخه بانيه والشوربه طبعا .
بعد العشا البنات اللى معانا فى الفندق طلعوا يناموا منيره من الاتحادى الديمقراطى وسميه ورحاب من الخضر واحنا روحنا على القهوه كنت انا وجهاد وتامر من الغد وهانى وابراهين الناصرى ومحمود التجمع لعبوا طاوله والساعه 2 انا سبتهم ورجعت نمت كان معانا الاستاذ حسن من الاتحادى الديمقراطى وخليفه واحمد وعادل من الشباب فى نفس الفندق وانتهى اليوم الاول

انور بيه يا انور بيه كيلو اللحمه بقى بجنيه

انور بيه يا انور بيه كيلو اللحمه بقى بجنيه

النهارده 6 مارس خلصت شغلى الساعه واحده الظهر وروحت ادور على ماكينة صرافه تابعه

السادات ينظر الى مستقبل مصر فوجده مظلما

للبنك الاهلى تكون شغاله لان الكل مش شغال زى العاده روحى شارع صلاح سالم فى اتنين موجودين فى نفس الشارع الناس اللى واقفين فى الطوابير ادامهم بيقولوا انهم بيشتغلوا وبيطلعوا فلوس بس بعد اكتر من محاوله وبطيئه جدا , انا قلت مش مشكله بقى اهو احسن من العطلانين التانيين بقالهم كام يوم وماحدش بيصلحهم

فى الطابور بدأت تعليقات الناس كالعاده اللى يقول ده زحمه اكتر من طابور العيش وفعلا كان الطابور كبير كأننا ادام فرن وفرن بيسرق الدقيق كمان , فردت عليه واحده قالتله حرام عليك بلاش سيرة الفرن احسن كده يبقى مش حاناخد فلوس النهارده زى مابنقف فى طابور العيش وفى الاخر بنروح من غير رغيف واحد , راح طالعلنا واحد تانى وقعد يهزق فى كل الشباب: هى البلد لسه فيها رجاله , الرجاله ماتوا خلاص فى حرب 67 واللى اتبقى ماتوا فى 73 هما الشباب الايام دى رجاله مش فالحين فى حاجه مش لاقيين ياكلوا وعواطليه وبيشحتوا وكل همهم الكوره والاغانى والهبل , زمان لما السادات غلى الاسعار طلعنا كلنا من كلياتنا وعملنا مظاهرات ضد قراراته فين الشباب دلوقتى نايمين او على القهوه متلقحين , وقعد يفرجنا على اثار رصاصه فى وشه بيقول رصاصه رش , طبعا انا مش عارف يعنى ايه رش انا اعرف البندقيه الرش دى اللى بصطادوا بيها العصافير , واحد تانى واقف فى نفس الطابور دخل فى الحوار قاله وانا اهو الرصاصه جاتلى فى صدرى وقعد يفرجنا ( كنت عايز انا كمان افرجهم على اى حاجه بس مالقتش حاجه فيا ليها قيمه يتفرجوا عليها ) دخل تالت فى الحوار الداير قالهم ايام زمان طلعنا كلنا نهتف ضد انور السادات ونقول انور بيه يا انور بيه كيلوا اللحمه بقى بجنيه وتانى يوم انور السادات استجاب ورخص الاسعار لكن دلوقتى مبارك حتى مابيسمعش عمال يغلى فى الاسعار ومش بيبص على الشعب عامل ايه حايقدروا يشتروا ولا حايموتوا من الجوع , رد الاول قال المشكله مش فى مبارك المشكله فى الشباب الهايف بتاعنا مابيعملوش حاجه فضلوا يحطولهم هرمونات فى الفراخ لحد ماطلعوا مش رجاله , انا اتخنقت من الراجل اللى عمال يدينا على دماغنا ده وبيتكلم وبس وقلتله طيب لو عملنا مظاهره دلوقتى علشان الغلاء حاتشارك معانا قالى احنا كبرنا خلاص وعملنا اللى علينا علشان البلد وعايز يورينى مكان الرصاصه الرش اللى فى وشه , قلتله انا شفتها بس انت شكلك ماكملتش 45 سنه لسه وواقف اهو على رجلك بقالك اكتر من نص ساعه فى الطابور ولسه حاتقفلك اكتر من نص ساعه تانيه , قالى يا عم قلتلك السادات كان بيسمع اما الراجل اللى معانا دلوقتى مابيسمعش احنا غلطنا غلطة عمرنا يوم ما سبناه يمسك الحكم سنة 1981 , قلتله طيب نعمل ايه دلوقتى , قال واحد رابع فى نفس الطابور اللى مابيتحركش نبطل ناكل فراخ لمده سنتين علشان اثار الهرمونات تروح ونرجع رجاله من تانى ردت عليه مراته وكانت واقفه جمبه بذمتك واحنا شمينا ريحتها بقالنا خمس شهور من يوم ما عزمنا اخوك على الغدا !!!

شكرا امن الدوله نردهالكم فى الافراح

شكرا امن الدوله

ايميلى على الياهو كان مسروق ولحد دلوقتى ماعرفش مين اللى كان سرقه طبعا الايميل ده عليه اكتر من 700 ايميل لصحفيين وسياسيين واصحابى
بعد ما اتسرق اتقطعت كل صلتى بناس كتير ماكنتش بكلمهم غير عن طريق الايميل
الحرامى اللى سرقه طلب منى كروت شحن موبايل مقابل انه يبعتلى الباس وورد انا طبعا رفضت لانى اولا ماضمنوش لانه حرامى ممكن ابعتله كارت الشحن وبعدين مايوصلنيش منه اى حاجه
كمان انا لو بعتله كروت الشحن ماهو ممكن يسرقه تانى ويطلب تانى فكده كده ماكنمتش حابعتله
عملت محضر بسرقة الايميل بتاعى لانه كان ممكن الحرامى يكون امن ويبعتوا من على ايميلى رسايل او شتايم لناس تبعهم فيروحوا يعملولى انا محضر , نائب مأمور قسم محرم بك اول ما قلتله الموضوع ان انا احمد عراقى نصار المحامى ورئيس المركز الاعلامى بحزب الغد وان فى واحد سرق ايميلى اللى عليه حوالى 600 صحفى وسياسى وشخصيات عامه اهتم جدا بالموضوع وجاب امين شرطه قديم عملى المحضر ونائب المأمور اخدت المحضر واشر عليه للعرض على النيابه فى نفس اليوم , ولحد دلوقتى مش عارف ليه الاهتمام ده يمكن علشان الموضوع جديد او يمكن شاف ان الموضوع خطير بجد لانه لو واحد عادى ممكن يبعت دعوه لمظاهره من على ايميلى فيتجمع الناس فى المعاد
روحت النيابه وكيل النيابه كان عارفنى من يوم ماروحت علشان التحقيق فى الشكوى ضد وزير الداخليه وطلب رفع الحصانه عنه , وكيل النيابه امر بارسال المحضر لمباحث الانترنت للتحرى عن شخصية المتهم ,
النهارده الاثنين 3/3/2008 لاقيت حرامى الايميل فتح ايميلى وكلمنى الساعه 10 مساء وبيسلم عليا وبيقلى انا حارجعلك الايميل وخد الباس وورد اهو وبعته , قلتله وليه الكرم ده كله انا برضه مش حابعتلك كروت شحن ولو عايز تلحق تغير الباس وورد يالا بسرعه قبل ما ادخل انا اغيره , قالى لا يا عم انا مش عايز ايميلك ده انا مش ادكم انتم ناس عندكم مشاكل مع امن الدوله وبيبعتولك تهديدات وانا مش ناقص وماليش دعوه بالايميل ده
قعدت اضحك اول مره استفيد من امن الدوله ومن تهديدهم ليا
شكرا امن الدوله نردهالكم فى الافراح

امن الدوله بيهددونى وقال ايه انا خفت يا جدعان هاهاها

يعمل ايه المواطن اللى معاه حكم ضد وزير الداخليه ومدير فرع مباحث امن الدوله باسكندريه

بتعويضه خمسين الف جنيه عن فتره اعتقاله وعايز ينفذ الحكم ده وهما رافضين , يعمل ايه المحامى لما يحاول اتخاذ اجراءات تنفيذ الحكم فيوصله تهديد من امن الدوله باعتقاله اذا استمر فى المطالبه بحقه وحق موكله يعمل ايه المواطن لما يتقبض عليه ويضرب من امن الدوله ويطلبوا منه يلغى التوكيل اللى عامله للمحامى , يا ترى يلغيه ولا يستمر فى المطالبه بحقه , مين يجيبله حقه ويحميه من امن الدوله
كتبت قبل كده عن تقدمى بطلب لرفع الحصانه عن وزير الداخليه وارسال انذار له ولمدير فرع مباحث امن الدوله باسكندريه بتنفيذ حكم قضائى بتعويض موكلى بخمسين الف جنيه والا سارفع جنحه مباشره ضدهما ومن اجل رفع جنحه مباشره ضد وزير الداخليه يجب ان ترفع عنه الحصانه اولا لانه عضو بمجلس الشورى اقلكم بقى الحكايه

اليوم الاحد 2 مارس 2008 ذهبت لمحكمة محرم بك للكشف على بعض القضايا وعند وجودى بالمحكمه قابلت عبد الرازق محمد جمعه وهو موكلى الى سبق ان تقدمت بطلب لرفع الحصانه عن وزير الداخليه لامتناعه عن تنفيذ الحكم الصادر لموكلى بتعويضه ب 50 الف جنيه عن الفتره التى قضاها بالمعتقل 9 سنوات بدون اى اتهام او جريمه كما ارسلت انذار لمدير فرع مباحث امن الدوله بالاسكندريه حيث انه مدعى عليه ثانى فى نفس الحكم وطالبته بتنفيذ الحكم والا سيتم رفع جنحه مباشره لامتناعه عن تنفيذه والعقوبه المنصوص عليها فى قانون العقوبات لمن يرتكب جريمة الامتناع عن تنفيذ حكم قضائى هى الحبس والعزل من الوظيفه وذلك وفقا للماده 123 من قانون العقوبات .

نرجع لموضوعنا لاقيت عبد الرازق بيجرى ولما شافنى وقف وقالى انا حالغيلك التوكيل قلتله ليه بس كده وانا مبتسم قالى امبارح السبت قبضوا عليا فى امن الدوله واضربت فى كتفى وقالولى عايز تحبس وزير الداخليه ومدير امن الدوله باسكندريه انت والمحامى بتاعك احمد عراقى بتاع حزب الغد فقالهم انا ماليش دعوه انا سلمت الاوراق للمحامى وهو اللى بيتصرف وبينفذ الحكم وانا ماعرفش حاجه, قالوله بكره تلغى التوكيل للمحامى ده وتجبلنا شهاده بانك لاغيت التوكيل , قلتله ليه يا شيخ رزق لو عايز تلغى التوكيلعلشان انا قرت فى قضيتك ده حقك لكن انا ماقصرتش ومعرض نفسى للمشاكل علشانك , قالى انا عندى عيال وخايف . قلتله لو عايز تلغى التوكيل الغيه انت حر بس انت كده سبت حقك وحق البلد لانك كده بتديهم فرصه انهم يستمروا فى عدم تنفيذ الاحكام القضائيه , الراجل سابنى ومشى ومش عارف حايعمل ايه المهم وهو ماشى قالى خلى بالك على نفسك لانه قالى انه مش حايسيبك وحايجيبك امن الدوله

هو ده اللى حصل النهارده فى بداية اليوم

امن الدوله يقبضوا على موكلى علشان يضغطوا عليه انه يلغى التوكيل علشان ماقدرش استمر فى المطالبه بتنفيذ الحكم الصادر لصالحه وعدم مطالبتى برفع الحصانه عن وزير الداخليه باعتباره عضو بمجلس الشورى وعدم ملاحقه مدير فرع مباحث امن الدوله بالاسكندريه الرافض تنفيذ الحكم

عليه العوض ومنه العوض فى البلد

دى صورة الانذار المرسل لامن الدوله ووزير الداخليه وعليه تاشيره قاضى الامور الوقتيه اللى وافقلى على عمل الانذار يعد مارفض محضرى المحكمه عمله مجامله لامن الدوله او خوفا منهم وبعد وصوله لامن الدوله تم القبض على موكلى وتهديده بالغاء توكيلى , طبعا ازاى مواطن مصرى يبعت انذار لامن الدوله ده اتجنن ده ولا ايه

يالا بينا نضحك ده احنا المصريين

النهارده الجمعه 29فبراير الساعه 11 مساء لسه راجع البيت وفتحت الانترنت اول خبر عينى وقعت عليه هو استشهاد فتاه مصريه كانت تلعب امام منزلها برصاص جنود اسرائليين

طبعا مبارك حايطلع ويقلنا ماتزعلوش دى مجرد غلطه
غلطه قتلت بنت مصريه غلطه ضيعت احلام وامال وسعاده عائله بكاملها بل احزنت كل المصريين
طبعا مبارك مش ناوى حتى يفتح بقه ويقول ماتزعلوش وهو ليه اصلا يقول طالما الشعب مش حايتكلم ومابينطقش بجد حاجه تقرف بقينا نبص للشعب نحس انهم شويه معاتيه شويه ناس هاطله كل حاجه يضحكوا وبس فى موت فى فرح واحد بيتعذب ادامهم واحد مش لاقى ياكل واحده مسروق منهوب مقتول يبصوا ويضحكوا بقى بالذمه مش شعب اهطل ؟

يالا بينا نضحك يالا بينا نضحك

يالا بينا نضحك يالا بينا نضحك

ده احنا المصريين دايما فخورين بجدودنا اللى مننا مستعرين

يالا بينا نضحك ده احنا المصريين

دايما فرحانين سعداء مبسوطين

دايما مرتاحين ولا شكوى ولا انين

دايما مغمضين وفى حالنا عالطول قاعدين

نبص للظالم ونبص شمال ويمين

علشان ندعى عليه واحنا مطمنين

اصلنا يا جماعه عالطول خايفين

ومن خاف سلم وعاش ماحدش يدرى بيه

ندعى بصوت عالى او واطى اطمنوا ماتقلقوش

فى الحالتين ربنا سامعنا وملايكته بتقول امين

يبقى ايه لازمتها الجرسه وتعلية الصوت

مانوطى صوتنا شويه بدل الخوف مايموت

ونتضرب يالقفا ونبتسم عالطول

اصل القفا وفا لشعب عاش مذلول

يالا بينا نضحك

احنا اخرنا مدير الامن لكن وزير الداخليه ماعملنهاش قبل كده

صحيت النهارده الخميس 21 فبراير كالعاده الساعه 8 ... النهارده كان عندى شغل بس يعنى مش كتير الاول اروح محكمة محرم بك استلم انذار كنت عامله لموكل نصاب كسبتله قضيته وصرف التعويض ودفع نص الاتعاب وهرب بس هو حايروح فين سواء هو او مراته اللى عملت نفس الموضوع من حوالى سنه , بعد ما استلم الانذار حاطلع لنيابة محرم بك اعرف طلب رفع الحصانه عن وزير الداخليه لامتناعه عن تنفيذ احكام قضائيه اللى كنت قدمته للمحام العام الاول وقرر تحويله لنيابة محرم بك حصل فيه ايه وبعد كده اروح المنشيه ومجلس الدوله , المهم استلمت الانذار وكان اعلن ادارى يعنى اعلن بالقسم لان وقت الاعلان ماكنش فى حد موجود بالبيت , طلعت بعد كده اسال على الطلب والشكوى ضد وزير الداخليه لاقيت الطلب موجود عند موظفه اسمها كريمه بمجرد انى قلتلها موضوع الطلب عالطول طلعته وقالتلى روح بسرعه لعم ابراهيم فى الحجره بالناحيه الاخرى علشان الطلب عنده , روحت لعم ابراهيم وطلع الصول ابراهيم , سالته فى طلب باسم احمد عراقى ضد وزير الداخليه فرد محاولا المزاح معى يعنى مين ده احمد عراقى وكان يتوقع اننى سأبتسم إلا اننى بكل برود نظرت اليه كررت فى طلب باسم احمد عراقى ضد وزير الداخليه فكرر ايضا مقولته هو مين ده احمد عراقى ولكى يحفزنى على الابتسامه ابتسم هو ونظر باتجاهى فوجدنى انظر اليه وانا لا يوجد على وجهى اى تعبيرات فما كان منه الا ان قام مسرعا يفتح الدولاب الخاص به ويخرج الطلب , وبدأ بفتح محضر وسالنى ايه هو موضوع شكواك فرفضت ان يسالنى مره اخرى لان موضوع الشكوى بالطلب فطلب منى ان اقول ان شكوتى بالطلب المقدم قلتله حاضر اكتب كده , بعد ما كتب سالنى انا طلباتى ايه قلتله مانا قلتلك بالطلب شكوى ضد وزير الداخليه ومدير فرع مباحث امن الدوله باسكندريه لامتناعهم عن تنفيذ احكام قضائيه وبطالب ايضا برفع الحصانه عن وزير الداخليه , كتب كلامى وقالى عن وزير الداخليه بس ماترفعها عن اللى اكبر منه ده الزيت بقى ب 9 جنيه والسكر والدقيق ولا الفول مابقناش نعرف نجيبه علشان ناكل , خرج علينا واحد ماعرفوش قال مابلاش كلام فى السياسه قلتله وهى فين السياسه دى بس الراجل بيتكلم فى الاكل يعنى مش كفايه مش عارف ياكل ولا ياكل عياله كمان مايشتكيش .
المهم عم ابراهيم الصول الذى اقترب من الستون ولا يعرف ان يدبر الغذاء لأولاده اصطحبنى لحجرة رئيس النيابه , قال لى رئيس النيابه احكيلى طلباتك قلتله تانى مانا قلت لعم ابراهيم وبل عم ابراهيم قلت بمديريه الامن , قالى طيب قولى حكتله الموضوع تانى وفى الاخر عايز ارفع الحصانه عن وزير الداخليه لاتخاذ اجراءات الجنحه المباشره ضده , قالى بس مجلس الشورى مش حايرفعها عنه , رديت وقلتله بس ابعت الطلب والباقى على ربنا لان كده حرام ده ادامه اكتر من 20 الف حكم رافض ينفذهم , رد مبتسما 20 الف بس ده عليه اكتر من مليون حكم , قلتله اللى يهمنى اتخاذ الاجراءات القانونيه , قالى تمام وبعت لعم ابراهيم اللى طلعت عينه معايا فى اليوم ده وقاله ادخل لفلان بيه وهو وكيل النائب العام راح عم ابراهيم دخله الورق فنادى عليا فلان بيهدخلت لاقيت عنده 2 وكلاء نيابه والتالت ماعرفش برضه وكيل نيابه ولا ظابط ولا ايه , سالنى ايه طلباتك قلت لسه حاقولى انى سبق وقلت ان طلباتى مكتوبه بالشكوى وانى قلت طلباتى لعم ابراهيم وكمان رئيس النيابه . اختصاره للوقت قلتله فرد مبتسما بس ده مش اختصاصنا اننا نرفع عنه الحصانه بمجرد كلامه ده عرفت نهاية طلبى حاتكون ايه
قلتله انا عارف بس انت بتبعت لمجلس الشورى تطلب منه اتخاذ الاجراءات قالى ماهما مش حايوافقوا , رديت طيب انت اعمل شغلك وهما عليهم يعملوا شغلهم , قالى يا ابو حميد بص احنا هنا اخرنا مدير الامن استدعيناه وسالناه اما وزير داخليه فدى ماحصلتش قبل كده , فقال لى اخر كان يجلس امام المكتب لو عايز موضوعك يمشى قدم طلبك بالمكتب الفنى للنائب العام وهما يبعتوا لوزير العدل فوزير العدل لو وافق يبعت لمجلس الشورى يطلب من رفع الحصانه , طبعا ابتسمت جدا بقى وزير العدل حايطلب رفع الحصانه عن وزير الداخليه , قال لى اخر كان يجلس بجوار المكتب وهو يبتسم جدا وسعيد لدرجة اننى لا اعتقد انه يوم تعيينه بالنيابه كان اكثر سعاده من ذلك بص يا احمد انا فى واحد صاحبى انت ماتعرفوش قالى الشكوى لغير الله مذله , عملت نفسى مش سامعه انا مش ناقص ,وسالتهم ليه انتم رافضين تبعتوا لمجلس الشورى تطلبوا رفع الحصانه ده حقى فقال الاخير وكان يجلس بجوار ممكن نعملهاله امتناع عن تنفيذ حكم قضائى ونبعت لمجلس الشورى طبعا وش وكيل النيابه اللى قاعد على المكتب اتقلب وقالى بص يا احمد زى ماقلتلك انت تتوكل على الله وترفع جنحه مباشره على وزير الداخليه وتطلب من المحكمه التصريح باتخاذ اجاراءات رفع الحصانه , طبعا الكلام ده انا عارف كويس انه لا يجوز قانونا لان اى تحقيق او اجراء رسمى لا يجوز مع عضو مجلس الشعب او الشورى قبل رفع الحصانه , ولكنى تأكدت انهم لن يفعلوا شيء وفعلا قال لى سيتم حفظ طلبك , فبدأت اقف لكى اخرج فقال لى الذى بجوار المكتب ليستفزنى اكتر واحد صاحبى انت ماتعرفوش قالى الشكوى لغير الله مذله المره دى رديت عليه وقلتله لا الشكوى لغير الله مش مذله علشان كده انا بشتكيلك , اتحركت نحو الباب فقال لى من يجلس على المكتب وهو مشفق عليا خلى بالك من نفسك نظرت اليه بابتسامه منكسره
وفتحت الباب وخرجت وانا كلى اصرار ان استكمل مشوارى لاحصل على حقى ولتذهب نفسى اذا خافت الى الجحيم فلن تستحق ان اخاف عليها .

البنت الشاذه اتجننت لما وقعت فى الاسر !!!

النهارده الاثنين 18 فبراير صحيت الصبح الساعه 8 ونص علشان اروح شغلى اول ماصحيت لاقيت الجو ساقعه جدا والدنيا تلج , المهم قمت لبست هدومى بعد ما صليت الصبح وانا بتوضا كانت الميه متلجه لكن قدرت اتوضا جيت انزل من البيت لاقيت الدنيا بتشتى يعنى بتمطر( لغير الاسكندرانيه ) لانهم مش بيفهموا يعنى ايه بتشتى , فقلت اقعد على النت لحد ماتبطل اول مافتحت النت فتح الياهو لاقيت بنت اسمها ليلى هو بالانجليزى lily اول مره اكلمها هى جابت ايميلى من على موقع الفيس بوك لانى ايميلى موجود على البروفيل بتاعى , البنت دى شاذه مش يعنى بتمارس الجنس مع البنات لالالالالالالالالالالالا ده يا ريت كده البنت دى عندها شذوذ من نوع تانى البنت دى ساديه جدا وبتستمتع بتعذيب الرجال اللى بيلقبوها بالملكه وهما طبعا عبيد عندها والغريب انهم هما كمان بيستمتعوا جدا انها تعذبهم وكمان تمارس معاهم الجنس بكعب جزمتها زى ماهى بتقول !! هى اول ما كلمتنى كانت فاكرانى زى الرجاله .... رجالة ايه بقى اللى يتعمل فيهم كده بلا خيبه ...... كانت فاكرانى زيهم وممكن تعمل معايا كده وطلبت فعلا انى اكون عبد عندها فأنا رفضت طبعا فهى اصرت وشتمتنى كانها اسرتنى فى غزوه من الغزوات طبعا لسانى مايتوصاش وقلت احسن عقاب للى زيها انى اشتمها وابهدلها علشان تعرف ان مش كل الناس حاتركع تحت رجلها وفعلا بهدلت اللى جابها المهم البنت طبعا شتمت زى مابشتمها بس طبعا بقت مش ملاحقه انا كنت قنبله وانفجرت فيها , البنت طلبت منى بعد ماكانت عايزانى عبد اننا نكون اصدقاء ومانشتمش بعض فانا وافقت لانى عايز اعرف ايه الشخصيه الشاذه دى بتتعامل ازاى , لاقتها بتقولى انا مش بحب اتكلم فى الجنس رغم انها لما شتمت استخدمت كل الالفاظ الجنسيه افعال واعضاء واللى يتعمل واللى مايتعملش , قلتلها اوك وانا ماطلبتش نتكلم فى الجنس سالتها انتى ليه بتتعاملى معاهم كده ردت بكل وقاحه اصل دول عبيد وكلاب عندى , قلتلها لو واحد منهم سمعك بتقولى عليه كده اكيد حايزعل , قالتلى ده بالعكس لو انا ماشتمتهمش كده وقلتلهم يا كلاب يا زباله انتم عبيد عندى تبوسوا رجلى وتناموا على بطنكم امارس معاكم الجنس بكعب جزمتى لو ماقلتش كل ده مش حايعتبرونى الملكه بتاعتهم وحايدورا على ملكه تانيه , قلتلها دول اكيد مرضى حرام تستغلى مرضهم بدل متساعديهم يتعالجوا ردت قالت مرضى ايه دول كلاب , قلتلها انتى كده شاذه قالتلى شاذه ليه انا مش بمارس الجنس مع بنات قلتلها الشذوذ معناه انك تكونى مختلفه عن الاغلبيه وخاصة عندما تفعلى افعال يخجل منها الغالبيه من الناس فتعتبرى شذيتى عن القاعده , قالتلى شاذه شاذه المهم انى ملكه وهما عبيدى كلاب تحت رجلى , وبدات تحكيلى ازاى بتمارس معاهم الجنس بكعب جزمتها وهى رابطاهم على الكرسى وبتعذبهم وهما مستمتعين , المهم هى انها لما بتحكيلى انى مستمتع بكلامها وحاطلب منها اكون زيهم انا بس كان كل اللى هاممنى انى اعرف ايه حكاية الناس دى لان اول مره اقابل فيها واحده بالشكل ده فطلبت منى تانى انها تعمل معايا زى مابتعمل معاهم قلتلها انا لا يمكن اكون عبد عن اى انسان فشتمتنى تانى طبعا شتمتها وبهدلت اللى جابها تانى لحد مابقت مش عارفه ترد عليا وبت المجنونه بتقول مع نفسها ازاى تشتم ملكه زيى انت مش عارف انا مين ...... قلتلها حتى اللى زيك بيقولوا انت مش عارف انا مين قلتلها لا يا ستى انا عارف قالتلى يببقى ازاى تشتم ملكه قلتلها لانك وقعتى فى الاسر وبقيتى جاريه عندى , البنت انزعجت جدا مستحييييييل لالالالالالالالالالا انا جاريه مش ممكن مستحيييييييييل , قلتلها هى دى الحقيقه دلوقتى انا اسرتك وانتى جاريه عندى البنت كانها صدقت بتقولى مش قادره امسك نفسى من العياط ازاى انا يحصلى كده وامتى ده حصل ................. قلتلها يا بت المجنوووووونه ده الشتا ارحم وعملتلها بلوك ومسحت ايميلها من عندى وقفلت النت ونزلت ومشيت تحت الشتا واستمتعت بالمشى تحت الشتا والشمس طالعه كعادة اسكندريه فى عز الشتا نلاقى الشمس طلعت ونورت الدنيا .

مش حاتقدر تغمض عنيك

مدونتى الجديده

حاكتب كل حاجه واى حاجه ومن غير كدبه واحده والى مش عاجبه مايدخلش يقرا

إنتظروووووووووونا